相信每個家庭都必定會喺浴室內放有洗臉番梘。以前嘅番梘大多以白色長方形傳統款式居多，但近幾年開始，市面上就出現咗好多新款式，有無論係顏色、形狀定外表都設計得非常可愛嘅，亦有純天然手工或香皂等變化多端嘅種類。今次我哋就要介紹日本女性超推薦嘅洗臉番梘！正因為每日必用，所以講究番梘選擇嘅女性都係非常之多㗎！
可以當裝飾用嘅「彩色炫麗香皂」
有如彩色玻璃般通透嘅寶石番梘、以動物或水果做主題嘅造型番梘，又或包裝超可愛嘅番梘等，只係單單放喺浴室內就足以叫人興奮不已期待洗臉過程嘅「可愛系列」一直以來都深受日本女性愛戴。最近甚至有好多人都會選擇被評選為「世界最靚嘅」寶石番梘「Savons Gemme」（產自法國、170g售價3,300日圓）以及以獨特炫麗色彩而聞名的LUSH番梘（產自英國、100g售價580～850日圓左右）配搭入浴劑當作朋友生日禮物嘅送禮首選𠻹！
源自大阪嘅暢銷商品：「牛乳番梘」
1928年就開始於大阪販售嘅「牛乳石鹸」係喺日本無人不曉、外包裝上印有乳牛標記嘅知名番梘。品牌標榜日本國產、以高品質天然油脂為原料，並且花費大約一個禮拜時間使用新鮮牛奶（乳脂）熬製而成嘅「釜炊製法」，「洗完臉後肌膚一樣可以保持光滑保濕唔繃緊」嘅舒適感大大受到男女老幼歡迎。一共設有玫瑰香味紅盒與清爽型苿莉花香味藍盒兩種可供選擇。
對皮膚溫和無刺激嘅天然番梘
由於無添加番梘不含防腐劑、螢光劑或香料，有助確保對皮膚溫和無刺激，因此「正因為每日都會用，所以就要揀對身體環境都無害嘅商品」就成為大多數女性選擇純天然番梘嘅理由之一。最出名嘅天然番梘例子有以皂基成分以外（水和肥皂液）無化學成分製成嘅純天然「シャボン玉石けん（Shabondama番梘）」（100g約150日圓）。
以抹茶、草莓牛奶香味作主打嘅錯覺番梘
「唔只局限於搓泡泡時先會散發香味，就連使用後都可以令瞼上殘留香味」－呢種讓人眼前為之一亮嘅新鮮感就係錯覺番梘近日成為日本女生注目焦點嘅一大原因，特別係用上薰衣草、玫瑰等花香味又或朱古力、抹茶、士多啤梨牛奶等香味製成嘅番梘更係會令人不禁想大大啖食落口𠻹！更重要嘅係售價親民，例如配合京都産宇治抹茶成分嘅「Family宇治抹茶皂」（Pelican Soap股份有限公司）80g只需190日圓左右；配合士多啤梨果汁與乳清（牛乳）嘅「Petit莓果香皂」（同社）160g（80g×2個）亦只需300日圓左右，就可以帶返屋企喇，非常抵買！
Comments