曾經何時再回首，已經離開學校時代好多年，甚至係好幾十年，學生時期嘅朋友，畢業後或者各有各忙，但係仍然保持聯絡，如果能同三五同窗知己相約出國同遊，係咪令您感覺到返番學生時期，大家嘻嘻哈哈、無話不談嘅年輕歲月呢？如果曾經係同一個運動社團，更有可能係畢業後仍維持一齊運動，或者參加比賽嘅習慣，World Masters Games 2021關西，將會係一個好機會，等您同您嘅老友仔一齊同遊日本關西、仲可以一齊參加比賽！2021年嘅拔河比賽地點就係關西奈良，
拔河呢項運動，可以話係團隊合作最佳嘅表現，8個選手唔但但係要彼此信任，姿勢、動作同埋出力嘅時間點都要一致先能夠將力量發揮到最強嘅狀態。拔河唔係個人英雄出頭，而係團隊勝出嘅一項運動，曾經嘅隊友們，係呢段一齊訓練嘅時光，亦必定令大家嘅交情更深厚，若果係畢業後，重拾當年一齊訓練、一齊運動嘅時光，會係何等喜悅啊！嚟睇睇同老朋友仔如何享受您哋嘅同學會旅行，睇完之後快D同曾經嘅隊友們聯絡，出門訓練喇！
關西嘅奈良唔只得一日遊
好多觀光客到關西旅遊，通常會安排一日去奈良行下，但係其實奈良可以細嚼慢嚥、好好品嚐嘅景點有好多，如果只係走馬燈方式觀光，會有少少可惜，畢竟奈良市係日本國內世界遺產最多嘅城市，如果可以去一趟奈良嘅深度之旅，必定令您收穫滿滿！
奈良公園走透透
奈良公園嘅占地約有660公頃，廣大嘅面積裡包含咗好多貴重歷史文化遺產，如東大寺、春日大社等，唔淨只有許多歷史深遠嘅建築，周遭嘅天然景觀亦融合得岩岩好，用一日時間好好地係奈良公園觀光，真係一D都唔為過！
奈良公園裡嘅東大寺
東大寺正式嘅名稱為「金光明四天王護國之寺」，係七~八世紀時由信奉佛教嘅聖武天皇所建立，係全日本國分寺嘅總寺院，最著名嘅係大佛殿裡，就可以睇到俗稱為「奈良大佛」座像，而大佛殿亦係目前世界最大嘅木造建築。响大佛嘅右後有一個巨型嘅木柱，木柱嘅下方有一個方形嘅洞孔，據說大小係同大佛嘅鼻窿一樣大，因此又被稱為「大佛嘅鼻窿」，如果能順利鑽過去的話，可以「無病消災」、「帶來好運」等，大家會想試下嗎? 有順利鑽過嘅朋友們，記得留言教大家有咩捐鼻窿嘅訣竅丫！
東大寺相關資訊：
交通：
- 從JR奈良站或近鐵奈良站搭奈良市內循環外迴巴士，「大佛殿春日大社前」落車，徒步約5分鐘
- 近鐵奈良站徒步約20分鐘
奈良公園裡嘅春日大社
春日大社鮮明嘅朱紅色係綠意盎然中，更顯得耀眼，迴廊嘅石燈籠同釣燈籠更係遊客們必留下身影嘅影相場所，每年嘅2月3日、8月14日同15日嘅萬燈籠節時，全部嘅燈籠都會點燈，場面不僅壯嚴更係壯觀，春日大社亦係奈良文化財嘅一部分，亦被列為世界文化遺產之一呢！
春日大社嘅相關資訊：
交通：
- 從JR奈良站或近鐵奈良站搭奈良市內循環外迴巴士，「春日大社表參道」落車，徒步約10分鐘，或係「春日大社本殿」落車，即可抵達。
- 近鐵奈良站徒步約25分鐘
奈良公園裡嘅若草山
如果鍾意悠閒氛圍嘅朋友仔，加上稍為有些體力嘅話，十分建議前往若草山行行走走，海拔約342公尺，整篇山野翠綠如新，上到山頂仲可以眺望一整個奈良嘅市景，夜晚嘅夜景亦係魅力無窮，呢度嘅鹿群們相較於東大寺或春日大社要來得慵懶許多，比較少會追著觀光客們要鹿餅食，好多當地人亦會準備食物係呢邊野餐，可以話係個令人心曠神怡嘅好地點！
若草山嘅相關資訊：
- 到山腳下嘅交通：從JR奈良站或近鐵奈良站搭奈良市內循環外迴巴士，「東大寺大佛殿‧春日大社前」或是「春日大社‧表參道」落車，徒步約15分鐘
- 近鐵奈良站徒步15分鐘
- 到山頂嘅交通：搭「新若草山ドライブウェイ」抵達若草山頂停車場，徒步5分鐘
與老朋友漫遊奈良嘅定番景點，單單一個奈良公園，就真係值得您細細品嚐，就如同與老友般嘅情誼，細水長流！下一篇將會介紹奈良嘅其他私房景點，唔好唔記得要收藏起嚟丫，再來就係向老朋友們發出同遊嘅邀約囉！一生能有一齊參加拔河比賽嘅隊友，一齊訓練、一齊玩，開心SHARE生活嘅喜悅，咪正正係World Masters Games 2021關西嘅宗旨！？
更多World Masters Games 2021資訊，請睇👉👉👉http://www.wmg2021.jp/en/
Comments