去過關西旅行嘅人好多，但係除咗大阪、京都同奈良之外，您有無聽過「神戶」呢？話說無去過神戶，都聽過神戶牛喇卦！神戶市就係位於關西兵庫縣，唔單止有好多令人驚嘆又驚艷嘅景點之外，更重要嘅係，如果您諗住喺2021年造訪嘅話，咁就絕對唔可以錯過喺兵庫縣舉辦嘅2021 World Master Games關西嘅水上競技項目：跳水、水球同水上芭蕾。
令人血脈噴張嘅水上競技大賽
喺所有嘅世界級大賽入面，水上競技項目一直都擁有高人氣嘅觀賽群眾，除咗喺呢短短幾分幾秒嘅時間之內，運動員大家要將自己最佳嘅一面呈現出嚟之外，好多水上競技更係結合咗多種體育技能喺一身，運動員們喺水入面活躍嘅身影，更係緊緊俘虜咗大家嘅心，當然健美嘅體魄都令人目不轉睛吖！一趟關西兵庫縣之旅，就令您一次將世界好手嘅絕佳演出睇得過癮，而且如果您都係呢D項目嘅運動好手，不妨嚟親自參賽，您覺得點呢？
嚟到兵庫縣唔可以唔去「姬路城」（ひめじじょう）
擁有四百年歷史嘅姬路城，喺1993年被登陸為「世界文化遺產」，整體白色嘅外牆令姬路城有「白鷺城」嘅美稱，係日本保留完整度最好嘅城堡，同時喺木造建築物入面都有著代表性嘅位置。運氣好嘅話，仲會遇到穿著住姬路城嘅甲冑隊或者係拎著劍同飛鏢嘅忍者們，睇落去個樣好凶狠但係佢哋好樂意同大家影相㗎！又或者您都可以換上和服喺姬路城入面漫步，更別有一番風味啦！除咗姬路城之外，附近嘅「好古園」同埋「書寫山園教寺」可以排係同一日嘅行程參觀！
姬路城參觀資訊：
- 費用：成人1,000円/高、中、小學生為300円
- 交通：
- JR山陽電鐵姬路站北口，徒步大約15～20分鐘
- 搭巴士到姬路城大手前站落車，徒步大約5分鐘
神戶牛、有馬溫泉同埋掬星台夜景佔領您嘅身心
神戶牛收買您嘅味覺、有馬溫泉療癒您嘅肉體、掬星台夜景放空您嘅心靈，咁樣嘅行程，你仲唔出發？神戶牛可以話係日本和牛入面嘅高等級牛肉，均勻分布嘅油花、入口即融嘅口感，完全可以話係食過就返唔到轉頭，呢個美味嘅感動肯定係呢趟旅遊中嘅主角啦。日本三大古湯之一嘅「有馬溫泉」，同時擁有「金泉」同「銀泉」兩種溫泉成分，單係九種療養泉成分入面就包含咗七種，「金泉」帶有金屬嘅澀味、鐵仲有鹽嘅成分，對於皮膚病、神經痛同關節炎都有幫助，「銀泉」嘅碳酸泉則係可以加強血液循環、促進新陳代謝，而且擁有1300年前就已經存在緊嘅古老價值，更加增添咗有馬溫泉幾分神秘嘅色彩吖。
- 有馬溫泉中文官方網站：http://visit.arima-onsen.com/tw/
旅人嘅夜晚就喺百萬夜景嘅掬星台落幕
三大古湯之一入咗手之後，緊接落嚟嘅日本三大夜景之一嘅「摩耶山掬星台夜景」都一次過征服啦！被稱為百萬夜景係因為，喺當時從山腳往落去睇大約有496萬個燈泡，換算當時嘅電費，大約係100萬美金，因為被稱為百萬夜景，絢麗燦爛嘅光芒喺夜空之下，更加顯得耀眼。眼前嘅嗰片美景，更係幫呢趟旅行留低咗具代表性嘅一頁吖！
掬星台交通參考：
- JR到三ノ宮駅中央口北側→搭巴士18系統嘅巴士到「摩耶ケーブル下」站落車→「摩耶ケーブル駅」搭纜車到「星の駅」
- 往返纜車票價：成人1,540円/兒童770円
被撼動嘅心，醞釀出下次嘅日式相遇
跳水選手每次入水所濺起嘅水花、水球選手每次嘅入網得分或者係水上芭蕾選手翩翩起舞嘅姿態，力同美嘅結合，控制住觀眾嘅目光，激盪出肺腑嘅感動同如雷貫耳嘅掌聲。日本兵庫縣之旅，令您帶回滿滿嘅感動，醞釀出下次嘅日式相遇！
詳情可以click 👉👉👉 http://www.wmg2021.jp/en/
Comments