每年1月舉行、以汽車改造與改裝車店為主打嘅世界最大規模改裝車盛會—東京改裝車展展期雖然只有短短3日，但係2015年到2017年期間嘅參觀人次，已連續3年超過30萬，存在感已超越東京車展！近年來，車展更於泰國曼谷及中國北京都有舉辦合作夥伴活動，於亞洲地區越嚟越受到矚目。
「做我想做」之熱情令人著迷
每年嘅東京改裝車展都會展出非常多改裝車。雖然種類繁複，但如果以「高性能」、「改裝」、「車體改裝」、「汽車音響」呢四種類型嚟分類的話，其實好容易就可以理解。
音響改裝車。整個後車箱變成了音響喇叭室改裝車展之所以如此受歡迎，係因為現場展出嘅汽車無論屬於邊一種類型，都係每一家改裝車店全力灌注熱情、憑著「做我所想」之精神所做出嚟嘅模型。例如，高性能車款性能每年不斷提升，最近就連最大輸出功率超過1000馬力嘅改裝車都已經唔算稀奇；而汽車音響專賣店展出嘅車款就甚至用上數十個音響，車內加裝堪比豪華私人飛機等級之隔音設備亦開始成為主流。
其中部分車嘅改裝費只需1000萬日圓，如果嚟到改裝車展現場，就可以好容易見到呢批「最頂級嘅改裝品」。
車展模特兒為會場及清談節目錦上添花
東京改裝車展魅力不只在於汽車本身，別出心裁打扮嘅女模特兒於參展攤位現身、展現燦爛笑容並大曬舞姿亦係著名賣點之一。
另外，名人清談節目內容亦非常精彩豐富。例如2018年改裝車大會上，美國傳統賽車比賽—印第500中首位日籍總冠軍、擁有超高人氣嘅賽車手佐藤琢磨等一眾備受矚目嘅賽車手以及著名車商就已鐵定會嚟到現場表演清談節目。
另一方面，泰國、北京更會將舉辦合作夥伴活動，東京改裝車展逐步開始延伸到亞洲各地。於2018年1月12日到14日舉行為期三天嘅會期期間，FUN! JAPAN會盡快為大家提供最新現況！
敬請期待！
Comments