當你去日本旅行時，我諗你都一定至少去過一次100yen店。日本嘅100yen店以品質同100日圓均一價嘅價錢獲得好多人喜愛。喺呢次嘅系列文章，我哋要同大家介紹幾款實用嘅電腦小物，一定可以令你嘅日常生活變得更加便利喇。
SD記憶卡收納盒
喺現代科技生活當中不可或缺嘅SD記憶卡，你數唔數得出你有幾多張SD卡呢？你有無好好咁收納佢哋呀？呢個SD記憶卡收納盒可以同時收納6張micro SD卡同4張SD卡！而且收納盒內每張卡都有固定嘅專用位置，咁樣張卡就唔會喺收納盒內移動同發出不必要嘅聲音。有咗呢個整齊嘅收納盒，都可以減少你整唔見SD卡同珍貴回憶嘅風險添。我哋誠意推薦俾即將去日本旅行並且打算影好多相嘅你！
多功能讀卡機
若果你部notebook無內建SD讀卡槽，你可以使用呢款多功能讀卡機嚟讀取你張SD記憶卡嘅內容。呢款讀卡機同時有SD同micro SD大小嘅插槽，咁樣可以幫你減去好多麻煩，因為好多notebook都未具備micro SD插槽。更重要嘅係，佢只係賣100yen咋!!!
濾藍光護目眼鏡
你有無聽過「Blue Light 藍光」呀? 從電視、智慧型手機同電腦等各種螢幕散發出來嘅藍光光線，如果長時間過度暴露喺藍光下會對你嘅眼睛造成長期嘅傷害，為咗防止呢種情況發生而有咗濾藍光護目眼鏡呢個產品。抗藍光嘅眼鏡喺日本好常見，咁都係因為好多日本人喺辦公室嘅時間好長。喺一般眼鏡行平均要一千至二千日圓先買到，但而家竟然用100日圓就買到喇！呢款平光濾藍光眼鏡無設度數，可減少約40%藍光。推薦俾重度使用電腦同智慧型手機嘅人。
雙孔USB叉電器
現代人嘅生活離唔開智慧型手機。試吓一日唔帶手機出街, 可能你都會坐立不安呢! 而手機無電時又係另一個令人焦慮嘅煩惱! 當手機臨時無電時或者又可能會令你帶嚟恐慌! 我敢打賭，好多人都經歷過手機無電嘅可怕經驗。喺某啲情況下，你可能需要透過USB端口嚟為手機充電。呢個時候，100yen店就可以為你帶來非常實惠嘅解決方案喇。
當你一次要將兩部手機或裝置叉電時，呢款雙孔USB叉電器可以解決你叉電器或電腦USB插槽不足嘅困擾。只係要留意嘅係呢個雙孔USB叉電器接頭淨係可以用嚟叉電，無得過資料。
以上精選介紹日本100yen店賣嘅實用電腦小物當中嘅幾款，唔知邊樣商品最吸引到你呢？歡迎你留言俾我哋呀！
Comments