呢日我哋分開咗兩組行動，一組去製作牛仔褲，另一組則係體驗浴衣。然後，下昼再集合一齊去日本最近非常之受歡迎嘅觀光景點「父母濱」。製作牛仔褲、體驗著浴衣、同父母濱嘅一切，大家都玩得心滿意足！！
請睇吓今天嘅體驗遊記啦！
製作牛仔褲嘅體驗
我哋住宿嘅倉敷地區，係日本數一數二生產牛仔褲嘅地區嚟。當中我哋所造訪嘅BettySmith牛仔褲呢間公司擁有日本最古老嘅牛仔褲工廠。居然可以喺咁歷史悠久嘅牛仔褲工廠度，體驗牛仔褲嘅製作過程！
- 步驟1 首先喺幾種牛仔褲嘅種類入面揀選您所喜愛嘅種類，試著裁量好長度。
- 步驟2 為咗製作一件自己專屬嘅牛仔褲，揀選11個您鐘意嘅扣鈕。
- 步驟3 利用機器將揀選好嘅扣鈕一個一個咁釘上去牛仔褲。
- 步驟4 揀選鐘意嘅皮革小牌縫上去。
製作牛仔褲嘅專家親手指點教學之下，大家居然都完成咗！
完成咗呢件世界上獨一無二嘅原創牛仔褲！
景點資訊
- 景點名稱：Betty Smith牛仔褲博物館
- 地址：岡山縣倉敷市兒島下之町5-2-70
- 交通資訊：瀨戶大橋線兒島站徒步約30分鐘
浴衣體驗
呢邊係浴衣小組！喺殘存古早日本風景嘅倉敷試著浴衣，係一種非常特別嘅體驗嚟！喺呢個同浴衣最搭配嘅街道上著上浴衣散步，2位FUN!JAPAN嘅粉絲簡直係非常之滿足！
- 步驟1 揀選浴衣。
- 步驟2 請店員幫您著上浴衣。
- 步驟3 揀選木屐。
無論喺邊度影相都好靚嘅倉敷真係太cool啦！
景點資訊
- 景點名稱：倉敷和服小町（倉敷着物小町）
- 地址：岡山縣倉敷市本町5-10
- 交通資訊：山陽本縣倉敷站徒步約15分鐘
從岡山縣乘搭瀨戶大橋線嘅電車抵達香川縣！日本租車NIPPON RENT-A-CAR去父母濱！
各組喺兒島站集合，用JR西遊紀行瀨戶內地區鐵路周遊券往四國嘅香川縣出發。乘搭電車橫跨「瀨戶」大橋！電車喺海上奔馳嘅感覺真係令人神清氣爽啊！
然後我哋為咗去父母濱，喺NIPPON RENT-A-CAR租咗一部車。租車嘅好處就係，電車難以到達嘅地方都可以輕鬆咁前往，而且行李仲可以擺喺車上面，旅途嗰陣完全唔需拉著行李周圍走！大家喺車上面一同歡唱，渡過咗一段愉快嘅時光！
終於抵達咗父母濱！
抵達咗父母濱，傳聞中喺呢度可以影到非常之靚嘅天空之鏡，好似身處喺玻利維亞嘅烏尤尼鹽湖咁。海水好似鏡一樣咁反射，就好似嚟到咗夢嘅國度。我哋喺呢度影咗超過一百張嘅相。除咗我哋以外，仲有團體旅遊嘅客人，大家都因為呢個靚景而興奮不已，互相欣賞各自影出嚟嘅靚相㖭啊。
大家如果嚟到呢度嘅話，會擺出D咩POSE影相呢？光係諗POSE就令人滿心期待啊！！！
非常之多謝大家閱讀呢篇文章。
係咁、下次Visit Japan Campaign Report嘅文章係「日本旅行贈獎活動報導 Vol.3 ~摘桃、刀劍博物館、備前燒體驗！in 岡山~」，一定要睇啦！
景點資訊
- 景點名稱：父母濱
- 地址：香川縣三豐市仁尾町仁尾乙203-3
- 交通資訊：予讚線詫間站乘搭三豐市社區巴士（community bus）仁尾線，喺父母濱巴士站度落車，徒步大概1分鐘到父母濱
Comments