人氣系列連載單元今次要嚟介紹嘅係一位嚟自大阪嘅年輕女生。畢業後到東京工作並成為社會新鮮人嘅佢表示仲未係好習慣拎手袋返工，因為佢覺得比起手袋，喺東京揹背囊依然比較實用而且舒服。事不宜遲，就等我哋一齊嚟睇下佢嘅返工手袋內究竟裝咗啲乜嘢啦！
我個名叫艾利，今年23歲。我嚟自大阪，幾年前因為就讀大學所以搬到東京居住。今年畢業後第一年成為社會新鮮人嘅我，仲未係好習慣拎手袋，所以我多數都係揹著背囊。感覺上，比起手袋，喺東京仲係背囊比較實用而且舒服呢！
我返工嘅地方係喺池袋站附近。池袋係東京第二大繁忙區域（第一係新宿），集購物與娛樂於一身，而且喺購物商場嘅頂樓，仲有一個水族館㖭！我很鍾意呢一帶，因為有好多外國人，氛圍非常有身處國外嘅感覺（呢個可能只係我自己個人感覺啦！事實上我並無任何出國經驗。）
因為我對時尚服飾好有興趣，所以我無選擇去一般公司返工。我好鍾意我而家呢份工作，其中一個原因係返工嘅服裝規定比起其他地方而言並無咁嚴格，只要唔好太浮誇，我就可以著任何我鍾意嘅衫，當然背囊都係無問題啦！
咁就等我嚟分享下我每日放喺手袋入面嘅嘢啦！我通常會帶銀包、電車票卡、少少糖或薄荷糖、一支水、一個細袋、幾包面紙喺身，當然有時候我都會忘記某幾樣喺屋企，但係基本上呢啲都係我每日都會帶著嘅。
從第一張圖您可以見到我帶咗一個細細金屬盒放喺我背囊入面。呢個其實係我嘅私人糖果盒，我鍾意隨身帶著一啲薄荷糖或糖果喺身，有時候血壓太低時，我會需要呢啲糖嚟令我感覺舒服啲。
您可能已經注意到，我其實好鍾意粉紅色，就連錢包都係粉色系！即使佢無任何花紋，我都仲係非常鍾意用佢。喺銀包內我放咗好多卡片，因為每張卡片都對我好有用，雖然我經常都唔會認到邊張有咩用…順帶一提，我亦喺銀包內放咗個御守。
呢個御守係我朋友送畀我嘅。喺日本，御守有保謢作用，帶著佢會令我感覺到我朋友就好似喺我身邊一樣。
我每日都要用4個鐘返工放工，所以電車票卡對我嚟講係好方便，如此一來我就唔使每日都買車飛，而且仲可以比買飛慳到少少錢㖭！粉紅色票卡套用途係令佢望上去好睇啲，因為我會將佢一直掛喺背囊上，而掛繩亦係彈性設計，所以用起嚟就可以更加方便。
我諗每個女生嘅手袋裡面都會有好幾個細袋仔，通常我哋都會放一啲唔希望被人睇到嘅嘢又或係美妝品，而我則係放咗手巾仔同香水。女生總係希望聞上去有種香味嘛。我覺得香水非常重要，所以我每日都會將佢帶喺身。
日本夏天又熱又濕，因此呢條手巾仔就可以大派用場！
我嘅背囊或者唔係最時尚，但係對我而言就十分實用又舒適，您又覺得我嘅背囊如何呢？背囊內邊一樣嘢最吸引您呢？喺留言處分享您嘅感想話我知啦！
Comments