※更新※ 而家大阪、北海道JEP價格只需5,400円就買得到啦。活動期間：2018/10/1～12/15
唔洗港幣500蚊，用1個小時又25分就可以由東京快速移動到大阪，你地又點可以錯過！今日睇東京新宿御苑的吉野櫻，聽日可以睇大阪城的八重櫻，呢種極致享受你又想像得到嗎？
唔講你可能唔知，日本旅遊京阪神嘅行程安排已經落伍啦！你有聽過東阪京嗎？以前去日本旅遊只可以選擇一個主要地域，然後再排行程，但係而家在有咗 JAL Japan Explorer Pass（JEP）針對外國遊客先有嘅國內線優惠票價，一趟出國你已經可以將關東關西一次過玩哂，唔講咁多，即刻為大家獻上一個東京、大阪、京都最佳賞櫻花嘅報導啦！想知道東阪京之旅嘅成行攻略記得睇到最後丫！
東京・新宿御苑
首站係東京絕對唔可以錯過嘅當然係熱門地點新宿啦！日本人賞櫻花嘅時侯，最鐘意搭配嘅活動就是野餐啦。如果你都想試吓呢種道地的賞櫻方式，係新宿區的百圓商店就可以買到野餐墊，然後再去附近嘅百貨地下美食街買幾款野食，而且係櫻花季裡面可以買到好多櫻花特別版嘅美食咖!美食配櫻花真係「最高」！新宿御苑係超大，就算滿滿嘅人潮都唔會令你有擁擠感，而且除了櫻花季以外，新宿御苑本身就係一個觀光的熱門景點，所以係熱門景點嘅御苑賞櫻花係一舉兩得！
京都‧櫻花與鐵道相遇嘅浪漫
鐵道迷同埋櫻花迷之不期而遇！京都的蹴上鐵道本身係為咗運送物資而建造，任務完成後就停用了，而係鐵路嘅兩旁種植咗滿滿的櫻花，形成左條櫻花路,所以就變左賞櫻嘅好地方。只要搭車到蹴上站步行大約5分鐘就可以到達啦!係鐵道上面邊散步，伴隨著徐徐微風，感受到櫻花花瓣一片片咁飄落下來，嗰個情景真係浪漫到讓人都戀愛啦！沿途仲可以散步到南禪寺或者平安神宮，係呢度可以悠悠然咁享受同放鬆平日煩忙嘅心情！
大阪我嚟啦！
大阪城幾乎係所有去大阪旅遊的人必排的行程，除左想要欣賞大阪城的建築之外，當然亦因為大阪城在日本歷史上亦都係好重要的代表建築物，由豐臣時代開始到近代史上都留下了歷史的足跡。只要搭電車到「大阪城公園站」或者「谷町4丁目站」就可以到達，對於觀光客嚟講係好方便!!同埋大阪城裡面嘅櫻花唔止一種咖！一次過可以睇到吉野櫻，山櫻同八重櫻等等，而且仲可以順便係「西之丸庭園」賞夜櫻，想去賞櫻鍾意靚景嘅你地一定要去呢度啦！一次過滿足到唔同嘅願望，嚟大阪城賞櫻有著數呀！
呢次嘅嶄新行程由東京到大阪阪伊丹機場後，從伊丹機場先去京都,唔單止係近，而且係一般廉價航空無法使用嘅路線！再者價錢比起電車嚟得划算好多！搭配JEP的票價，由東京羽田到大阪伊丹機場未稅價居然不到港幣500蚊！！含稅之後亦都係港幣500零蚊（依滙率變動會有少少差異），玩完京都再去大阪，由大阪機場再番香港，而家買複数都市嘅票價比起以前平好多呀！所以出國一次就可以將關東關西一次過玩到夠，京阪神的旅遊書睇嚟要準備出東阪京阪本啦！
今次旅程嘅交通費總金額如下圖，使用JEP的話足足平咗6,000日圓（大概港幣400零蚊）左右。
新嘅旅遊路線點止咁少，明天起每個星期五都會固定更新。記得準時睇啦！
JEP詳細介紹請看這裡 → JAL Japan Explorer PASS
Comments