日本汽車廠商，其實唔單止製造咗汽車同電單車。仲生產咗好多產品，好似係住家、農業用機具、飛機等。而喺日本汽車廠商當中嘅YAMAHA山葉、TOYOTA豐田、Honda本田、SUZUKI鈴木、Kawasaki 川崎，五大廠商著手於船舶同船舶引擎等製造海洋事業。3月在喺橫濱舉辦亞洲屈指可數嘅休閒船舶展覽日本國際遊艇展。會場仲展示咗好多日本汽車廠商生產，新穎卓越嘅產品同概念船型。
挑戰高級遊艇嘅TOYOTA同YAMAHA
喺會場內特別備受矚目嘅係TOYOTA出品嘅「Lexus Sport Yacht Concept」。設計上竭盡所能地減低空氣同水嘅阻力，船體採用咗優美嘅流線型設計係佢最大嘅特點。船身尺碼12.7m，喺豪華遊艇嘅世界入面稱之「40英呎等級」嘅小型遊艇，但TOYOTA預計喺近期即將發表全長20m等級嘅正宗豪華遊艇，目前為止日本廠商都尚未生產過，套用運動概念遊艇嘅設計。
生產日本高級遊艇嘅先驅者係以電單車聞名嘅YAMAHA。而YAMAHA主力展示放喺全長11m嘅船型，可以喺近海沿岸享受海上娛樂。嬌小嘅船身配置咗廚房、客廳、臥室、淋浴間同廁所等設施充分利用空間，其設計都相當適合於留宿嘅海上旅程。
仲展示咗水上電單車同日本傳統嘅木造船隻
而喺Honda展示區受到眾人關注嘅，並非最新穎嘅豪華遊艇，而係從江戶時代傳承落嚟嘅日本傳統工法製造嘅木造船隻「和船（wasen）」。製造船身嘅係佐野造船所，全球碩果僅存、專產木造船隻廠商嘅其中一家。製造呢艘船嗰陣居然無設計圖，而係活用所得嘅木材大細、強度同彈性製造而成，呈現自然優美嘅形狀。船身尾端裝備咗Honda嘅舷外引擎，亦可以採用引擎發動嘅方式航行。
生產大馬力舷外引擎而聞名嘅SUZUKI展出咗最新型舷外引擎「DF325A」，最大輸出馬力從同公司嘅頂級型號「DF350A」嘅350匹馬力降至325匹馬力，而另一方面呢款引擎就算使用低質燃油都能夠運轉。雖然話係降低咗輸出馬力，但裝備嘅兩台就有650匹馬力，四台就係1300匹馬力，用喺高級遊艇上都係綽綽有餘嘅。
最後介紹嘅係水上電單車眾所皆知嘅Kawasaki。喺全球嘅市占率雖然低，所生產嘅「Jet Ski」水上電單車，流利嘅線條同優越嘅加速性都大受歡迎。尺寸如此小巧，卻可以瞬間加速至100km/h以上，非常厲害啊！
以上嘅介紹，您覺得點呢？您最想試乘邊一款呢？
Comments