夏天嚟到日本旅行, 唔同其他季節, 最令人期待嘅就係滿滿嘅夏日祭典喇! 除咗例牌嘅夏日煙花大會之外, 仲有喺市內舉辦嘅啤酒花園活動, 其中8月份嘅重頭大戲就係盂蘭盆節。盂蘭盆節對於日本人嚟講, 係一個拜祭祖先嘅日子。除咗傳統嘅拜祭儀式之外，好多唔同嘅地區亦都有當地嘅活動，呢個期間嘅日本三大盂蘭盆舞有岐阜縣嘅「郡上舞」、德島嘅「阿波舞」同秋田縣嘅「西馬音內舞」，其中又以德島嘅「阿波舞」更係喺呢個時候特別受到矚目。
德島嘅阿波舞嘉年華
每年嘅8月12號至8月15號喺四國嘅德島舉行，成個城市就好似一個大型嘅封街嘉年華會。「阿波舞」嘅起源本來係為咗慶祝德島城落成，市民喺街上跳慶祝嘅舞蹈，舞蹈動作主要著重喺手部，女生們會著住又靚又鮮艷嘅浴衣，有好多公司工會裡面嘅員工會組成一個「連」嚟參加。喺條長長嘅街道上，一個接著一個嘅連，連接住無間斷咁跳舞出場約莫兩個鐘，亦有喺街上唔洗收錢就睇到嘅阿波舞表演，民眾們都可以跟著落去跳。喺呢4日，德島應該係全日本最歡樂嘅城市喇！如果您唔係喺呢段時間遊德島，都可以去阿波舞會館欣賞表演㗎！
同埋唔好忘記從阿波舞會館5樓可以搭纜車上去眉山。如果天朗氣晴時，喺眉山上仲可以睇到淡路島跟同歌山縣嘅紀伊山地添！
德島大步危、小步危峽谷遊船
鍾意大自然風光嘅您，絕對唔可以錯過德島嘅大步危、小步危峽谷，佢係日本吉野川嘅一段溪谷，坐巴士前往大步危後，最好嘅觀光方法就係搭觀光船喇。兩邊V型翠綠嘅山脈，及兩岸灰白色岩石，彷彿與世隔絕般嘅清幽，到咗下遊小步危再掉頭返到原本上船位。除咗夏天嘅芬芳景色之外，秋天時繽紛嘅楓葉都係絕美！
反正都嚟到呢度喇，一定要去參觀埋「奧祖谷二重葛藤橋」，佢係祖谷川非常出名嘅景點，據說喺日本歷史上「源平之戰」中戰敗嘅平家一門逃到呢個地方，用藤做成嘅橋係為咗隨時能切斷以阻擋追擊。雖然而家會固定檢修，但係走喺呢條藤製橋上，仲係會令人心跳加速呢。
一舉多得嘅旅行計劃
如果您係運動健將，或者係熱愛睇運動賽事的話，安排喺2021年去德島旅行時，仲可以出場參賽或者觀賽「World Masters Games 2021關西」，其中保齡球、高爾夫、舉重、獨木舟﹝障礙賽﹞、三項鐵人同兩項水陸鐵人等競技項目都會喺德島縣舉行。無論係旅行定係運動，都係人生休閒活動嘅重要項目，規律嘅運動造就強健嘅體魄，令您可以活到老玩到老。現今嘅運動愛好者們，都唔受年齡嘅限制，對於自己鍾意嘅運動，一直持續咁練習落去。保齡球或係高爾夫球都好，熱愛嘅年齡層更係好廣泛嘅。亦可以令到唔同世代嘅人透過同一種喜好，得到更多嘅交流，而家開始練習都唔算遲啊！
你想知多D噤呢邊了解大會更多☞☞https://www.wmg2021.jp/en/
Comments