日常用品、生活雜貨、居家裝飾同手工藝品等，各式各樣嘅商品都應有盡有嘅就係TOKYU HANDS。藥妝商品區都擺咗唔少多采多姿嘅髮妝用品、彩妝用品和基礎保養品等商品。喺眾多產品當中，呢次介紹嘅商品係番梘。製作講求原料成分，洗起嚟可以好舒服，強調洗完肌膚會滑滑嫩嫩等呢啲充滿個性嘅番梘當中，想同你介紹嘅係幾款用絲綢、炭同茶葉呢類珍貴成分製成嘅番梘。
原料係絲綢，洗淨後肌膚清爽滋潤係其特色「Savon．de．Chiffon」／3,991日圓（含稅）
只 用群馬縣富岡市嘅特產「富岡絲絹」所製成嘅純日本產高級番梘。而登錄至世界遺產嘅「富岡製絲廠」就係位於群馬縣富岡市。絲綢嘅原料係由蠶繭由「絲蛋白（fibroin）同「絲膠蛋白（sericin）」兩種纖維狀嘅蛋白質所構成，經過特殊嘅技術，只抽取優質嘅絲蛋白，作為番梘嘅原料，等番梘用落又清爽又滋潤。再搭配「Lipidure」鎖水保濕因子，聽講保濕力大約有玻尿酸嘅2倍呀。而且絲綢入面含有同人體肌膚相同嘅胺基酸！所發起嘅泡泡極度細緻，不含任何雜質，敏感肌膚嘅人同BB仔都適用。又可以用嚟沖涼、洗頭髮。一定要試吓呢款番梘呀！
萃取自京都宇治茶，改善肌膚暗沉！「自然舒適茶葉洗臉皂」／756日圓（含稅）
呢個係改善肌膚暗沉、清除肌膚上累積嘅老化角質，徹底清潔皮脂污垢，等肌膚嘅光澤更昇華嘅一款番梘。
「京都宇治茶萃取物」係可以改善肌膚暗沉、清除角質嘅「溫泉水」，含有喺草本植物萃取嘅「櫻花精華、尤加利精華」等總共10種天然保養成分。呢款番梘嘅特色係富有彈性嘅濃密泡泡，放喺手上面就算手心向下都唔會滴落。綠茶香味仲可以令人放鬆心情添。產品附送起泡網。
由檜木、泥同炭調配而成，能夠洗淨毛孔污垢同老舊角質「檜木泥炭石 黑色」/756日圓(含稅)
天然萃取嘅「檜木精油」，再加上「泥」、「炭」同「木瓜酵素」調配而成嘅洗臉番梘。炭微粒子深層洗淨毛孔汙垢，天然泥嘅礦物質成分又可以滋潤肌膚。用喺刮鬍時又唔會刺激到肌膚，能夠將老舊角質同皮脂污垢等洗得乾乾淨淨。淡淡嘅檜木香氣，用起嚟好舒服，所以都幾受歡迎。呢個係一個可以用嚟卸淡妝，亦適合全身用嘅無染色洗臉番梘。係自發售以來，累計出貨量已經超過1000萬個嘅最佳暢銷商品嚟㗎！
■店名
TOKYU HANDS渋谷店
■地址
〒150-0042 東京都澀谷區宇田川町12-18
■營業時間
10:00 ～ 21:00
■公休日
不定期公休
■交通方式
JR「澀谷站」八公口行約8分鐘
Comments