Visit Japan Campaign第二日！呢日我同5位FUN! JAPAN嘅FANS行咗轉宮島同和平紀念公園。
喺宮島有被登錄為世界遺產嘅嚴島神社、有好多細小嘅地藏菩薩同佛像嘅大聖院，無論係日本人定外國人都好鍾意嚟到宮島，係十分熱門嘅觀光景點。而和平紀念公園入面，有被永久保留嘅原爆圓頂館，切實呈現原子彈爆炸時嘅情況，而走入和平紀念資料館，可以重新認識到和平對呢個世界嘅重要性。就請大家一起欣賞我實際影嘅相，睇吓我哋實際去咗邊啲地方啦！再加上一啲我哋移動時嘅相，又睇吓我哋點用呢張JR西遊紀行瀨戶內地區鐵路周遊券吖！
嚴島神社就係「日本之美」。
天氣預報話有90%嘅降雨機率！但係，果然係能量景點（Power Spot）！雨居然停咗。嚟到嚴島神社，深深感受到所謂嘅日本之美，就係呢個喇！我哋只係單純咁被屹立喺海中心嘅鳥居感動到。雖然日本有非常多鳥居，但咁樣屹立喺海中央嘅神社真係好少見！
景點資訊
- 景點名稱: 嚴島神社
- 地址:廣島縣廿日市市宮島町1-1
- 交通資訊: 喺山陽本線宮島口站行5分鐘到渡輪碼頭→搭渡輪去宮島棧橋約10分鐘→步行到嚴島神社約10分鐘
唔去大聖院就太可惜喇！
去完嚴島神社就出發去大聖院。
嚟到宮島，有人淨係去嚴島神社，咁樣就實在太可惜喇！
實際上呢間大聖院喺當地好出名，仲有人嚟宮島係特登到大聖院參拜添！可能因為天氣預報話會下雨，嚟呢度嘅觀光客唔多。我哋喺大聖院入面過咗一段悠閒時光。
好多細小嘅地藏菩薩同佛像
喺呢間大聖院入面真係有好多細小嘅地藏菩薩同佛像。而且小地藏菩薩每一尊每一尊嘅表情神態同動作都唔同。而喺呢啲地藏菩薩當中，有啲上頭標示咗生肖，我哋四圍搵屬於自己生肖嘅地藏菩薩。包含我在內，同3位FUN!JAPAN嘅FANS都搵到自己嘅生肖-----馬嬲地藏菩薩！就响呢度！
景點資訊
- 景點名稱: 大聖院
- 地址:廣島縣廿日市市宮島町210
- 交通資訊: 從宮島棧橋步行約20分鐘
廣島原爆圓頂館&資料館
宮島之後，我哋就去咗和平紀念公園。大家都知，廣島係全球第一個被投下原子彈嘅地方。由於嚟到呢個歷史象徵嘅廣島原爆圓頂館，我、仲有5位FUN! JAPAN FANS心情都有啲複雜，但從中係學到嘢嘅。如果讀者們有機會嚟到廣島時，都請您哋實際嚟到呢度睇吓。
景點資訊- 景點名稱: 原爆圓頂館
- 交通資訊:「meipuru~pu」循環巴士橙色路線嘅原爆圓頂館前站徒步約1分鐘
- 地址:廣島縣中區大手町1-10
超級便利嘅JR西遊紀行瀨戶內地區鐵路周遊券
其實呢次交通移動，真係多得有呢張JR西遊紀行瀨戶內地區鐵路周遊券。對呢張票仲係唔熟識嘅人，可以Click呢度Setouchi Area Pass睇更多詳細資料。
住宿落腳點嘅廣島搭去宮島嘅渡輪，仲有廣島市內JR巴士嘅「meipuru~pu」循環巴士, 搭呢啲交通工具時都可以用到，非常便利！好適合啲完全唔想煩唔想度點買交通車飛等等問題嘅您！非常推薦用呢張車票㗎！
咁呢、下次Visit Japan Campaign Report嘅文章就係「Visit Japan Campaign Report Vol.3 ~製作牛仔褲、體驗著浴衣in 倉敷 & 父母濱 in 和歌山~」，一定要睇啊！！！
Comments