堺市位於關西地方嘅中央地帶。面積約為149平方公里, 約有84萬人口。仲記唔記得當時創下亞洲高收視率嘅日劇「半澤直樹」呀? 裡頭除咗主演堺雅人嘅精湛的演技及扣人心懸嘅劇情之外, 再加上其他配角演員嘅實力演技成功令成套劇更加好睇加分, 所以得到好多好評, 嗰時紅到風頭一時無兩添。而當中飾演大阪金融廳檢查局主任檢查官(大阪國稅局査察部統括官)黑崎駿一呢個角色, 有「黑崎娘娘」之稱嘅演員片岡愛之助就係喺堺市出身。除咗身為電視劇演員, 佢仲係一位好出名嘅歌舞伎演員喔。
喺新大阪搭地下鐵出發, 約30分鐘就到達堺市。喺堺市市內可以買張叫「阪堺擴大版」嘅一日乘車券, 咁就可以全日任搭全線阪堺電車全線同指定地區嘅南海巴士去輕鬆遊主要景點啦。
👉「阪堺擴大版」票價：成人700日圓、小孩350日圓
世界三大古墓之一: 仁德天皇陵古墳
同埃及嘅胡夫王金字塔(Pyramid of Khufu), 中國嘅秦始皇陵並列世界三大古墓嘅仁德天皇古墳係日本最大嘅前方後圓墳。全長約486米, 整座陵墓面積約48萬平方米, 內部係唔對外開放。但可以登上堺市市役所21樓嘅展望台望過去可以睇到唒古墳嘅全景。而且展望台係可以免費入場㗎。參觀完仲可以去埋堺市博物館行吓, 可以了解多啲古墳嘅歷史, 又可以參觀出土的文物、兵器等。
日本嘅茶聖「千利休」同日本文學中佔好重要地位嘅女詩人「與謝野晶子」
呢兩位係日本文化之中佔好重要地位, 同時又係堺市嘅代表人物。千利休被稱為「日本茶聖」。講起日本茶道文化, 就唔可以唔知邊個係千利休。他把茶與禪嘅精神結合，喺茶道嘅本質上搵到「禪」嘅真諦。「和敬清寂」作為日本茶道精神的宗旨而完成「侘茶」。當時好流行請茶匠們開茶會。千利休不但服侍過織田信長, 之後繼位嘅豐臣秀吉都鍾意茶道, 千利休亦持續在側服侍。但因為種種因素, 最後最後被賜切腹自盡。堺市「南宗寺」就係千利休嘅長眠之地。茶道的文化，也透過他的弟子們持續發揚光大。南宗寺的腹地雖然唔大, 但卻係十分寧靜優雅, 頗有千利休茶道嘅素雅之風。
堺利晶之杜
喺堺市出生嘅女詩人─與謝野晶子係日本文學史中好出名嘅浪漫主義女詩人。喺明治至昭和時代, 與謝野晶子憑住自由奔放嘅作品, 為當時保守嘅社會帶嚟一股新鮮感, 得到好大回響。而喺嗰個時期, 佢同另一半嘅戀情都受到唔少評擊。佢最著名嘅詩集係「亂髮」。堺利晶之杜主要係為咗紀念千利休同與謝野晶子而喺堺市新建嘅觀光景點。嚟到呢度嘅話就可以更深入了解呢兩位堺市嘅代表人物, 同時仲可以體驗茶道添。
嚟到堺市就梗係必買「刀」啦!
堺市嘅刀具係世界聞名㗎。製作刀具對堺市嚟講係重要嘅傳統產業。許多大廚們的刀都都係來自堺市。老舗「實光刃物」所製造嘅刀有非常之多種類及數量, 揀都揀到您眼花撩亂, 咁多點揀好? 呢個時候可以去「堺傳統產業會館」參觀吓。
才剛落幕嘅2018年世界盃，讓全世界都沉醉在世足的魅力中。亦有好多足球選手都喺呢個大型比賽之後宣布退出職業足球隊。不過就算係咁, 都不減選手或者FANS對足球嘅熱情。World Masters Games2021關西係開放俾全世界嘅運動愛好者, 年滿30歲以上任何人士都可以參加。許多退下第一線嘅選手們，亦能係World Masters Games2021關西繼續享受運動嘅刺激跟樂趣。
您也許都有機會係這場大賽中，跟曾是職業選手們角逐金牌喔！World Masters Games2021關西運動會足球競技及5人制足球競技項目嘅比賽場地就是在堺市。又鍾意旅行, 又鍾意運動嘅你千祈唔好錯過喇!
「World Masters Games2021關西」詳細可以睇呢度 👉👉👉https://www.wmg2021.jp/en/
Comments