抵達東京前預先計劃好機場交通，無疑會令旅程順利得多。如果您係經成田機場到東京，就一定唔能夠錯過今日介紹嘅「1,000yen由機場到達東京站或銀座站」嘅機場交通方式情報！
如果您係FUN! JAPAN 會員，或者持有FUN! JAPAN JMB 會員卡，您或者已經知道上述情報。因為當收您到FUN! JAPAN JMB 會員卡嘅時候，您同時會收到一張免費高速巴士單程乘車券。※由於巴士服務變更，暫時停止送贈高速巴士乘車優惠券。如果您尚未申請FUN! JAPAN JMB會員卡，就請點此連結睇詳細並即時線上申請啦！
本文會附上圖像說明您可以如何買車飛，以及如何由成田機場第二航廈入境大廳前往巴士站。無論您係咪持有免費高速巴士乘車券，都請一定要細閱以下詳細介紹！
何謂「1,000yen巴士」？
「1,000yen巴士」由4間巴士公司營運，每架巴士都設有免費Wi-Fi以及舒適嘅座椅。各巴士嘅特色以及購票方式如下：
「The Access 成田」（The Access Narita）2號或19號巴士站出發、開往東京站及銀座站
特色1・內裝舒適
車上唔單只有舒適嘅座椅，同時亦配有洗手間。
特色2・每20分鐘出發
由早上7:30至晚間10:50之間，每20分鐘開出一班車
如何購票
無需另行前往購票處買票。您可以直接喺上車時於巴士內購票，因此直接由入境大廳前往巴士站即可！
若您想使用申請FUN! JAPAN JMB 會員卡時所附贈嘅免費巴士乘車券，就請直接將乘車券交畀司機。
＊車上座位不設劃位、採自由入座制。若座位已滿，就請搭乘下一班車。
＊未滿12歲兒童票價為每人500日圓。
京成高速巴士「東京Shuttle」（Tokyo Shuttle）2號或19號巴士站出發、開往東京站
特色1 ・清晨及深夜運行
早上6:00至晚間11:15之間，每20分鐘開出一班車
特色2・落車地點不只東京站
部份巴士亦會開往銀座站或台場大江戶溫泉物語
如何購票
當您抵達成田機場第二航廈時，請先走到入境大廳B，您可以喺京成巴士售票櫃台買到1,000yen巴士飛並於購票時選擇乘搭時間。
如果您有免費巴士乘車券，亦請到櫃台兌換當日指定時間車飛。
*售票櫃台營業時間為早上7點到晚上10點。售票櫃台非營業時間內，請直接前往巴士站於上車時即場付費購票。若座位己滿，您需要乘搭下一班車。
「有樂町Shuttle」（Yurakucho Shuttle）於13號巴士站出發、開往有樂町站
特色1・內裝舒適
車上唔單只有舒適嘅座椅，同時亦配有洗手間。
特色2・提供輪椅乘車服務
提供輪椅乘車無障礙服務。
*輪椅乘客請於乘車日前一日17:30前預約。電話：047-470-6072（時間8:30～17:30，僅提供日文服務）
如何購票
與上述「東京Shuttle」相同
*不適用於免費巴士乘車券
*售票櫃台營業時間為早上7點至夜間10點。售票櫃台非營業時間內請直接前往巴士站，於上車時即場付費購票。若座位己滿，您需要乘搭下一班車。
「成田Shuttle」（Narita Shuttle）於2號巴士站搭乘，開往東京站及銀座站
特色1・清晨運行
最早第一班車於清晨6:25 時開出，於8:00左右抵達JR大崎站。
特色2 ・JR大崎站方便接馱市區交通
從JR大崎站只需3分鐘即可到達JR品川站、9分鐘即可到JR澀谷站。
如何購票
與上述「東京Shuttle」相同
*不適用免費巴士乘車券
＊車上座位不設劃位、採自由入座制。若座位已滿時，請乘搭下一班車。
＊未滿12歲兒童票價為每人500日圓。
如何獲得免費巴士乘車券？
新申請加入FUN! JAPAN JMB 會員卡者，即可獲得免費單程巴士乘車券。詳細內容請見以下連結：JMB Card 會員卡
如何從成田機場第二航廈前往1,000yen巴士站？
1. 先到入境大廳B
2. 如同圖上所示，離開第二航廈入境大廳B之際抬頭望向指示牌，您會見到指向左邉嘅箭頭，此時請走相反向向右轉。
3. 向右轉後，您就會見到指示第三航廈方向嘅箭咀，請朝箭咀方向前進。
4. 當您見到指示「第二航廈北口3號出口」（Terminal 2 North 3）時，請走向室外。
5. 走出機場大樓後，您就會見到上圖指示牌。今次我哋選擇乘搭「東京Shuttle」，因此請到2號巴士站。
6. 2號巴士站就位於指示牌右手邊，往第三航廈方向就馬上可以見到巴士蹤影！
7. 巴士站牌上印有時間表，抵達巴士站後只需按照工作人員指示乘搭巴士即可。
睇完以上介紹，您覺得如何呢？連接成田機場與東京市區之間嘅1,000yen巴士舒適便利又經濟實惠，對於頻繁造訪日本嘅旅客而言實在係非常抵搭！將呢篇文章加到書籤或我的最愛，以後您再到成田機場時就唔使擔心搵不到巴士站牌喇！
如果您仲有任何疑問，例如「我想從成田機場前往〇〇，應該點去？」等問題，都歡迎留言話畀我哋知㗎！FUN! JAPAN團隊將會協助您去探路㗎～
Comments