講到北海道旅行重點當然就係「大自然」啦。洞爺湖地區，有著美麗嘅湖泊同令人印象深刻嘅火山等，係可以近距離感受北海道動態自然嘅人氣觀光景點之一。「洞爺湖」每年吸引好多觀光客造訪，係能夠欣賞數一數二嘅北海道三大景觀之一嘅湖水與群山。
另外，喺呢個知名嘅度假勝地，仲可以隨意輕鬆咁浸溫泉。湖畔嘅洞爺湖溫泉街除咗可以浸溫泉，亦可以喺鄰近嘅遊步道享受散步嘅樂趣。今次小編要為大家介紹幾間可以盡情享受大自然，喺洞爺湖周邊嘅酒店。
坐落於洞爺湖畔嘅酒店 「洞爺格蘭酒店」
「洞爺湖溫泉 湖畔之家 洞爺格蘭酒店」係可以眺望洞爺湖嘅美麗酒店。客室房型主要以和室為主，亦有提供洋室客房。可以邊欣賞洞爺湖美麗嘅變化邊悠閒度過。
溫泉則係開放感十足嘅大浴場，可以享受使肌膚光滑嘅溫泉。有露天浴池、桑拿、泡泡浴等，可以放鬆同舒緩疲憊嘅身軀。酒店提供豐富嘅當地山珍海味料理。請品嚐一下洞爺湖嘅當季美味啦。
酒店資訊
- 酒店名稱：洞爺格蘭酒店
- 地址：北海道虻田郡洞爺湖町洞爺湖溫泉144
- 交通方式：JR「洞爺站」車程約10分鐘
眺望洞爺湖景，體驗沙灘氛圍嘅 「洞爺湖太陽宮酒店」
「洞爺湖太陽宮酒店」係可以眺望洞爺湖景色全景嘅度假型酒店。亦有正統嘅表演同娛樂設施，提共豐富多元嘅服務。
客房全部都係海景房，可以眺望洞爺湖嘅每個季節嘅景色。除咗有簡單嘅和室同洋室客房之外，亦有現代風和室、洋室，同現代風和洋混合房。
另外，酒店設有海灘同滑水道，亦有可以體驗波浪嘅泳池等設施。餐飲方面提供自助餐亦可以喺客房內享用。自助餐可以享用日式、西式、中式嘅豐富料理，以及手工甜點同飲品等，大人細路都可以盡興。仲可以品嚐到好多喺面前現做出爐嘅料理㖭吖。
酒店資訊
- 酒店名稱：洞爺湖太陽宮酒店
- 地址：北海道有珠郡壯瞥町字洞爺湖溫泉7-1
- 交通方式：從JR「洞爺站」車程約10分鐘。另外，從札幌市有預約制嘅免費接駁巴士可乘搭，包含休息時間車程約2小時半。
休息空間開放感十足 「Nonokaze Resort」
「THE LAKE VIEW TOYA Nonokaza Resort」嘅娛樂設施同休息嘅開放空間相當充足。客房有標準房型嘅雙床房、和洋混合房、附眺望風呂嘅客房同特別房等。全部客房都可以一覽美麗嘅洞爺湖湖景。
溫泉則係提供多種浴池嘅選擇。最上層嘅天空露天浴池，設計為湖面上湧出溫泉嘅感覺，可以盡情享受與洞爺湖形成一體嘅美景。
用餐方面，可以一覽洞爺湖嘅餐廳提供豐富料理，喺呢度享用自助餐，亦可以喺餐廳內品嚐使用嚴選食材烹調嘅創意法式料理或日式料理。
酒店資訊
- 酒店名稱：THE LAKE VIEW TOYA Nonokaza Resort
- 地址：北海道虻田郡洞爺湖町洞爺湖溫泉29-1
- 交通方式：從JR「洞爺站」車程約20分
可以盡情享受戶外活動 「Hotel Lakeside Terrace」
「洞爺湖萬世閣 Hotel Lakeside Terrace」有著豐富嘅設施，好似係可以眺望洞爺湖嘅露天浴池、網球場、酒吧、室內泳池等。洞爺湖周邊則係有雕刻公園同遊覽船等，附近仲可以體驗騎馬、划獨木舟、採水果等活動。眾多可以實際體驗被晴朗天空同湖泊包圍嘅大自然景點。
客房提供多種房型，有和室、洋室，同和洋室房型，提供各種住宿需求。面對洞爺湖嘅房間仲能欣賞煙花。用餐可選擇自助餐形式或者係喺房內享用。選擇自助餐嘅話，仲可以喺開放感十足嘅餐廳內享用日式、西式、中式等豐富嘅料理。
酒店資訊
- 酒店名稱：洞爺湖萬世閣 Hotel Lakeside Terrace
- 地址：北海道虻田郡洞爺湖町洞爺湖溫泉21番地
- 交通方式：從JR「洞爺站」轉搭巴士約20分
Comments