鳥取縣以沙丘聞名，而最近就因為可以喺縣內欣賞到美麗星空而以「星空縣」成為話題。
事實上，鳥取縣亦係深受各年齡層觀眾喜愛嘅漫畫「名偵探柯南」作者－青山剛昌嘅出身地，喺柯南粉絲之間相當出名。
因此呢個同柯南作者咁有淵緣嘅地方，就成為咗充滿朝聖柯南觀光客嘅人氣景點喇！
柯南之里北榮町內有一條「柯南大道」，路上佈滿多個柯南登場人物角色嘅青銅像、坑渠蓋、石製紀念碑等。只要來回於柯南大道之上，即可以輕鬆享受到一趟柯南主題觀光。
以下我哋將會配合圖像做介紹，方便大家徹底巡禮這呢片柯南聖地，
柯南故鄉・北榮町
北榮町係作者青山剛昌嘅故鄉。
由鳥取站到柯南站，只需乘坐火車約50分鐘即可抵達；而揸車的話則需要約1小時。
青山剛昌故鄉館
故鄉館前方有一架柯南登場角色之一－發明家阿笠博士所揸嘅甲蟲車，而製作呢輛架車嘅就係青山剛昌嘅父親。其實，青山先生父母以前曾從事汽車相關工作，所以呢架甲車係真係可以喺馬路上行駛㗎！
喺故鄉館門口發現少年偵探團！
佢哋係一班擁有超越同年小朋友行動力以及推理力嘅成員。
館內迎接您嘅係打上燈光嘅柯南立體裝置，柯南大道上亦設有相同設計嘅柯南立體裝置㗎！
另外同場仲有青山剛昌生平介紹及作品展示。
佈置原汁原味地完整重現出青山剛昌實際工作嘅房間。
柯南漫畫多年嚟被翻譯成唔同語言於世界各地銷售，特別係歐洲及亞洲多個國家都有出版。
阿笠博士發明物品專區。
遊客可以一邊估下藏喺門後嘅係咩東東再一邊將門打開，並試下回答問題。
蝴蝶結變聲器－調節內側嘅轉鈕就可以自由變換聲音高低。
你都試吓模仿柯南口頭禪「笨蛋」或「小蘭姐姐」啦！
柯南大道踩滑板模擬體驗。
只需要踩下按鈕，滑板就會加速，再放開按鈕的話就會減速，係一款連小朋友都可以體驗嘅熱門設施。
一樓部分就到此為止，再嚟就可以由樓梯前往二樓。
二樓嘅左手邊放有與青山剛昌作品相關嘅測驗小遊戲（作品問答、猜謎、潛烏龜卡牌遊戲）。
如果對推理能力或記憶力有信心，就記住一定要試玩喇！
青山剛昌故鄉館
- 地址：鳥取縣東伯郡北榮町由良宿1414
- 電話：0858-37-5389
- 營業時間：9:30～17:30（全年無休）
- 門票：小學生以下：免費 / 小學生：300日圓 / 國高中生：500日圓 / 成人：700日圓
- 網站：青山剛昌故鄉館
柯南大道（青山剛昌故鄉館〜米花商店街）
由故鄉館到柯南站之間，有一條長1.4公里嘅道路「柯南大道」。路上設有柯南立體裝置、角色人物青銅像、造型渠蓋及石製紀念碑。
由故鄉館走到米花商店街嘅路上發現「沉睡小五郎」！你都一齊嚟扮佢沉睡嘅樣啦！
打卡影相時，記住重點係要做出後頸被麻醉針打中、失去意識全身無力嘅狀態喎！
柯南大道上嘅渠蓋圖案全部都係柯南插畫。
而紀念碑圖案設計則來自於漫畫封面。柯南大道上，總共有第1輯到第28輯封面嘅紀念碑。
工藤新一壁咚青銅像，應該有好多希望被佢壁咚嘅粉絲吧？
錯覺藝術
就連柯南錯覺藝術都有！
柯南騎著駱駝嘅圖案睇上去非常立體，所以我都忍唔住騎上駱駝、享受錯覺藝術嘅打卡樂趣。
柯南大道上嘅人物角色青銅像預計將來仲會不斷增加，為遊客帶來更豐富嘅柯南觀光樂趣。
你都快啲帶埋朋友、家人以及情侶嚟參觀啦！！
本文出自日本當地旅遊資訊網站「SPOT」並由FUN! JAPAN團隊編輯刊登，唔知大家睇完之後有何感想呢？
「SPOT」網站主旨為透過「熟悉當地之人士」介紹「真心推薦必玩必到之觀光景點」等相關資訊。
想睇更多文章嘅朋友可以按此＞＞＞https://travel.spot-app.jp/
Comments