※更新※ 而家大阪、北海道JEP價格只需5,400円就買得到啦。活動期間：2018/10/1～12/15
今次嘅日本周遊系列報導活動，最後一彈亦都係透過大家投票選出最想去嘅路線第一名：福岡─仙台─札幌！今次不負眾望，將周遊路線整理出嚟俾大家囉！今年6月端午連假，如果大家可以狠心請個4日假嚟個9連休，就將成套漫遊行程拎去用喇！唔洗客氣㗎！覺得滿意嘅話，記得俾小編一點點回饋喔！有咩好路線，都同我地分享吓喇！
第一日：福岡細細粒又得得意
一抵達福岡，旅人們迎嚟嘅第一個小確幸，搭機場線到市區天神站只需要11分鐘！呢個對遊客們嚟講根本係個夢幻距離啊！往往機場往返嘅交通都要個零鐘少極都要半個鐘，要講福岡令人著迷嘅原因，交通便利絕對係會受歡迎嘅原因之一。如果係晏周抵達福岡，住係天神站嘅酒店，其實第一日就可以主攻天神站地下街喇，全長600多公尺，你想買嘅嘢可以話係應有盡有，流行服飾、美食、咖啡廳、書店同雜貨等，唔同嘅出口仲可以直接連接百貨公司，無論係咩打風落雨，完全唔掃興，行到你滿意之後，將戰利品拎番去酒店放低咗先，夜晚就直奔天神著名嘅「屋台」喇喂！
屋台嘅意思就好似係香港嘅「掃街」路邊車仔檔+台灣嘅夜市，福岡嘅屋台文化可以話係日本國內發展最大㗎喇，除咗天神呢一區之外，仲有中洲屋台同長濱屋台三大區，係日劇中都會成日出現嘅場景，晚餐就嚟呢邊體驗一下日本美食文化喇！係屋台用餐前記得先問價錢丫，或者搵門口直接有貼出金額嘅入去會比較保險，炒拉麵（焼きラーメン）、明太子蛋燒（明太子卵焼き）或者關東煮（おでん）等，都係好推薦嘅屋台料理喔！
第二日：清新又文藝嘅福岡
路線：西鐵福岡站→（約55分鐘）西鐵柳川站→購票→接駁車到松月碼頭
呢日我地就出發去柳川遊船啦！由天神站行到西鐵福岡站約5分鐘左右距離，然後搭西鐵天神大牟田線特急往大牟田方向，係西鐵柳川站落車，响巴士站附近就有遊船公司嘅售票口，買飛後可以搭免費接駁車到松月碼頭上船囉！要注意回程接駁車時間丫！中午唔好錯過柳川有名嘅蒸籠鰻魚飯丫（ウナギせいろ蒸し）！
路線：西鐵柳川站→西鐵二日市站轉西鐵太宰府線→太宰府站
第二日嘅下午前往福岡重要景點太宰府，祭拜嘅係學問之神「菅原道真」，出站後沿途買個梅枝餅品嚐一下，結束太宰府嘅觀光，再走去由隈研吾先生所設計嘅星巴克朝聖一下，夜晚就用福岡著名牛腸鍋（もつ鍋）填飽個肚喇！
第三日：福岡博多運河城衝一波後往仙台出發
路線：天神站 →步行到博多運河城→祗園站搭機場線→日本國內線優惠JEP→仙台機場→JR到仙台站
預計呢一日下午搭針對外國遊客先有嘅日本國內線優惠航班﹝JEP﹞飛去仙台，早上嘅時間就由天神徒步10～15分鐘就可以到博多運河城最後衝一波大採購喇！同天神地下街唔同嘅係，呢度係成棟嘅購物商場，MUJI無印良品嘅書店係呢邊都搵得到，中餐除咗有各式各樣嘅餐廰可以做選擇之外，仲有拉麵競技場俾你揀，如果會留到夜晚的話，唔好錯過每日夜晚結合聲光音效嘅水舞SHOW喔！偷偷地同大家講，最近嘅水舞SHOW主題係「航海王one piece」喔！7分鐘徒步到祗園站後，搭機場線到機場！福岡飛仙台只需一個鐘頭零45分嘅飛行，用5400円開啓日本周遊嘅第二站，由仙台機場搭JR到仙台站約30分鐘，放好行李後晚餐梗係用仙台揸fit人美食牛舌開啓仙台之旅喇！
博多運河城網站：https://canalcity.co.jp/zh-tw
第四日：松島一日遊、新鮮生蠔任你食
路線：仙台車站→JR仙石線→松島海岸站
嚟到仙台觀光係無唔去松島嘅理由！美景、美食加上宜人嘅氛圍，日本三景之一著實令人上癮！由仙台車站搭JR仙石線往石卷方向係松島海岸站落車，約40分鐘可以抵達，之後就往遊覽船嘅碼頭方向前進囉！成人票價1500日圓、兒童750日圓，如果要選擇2樓嘅位置再補多600円就OK。松島灣內約有260個大大小小嘅島嶼，環島一圈大約係50分鐘，落船後可以去松島魚市場享用生蠔食到飽嘅方案，或者係生蠔漢堡等，下午前往五大堂、圓通院、瑞嚴寺等地方觀光，舒服又愜意嘅一日。
第五日：るーぷる巴士仙台玩一日
仙台市內觀光首選就係るーぷる巴士喇，睇你係要嚟個武將伊達政宗嘅遺跡巡禮呢？定係再加上一D藝術或自然嘅洗滌，任君挑選，仙台城跡、瑞鳳殿前及大崎八幡宮都係不可錯過嘅必訪景點喔！番去仙台車站裡面，都有仙台名產魚板或者茶寮嘅毛豆可以享用㗎！
るーぷる巴士網站：http://loople-sendai.jp/
第六日：出發前往日本三大名湯─秋保溫泉、秋保大瀑布
同有馬＆道後溫泉並列日本三大古湯嘅秋保溫泉，據說呢度嘅溫泉對皮膚非常好喔！從仙台站西口巴士8號站牌搭車，55分鐘嘅交通時間，係秋保溫泉湯元站落車就到囉！除咗泡湯之外，仲有秋保大瀑布跟磊磊峽都係一日遊嘅必訪行程，亦可以到秋保溫泉鄉觀光案內所免費租借單車㗎！
第七日：往南玩到北之札幌
路線：仙台站→仙台機場→日本國內線優惠JEP→札幌機場→搭JR到市區
再次搭上JEP，一樣係5400円飛往札幌，札幌旅行自駕通常係比較推薦嘅方法，但係小編今次幫大家安排唔洗揸車都得嘅玩法，第七日嘅上午大家可以用完早餐後，去到仙台機場仲可以再小逛一下，想食想買嘅都仲趕得切喔！抵達札幌約莫係下午2點40分，搭JR鐵路約40分鐘可以到札幌市區，夜晚就食個札幌嘅湯咖哩嚟暖暖胃喇！
第八日：小樽運河無可能唔去
路線：札幌站→搭JR到小樽站→搭JR回到札幌站轉東豐線到東區役所前→步行約10分鐘→啤酒博物館→蒙古烤肉晚餐
從札幌站搭JR前往小樽其實十分咁方便，直達車約40分鐘就可以到，除咗係運河旁散步欣賞之外，呢度仲好多知名嘅甜品店，例如六花亭或者係北菓樓，小樽嘅音樂堂亦係必訪路線（小樽オルゴール堂），搭正整點時記得去門口欣賞而家已經為數唔多嘅蒸氣鐘，除咗悅耳嘅音樂報時外，係真係有蒸汽㗎！下午就番去札幌，出發去啤酒博物館參觀喇！免費入場，但係試飲嘅話就要再額外收費，晚上可以直接預約隔離嘅啤酒園用餐，係著名嘅蒙古烤肉喔！
第九日：無人不知嘅白色戀人朱古力
路線：札幌站前搭巴士→西町北２０丁目站下車→步行約7分鐘即可抵達→宮之澤站→新札幌→轉機場線→新千歲機場→機場泡湯→回國
係各大名產店裡幾乎都會睇到白色戀人朱古力係架上販售，所創公司石屋製菓係札幌建立咗白色戀人公園，除咗可以參觀製作過程之外，仲可以親手整㗎，不定期都會有一D展覽有得睇，外頭嘅建築同西式的花園亦係美不勝收，中午就往機場出發喇！因為新千歲機場仲有一個令人驚喜嘅服務，佢就係「湯屋」喇，上飛機前再去機場4樓享受一下，順便消除下旅途嘅疲憊感，元氣滿滿咁番屋企喇！
新千歲機場溫泉：http://www.new-chitose-airport.jp/tw/spend/relax/spa/
今次嘅日本周遊系列，大家又滿唔滿意？新形態嘅日本旅行玩法介紹，希望帶俾大家更多元化嘅旅遊資訊！有咩諗法或者意見歡迎留言請多多指教喔！
JEP詳細介紹請看這裡→JAL Japan Explorer PASS
Comments