無須解釋，相信大家都知道日本人非常非常鍾意行藥妝店，筆者本人亦曾試過百貨公司專櫃化妝品、有機品牌、藥房出品等多種化妝品，因此對美妝都可以話一定要求。正所謂「一分錢一分貨」，大眾一般都會認為貴價專櫃美妝就一定優質，但其實藥妝店出品嘅化妝品都一樣有實用價值，CP值一啲都唔低㗎！各家日本化妝品公司推出嘅產品更加可謂臥虎藏龍，即使平價都一樣可以有高質產品～
今次要介紹嘅就係經典又好用嘅眼妝產品。
TOP1 KISS ME 新翹力纖長防水睫毛膏
榮登第1名寶座嘅，就係自2014年開賣以來，得過多個獎項嘅新翹力纖長防水睫毛膏。有咗佢，你就無需任何技術都可以實現到一整日維持長長睫毛嘅夢想，而且佢仲搭配捲翹記憶粒子，有效抗淚、抗汗、抗水、抗皮脂，持久度可謂無敵！此外，睫毛膏內亦有添加美容液配方成分，貪靚嘅女士一定會對佢愛不釋手♪
（6g/全1色：漆黑）1,000日圓（未稅）
TOP2 KATE 3D造型眉彩餅
由濃中淡3色組成嘅眉彩餅附帶眉子及鏡，即使連粉盒放入袋內都完全唔佔空間。畫眉毛的話，只需要用短刷、從最下面嘅顏色開始按照順序就可以畫出立體眉毛；而鼻影的話，從係最下面嘅淡色開始，再由眉頭下面至鼻翼側面淡淡掃開即可。如果您都想要挑戰流行眼妝，咁佢就會係您必買單品嘅首選！
（2.2g/全2色）1,100日圓（未稅）
TOP3 KISS ME HEAVY ROTATION 染眉膏
原來畫眉毛嘅效果可以如此唔一樣！只要您試過一次呢款染眉膏嘅自然空氣感，保證您一定會對佢愛不釋手－只因顯色度好，而且系列總共設有七種顏色，方便用家配合髮色做出眉色變化。即使係忙碌嘅朝早，亦只需要用眉刷直接喺眉毛上輕鬆掃幾下就可以上色，然後再反方向掃，就可以掃出眉毛立體感，重點係眉膏仲唔會沾上皮膚𠻹！
（8g/ 全7色）800日圓（未稅）
TOP4 FLOWFUSHI MOTEMASCARA 自染款
就連專業化妝師都推薦！柔順刷頭以及令睫毛根部根根分明嘅效果，令到呢支睫毛膏順利榮登第４名！除咗高濃度負離子含量之外，佢仲附帶防水、防汗水皮脂功能，只要用溫水就可以完美卸妝，質素高得令人驚訝！
（7ml/全9種 ）1,800円日圓（未稅）
TOP5 資生堂 眉墨鉛筆 深咖啡
筆者已經用過數唔清至今到底用過幾多支呢款眉筆！第五名嘅呢支長壽眉筆擁有唔會太硬亦唔會太軟嘅筆芯，能夠方便用家畫出一根又一根自然嘅眉毛，特別係深咖啡色款更係同深色或黑色頭髮都非常夾。而售價亦係一直維持約200日圓左右，非常親民，您絕對值得擁有！
（1.2g/全4色）200日圓（未稅）
睇到呢到，唔知上面有無令您心動嘅化妝品呢？
美妝達人nozzo小姐嘅座右銘為「避免化妝一成不變」。就如化妝品如時並進一樣，妳嘅妝感都一定要跟上潮流啊！只要放膽試試新出嘅化妝品，筆者就保證您一定會有新發現。如果您對本文有任何問題或感想的話，都歡迎喺留言欄話畀我哋知㗎♪當然有推薦嘅化妝品的話都歡迎開心share啦！
Comments