喺日本大有名氣嘅平價服飾品牌GU係UNIQLO旗下副品牌，以「讓時尚更自由」創作概念為品牌宗旨。今次我哋就請嚟時尚雜誌讀者模特兒ALICE小姐，為我哋介紹如何以GU及UNIQLO打造全身襯衫方法！
like爆防皺材料！
本文介紹嘅係GU灰色及膝裙(1490日圓)以及UNIQLO罩衫(2900日圓)。無論係OL裝扮或去接小朋友返學放學等場合，兩件單品都可以幫您著得一啲都唔失禮，係一款相當得體又有質感嘅抵買單品呢！
「攝衫」風格將會持續流行
自從去年開始，日本就一直流行將上衫「攝」入褲或裙嘅穿著風格，或許有人會在意「攝衫」會唔會令自己睇上去有大肚腩，但其實只要將上衫稍微往外拉出少少，就可以做出令外觀望上去有腰身嘅感覺㗎喇！
超抵買單品原來好啱襯白色上衫
灰色系長短裙通常都會被人覺得單調，但其實無論係配搭螢光粉紅或棉花糖般嘅淺粉紅色，又或係深藍、水藍色系嘅單品都係非常百搭！今次我哋就嘗試用GU售價990yen嘅白色圓領針織衫做配搭，結果發現都係非常襯！強烈推薦大家選購！
配飾決定整體感
配飾方面，今次就選用咗仿珍珠嘅棉質珍珠項練。棉質輕巧嘅優質質感同自己手工製作都有相同效果，記住要試試喇！
睇完本篇文章介紹後您覺得如何呢？襯晒全身都只不過係5000yen，仲可以依照每日心情變換唔同嘅顏色穿搭，GU實在係您必follow嘅品牌。大家如果有任何想法，都歡迎喺左邊留言欄留言，有機會的話ALICE小姐將會進一步向大家傳授更多時尚穿搭㗎！
Comments