又返到嚟人氣文章系列－打開日本女性嘅化妝袋。今次我哋要嚟睇嘅，就係3月份即將畢業、目前正於澀谷區讀大學嘅女大學生嘅化妝袋裡面究竟裝咗啲乜東東。一般人都會認為女生出嚟社會工作後先會對彩妝有要求，但現時仲係一位學生嘅受訪者，雖然仲係比較鍾意使用喺藥妝店及PLAZA上購買到嘅廉價人氣化妝品，估唔到都對化妝品都好有要求！就等我哋馬上嚟睇睇呢位女大學生嘅化妝袋啦！
化妝袋裝滿粉色系及棕色系彩妝
即使係連鎖藥妝店，都一樣可以搵到質量好嘅化妝品，呢樣或許就係日本化妝品嘅特色。除咗大家都相當熟悉嘅CEZANNE、CANMAKE等品牌之外，KAT亦係20代日本女性非常鍾意嘅品牌。受訪者就對KATE有以下評價：「包裝唔會過份可愛，時尚嘅黑色同簡潔嘅設計就係我鍾意品牌嘅原因」。鍾意用KATE嘅人，大多都唔太鍾意太過甜美嘅風格，反而係更偏好粉紅色或成熟棕色系𠻹！
另外，日本女生通常都會到連鎖藥妝店購買化妝品。雖然對於PLAZA上面標榜「嚟自洛杉機！」或「紐約人氣商品！」嘅眼影或唇彩都會毫不猶豫就買，但係底妝類，都依然係以日本製嘅產品居多。
令妳KEEP住清爽香氣嘅單品
今次訪問中特別吸引FUN! JAPAN 團隊目光嘅就係上圖兩項商品，佢哋到底係咩嚟呢？？？
女大生如是說：「雖然我很鍾意香味，但係用香水就會畀人感覺太成熟，所以搵心水產品都真係有啲難…。咁啱就畀我發現到呢兩款產圖，左邊係食得嘅軟糖，我會喺飯後及打工前食，令玫瑰香氣從口中散發出嚟、感覺非常清爽暢快；而右邊則係紙製番梘，我係喺進口商品雜貨店買嘅，平時習慣去完廁所後洗手用。對我嚟講，呢兩樣都係令人感覺非常清爽嘅小物。」不單只喺睇得見嘅地方花心思，連睇唔見嘅地方都考慮埋香味，可見佢嘅審美意識真係好高呢！
睇完呢篇介紹後，大家又覺得如何呢？今次仲係呢個系列內第一次發現女生化妝袋裡居然裝有糖同番梘，將自我風格與堅持展現於化妝袋內，連睇唔見嘅地方都花盡心思！對於呢位尚未出嚟社會工作嘅女大學生嚟講，已經算係非常好嘅職前準備。我反而會想知道，如果佢正式成為社會人士之後，化妝袋風格到底會出現咩變化呢？
Comments