您習唔習慣戴口罩？如果您曾經去過日本，可能喺路上見到戴住醫療用口罩嘅日本人。
對於某些國家，只有身患嚴重疾病嘅人先至會戴醫療用口罩，所以對部分旅客嚟講，係相當引人注意嘅景象。
但係喺日本，戴口罩係好平常，可以話係生活嘅一部份，年中都會有好多人會成日戴口罩!
根據日本衛生材料工業聯合會嘅統計，日本每年平均消費大約20億個口罩！以全日本總人口1.27億嚟計，即係每個人用超過15個口罩。
本篇文章將會說明日本人係幾時開始戴口罩，又點解會變得普遍。亦會分享一下不適宜戴口罩嘅場合，同戴口罩時要點先可以避免冒犯其他人。
日本戴口罩嘅歷史
- 最早期嘅口罩係以金屬網覆上布料所製成嘅。可以簡單地將灰塵隔離。
- 口罩直到1918年都仲未流行，當威脅到健康與生命安全嘅西班牙流感開始喺日本全國流行嗰陣，瞬間爭相買口罩嚟保護自己免被傳染。每次當有新疾病喺日本傳開，口罩又會即刻變得非常搶手。
- 1950年代，無金屬網嘅綿布紗狀口罩誕生，與依家嘅口罩較為雷同。
從此時起，開啟日本人對口罩嘅熱愛之路。
點解要戴口罩？
日本人戴口罩有好多唔同嘅原因,最一開始，口罩係減少與花粉、灰塵和病毒等接觸而廣泛使用。
同時，當感冒或者係得到傳染性疾病昤，會戴上口罩預防疾病傳染畀其他人,或女生素顏時、面上生痘痘等情況要出門時,都會戴上口罩遮掩一下。
而部分人士只係想避開「以臉見人」，被稱為「口罩依存症」，每日都要戴口罩出門。因為戴口罩可以避開其他人嘅注視而感到份外安心。
口罩禮儀
但唔係所有場合都適合戴口罩啊。例如喺工作嘅場合時，戴口罩被普遍認為唔恰當。因為戴口罩會令其他人好難辦識到您嘅表情被認為禮儀不當。
另一方面，大多數日本人因感冒時要請假休息都會難以啟齒。大多數都會傾向、或者係被要求如常去返工。呢種時候喺同事面前戴口罩就無咩問題。但如果與老闆、客戶見面前可能會被建議要除低口罩。
※但無論幾時需要除低口罩，都唔好直接塞入口袋裡面。可以買一個口罩套去安全地收納好。
非工作場合時，都會有口罩嘅使用禮儀。如婚禮時戴口罩係非常不恰當，如果因為生病，就建議直接唔好出席。而參加喪禮時戴口罩就無問題。但如果要與其他人交談時，就要先除低口罩表達歉意後再戴回啊。
口罩嘅未來
日本市面上面口罩有各種唔同形狀、顏色與尺寸。例如有分大細臉專用、立體3D口罩等等，各式各樣都可以喺藥妝店同埋便利店選購得到。
亦有銀離子殺菌技術嘅口罩、含二氧化鈦可以令病毒失去活性嘅口罩、喺瞓覺嗰陣可以保濕臉部同嘴部嘅口罩、同埋有特殊設計造型或者係黑色平光設計，符合時尚感嘅口罩。
下次嚟日本啱啱好過敏發作時，去買個口罩吧~記得注意唔好戴著去參加重要嘅會面啊!
Comments