※更新※ 而家大阪、北海道JEP價格只需5,400円就買得到啦。活動期間：2018/10/1～12/15
旅遊係件好神奇嘅事，有D國家你會覺得去一次就夠，而有D地方係會令你好似上咗癮咁，去完想再去，番到屋企都仲係戀戀不忘！當然除咗經濟等外在條件影響之外，呢D國家或景點，一定有佢獨特嘅魅力。FUN! JAPAN四、五月份舉辦嘅日本旅遊路線票選活動中，揀咗大家最想去嘅日本周遊路線NO.2：「廣東道」廣島─東京─札幌，其中有咩令人一去成癮嘅景點呢？等我地齊齊睇落去喇！
日本周遊第一站：戀戀宮島
去廣島旅行嘅觀光客必訪地一定係「宮島」，唔但止有日本三景之一嘅「嚴島神社」、「海上的大島居」等，呢度被視為女神所居住嘅島嶼，因為島上嘅自然景觀一直被保護著，秋天嘅楓葉景觀更係令人為止讚嘆。搭電車去宮島站後轉搭渡輪即可抵達，就算係遠望都可以睇見矗立係汪洋大海上嘅大鳥居，唔只係嚴島神社，由紅葉谷站搭纜車到獅子岩站後，仲可以沿著登山步道向上行，攻頂彌山山頂眺望成個瀨戶內海嘅美景，沿途仲會經過「彌山七大不可思議景點」，包含靈火堂內嘅「不滅之火」，自從806年至今已過了大概1200個年頭，呢把火由創建大聖院嘅弘法大師係修行時點燃後，就無再熄滅過，而廣島市和平紀念公園和平之火嘅火種都係取自呢邊，其他嘅仲有「鍚仗之梅」、「曼陀羅巖」、「幹滿岩」、「敲梆子聲」、「時雨櫻花」、「龍燈杉樹」合計七大不可思議之處，絕對令你不虛此行，安排呢個行程嘅話，記得著定適合行山嘅服飾丫！先流汗滴滴汗水珠後所望到嘅美景，唔只令人難忘，仲會係令人回味無比，難怪再訪宮島嘅人潮不斷！
日本周遊第二站：東京嘅鎌倉
使用訪日遊客先會有嘅，日本國內線優惠票價JAL Japan Explorer Pass(JEP)，令你可以一瞬間由廣島去到東京，慳錢又慳時間，而東京令人著迷之處不下其數，咁 「鎌倉」呢個離東京市區搭車約1個半鐘嘅近郊，又有咩獨特嘅魅力令遊客們流連忘返呢？其實唔只係外國嚟嘅遊客，就連日本人都對鎌倉好著迷咖，有山有海又有文化遺產，呢三大主因幫鎌倉營造出一種悠閒又有深度文青款款嘅氛圍。高德院裡日本國寶之一高約11.39公尺嘅青銅製阿彌陀佛坐像，藍天、綠景加上莊嚴嘅大佛像，祂---微微往前嘅頸部，就好似俯瞰著大家，慈祥地微笑著。離高德院不遠的長谷寺，每到6～7月嘅繡球花季，人潮更係絡繹不絕，滿山谷嘅繡球花幫長谷寺增添咗五顏六色嘅夏日繽紛氣息，仲有鶴岡八幡宮、光明寺、報國寺等，當然唔少得係港台紅極一時大家嘅回憶藍兒當入樽卡通片頭場景「鎌倉高校前」嘅平交道都係係喺鎌倉咖，淨係安排一日行程，真係唔係幾夠喉丫！你地話呢？
日本周遊第二站：東京的合羽橋道具街
淺草唔係淨係得雷門咖，合羽橋道具街係令遊客們去完又想再去嘅好地方，日式料理所用嘅食用器皿，靚到令人未食先滿足，淺草合羽橋呢度，你可以搵到任何想要嘅食用器皿、煲或者刀，甚至各國米芝蓮嘅大廚們，都會特登嚟呢邊買刀具，用好刀具煮好嘢食出更好味道，日式精工更係令用過嘅人再番唔到轉頭，初訪日本嘅遊客們，去淺草嘅時候，記得嚟呢邊揀番幾款好睇又好用嘅紀念品丫！
日本周遊第三站：札幌嘅大通公園
一樣係使用JAL Japan Explorer Pass (JEP)令你日本旅行去更多我地向北海道札幌出發喇！無論幾時去札幌，大通公園總是係俾遊客有煥然一新嘅新鮮感，雖名為公園，但其實係道路
嚟咖，將札幌市化分為南北二塊嘅防火線，平時唔但止係市區中嘅綠林，更係各時節代表性節慶活動嘅最佳會場，夏季來臨亦正係札幌市樹丁香嘅開花季，唔但止會舉辦丁香音樂節、仲有北海道產嘅葡萄酒及美味料理，6月份仲有「YOSAKOI索朗祭」，可以欣賞到將“鳴子”（一種木制的打擊樂器）與北海道民謠“拉網小調”結合起嚟成為一種舞蹈表演，大通公園可以話係一到札幌必去嘅打卡熱點。
日本周遊第三站：札幌場外市場
去北海道嘅遊客，除咗要睇靚景其實大多數仲係衝著美食而嚟，美食中嘅王道唔洗講梗係海鮮喇！場外市場就好似東京築地市場，每日最新鮮食材直送，令你食到唔止美味感高CP值都好高嘅海鮮。即場揀嘅海鮮仲可以叫店家即場煮，即揀即食即享受海鮮的尋寶樂趣，即燒蠔、海鮮丼、壽司等，仲有遊客們最鍾意嘅北海道手信干貝等，令你食得開心、買得都爽快丫！咁美味無窮，這輩子食唔番點算？唯有即刻再訂下次機票LALALA！
日本旅遊最好唔好隨便出發，因為一唔小心就會墮入不可自拔嘅深淵，而令你落入這日本旅遊成癮俱樂部嘅又有邊D景點呢？快D話俾小編知！
下星期五要為大家介紹人氣路線投票嘅第一名路線，記得準時睇喇！
JEP詳細介紹請睇呢邊→JAL Japan Explorer PASS
Comments