旭川位於北海道正中央。除咗旭山動物園等觀光景點外，仲可以享受每年冬天舉辦嘅著名旭川冬祭。旭川站附近有一個人氣購物中心，成日都充滿人潮。從呢個城市前往富良野同美瑛都好方便。以下係精選嘅４間旭川酒店，方便你旅遊期間入住。
前往購物好方便：旭川微笑酒店 (Smile Hotel Asahikawa)
旭川微笑酒店距離JR旭川站約5分鐘步行路程，靠近平和通買物公園同購物中心。客房有西式同日式。設施豐富，可以享受舒適嘅住宿。酒店內設有投幣式自助洗衣店。餐飲方面，有西式自助早餐。
酒店資訊
- 名稱: 旭川微笑酒店 (Smile Hotel Asahikawa)
- 地址: 北海道旭川市１条通６丁目左１０號
- 交通方式: JR函館本線「旭川站」西口步行約5分鐘
方便前往周邊旅遊景點：
旭川星野OMO7度假酒店 (Hoshino Resorts OMO7 Asahikawa)
旭川星野OMO7度假酒店係一間位置便利嘅觀光型酒店。可以根據旅行嘅風格選擇房型，例如標準和室、洋室，都有得意可愛嘅設計。酒店內仲設有各種設施，如SPA、桑拿同溫泉浴池、水療設施等。享受設施嘅同時，仲可以欣賞大雪山嘅景觀。餐廳供應中式同日式料理，可以品嚐旭川當地食材。另外亦有Café同酒吧。
酒店資訊
- 名稱: 旭川星野OMO7度假酒店 (Hoshino Resorts OMO7 Asahikawa)
- 地址: 北海道旭川市6条通9丁目
- 交通方式: 從JR旭川站步行13分鐘
酒店內有可以享受美景嘅餐廳:
ART 旭川酒店 (Art Hotel Asahikawa)
ART旭川酒店係一間坐擁豐富自然景觀嘅酒店。客房裝潢以寧靜嘅色調為主，並提供高品質嘅住宿空間。有各種裝潢主題嘅和室同洋室客房，可以隨時舒適地放鬆身心。客人可以喺欣賞得到大雪山景觀嘅餐廳用餐。可以品嚐北海道新鮮食材製作成嘅菜餚。主廚喺你眼前準備餐點，可以享用新鮮美味嘅菜餚，如鐵板燒同天婦羅等。酒店仲有日式餐廳，可以品嚐使用北海道食材烹製嘅菜餚。
酒店資訊
- 名稱: ART 旭川酒店 (Art Hotel Asahikawa)
- 地址: 北海道旭川市7条通6丁目29番地2
- 交通方式: 從JR旭川站步行15分鐘；或從JR旭川站乘搭酒店免費接駁車
完美嘅天然溫泉：旭川超級酒店 (Super Hotel Asahikawa)
旭川超級酒店係一間擁有天然溫泉嘅商務酒店。地理位置便利，方便入住嘅客人前往旭川冬祭等活動場地。客人可以享受簡潔乾淨嘅客房。除咗寬敞嘅床，仲有8種唔同類型嘅枕頭提供租借。 酒店設有天然溫泉，一於嚟浸個溫泉，消除旅途嘅疲憊啦！酒店Lounge供應精選食材製作嘅美味早餐。每日朝早都可以品嚐新鮮出爐嘅麵包。
酒店資訊
- 名稱: 旭川超級酒店 (Super Hotel Asahikawa)
- 地址: 北海道旭川市宮下通11丁目767-3
- 交通方式: 從JR旭川站步行5分鐘
Comments