又到咗廣受好評嘅「打開日本女生手袋系列」時間喇！今次手袋嘅主人，係擁有兩個仔嘅在職潮媽。以往佢嘅手袋內總係有成套化妝工具、幾本書或雜誌，同埋兩三件恤衫，無論咩都要塞入手袋，搞到袋入面總係亂糟糟，經常搵唔到到需要嘅嘢或鑰匙等。不過自從生咗兩個仔之後，佢嘅手袋就出現極大變化，變得開始唔會再帶多餘物品喺身上。就等佢本人親自為我哋介紹袋入面嘅嘢啦！
身兼媽媽與自由平面設計師兩職
我嘅生活完全離唔開手提電腦。雖然屋企有自己嘅工作空間，但當我想要專心工作，令自己更有效率嘅時候，我就喺屋企附近搵一家cafe坐低。諗返起我啱啱開始接freelance嘅時候，我經常會幻想自己能夠著睡衣舒服咁坐喺梳化上，一邊飲著熱騰騰咖啡，一邊工作！
不過，現實當然完全唔係呢一回事。屋企總係有太多事會令我分心，例如想要快速咁洗下衫、洗碗，又或稍微準備一下晚餐等等。所以我通常只會將真正需要嘅幾樣物品放入手袋，然後再到外面工作，避免自己一直分心。
私人小型隨身辦公室
除咗手提電腦外，我仲會確保自己隨身帶住充電器同手機。我以前會隨身帶著full frame相機，以便記錄低街上發現嘅有趣事物，不過而家就算係iPhone手機都可以影出高質靚相，所以我已經主要改用iPhone影相。
電子書亦係我嘅必備品之一。一本好書唔單只可以幫我重振精神，仲可以舒緩壓力。此外，喺書上學到嘅知識亦會畀到我靈感𠻹。
雖然我以前會喺化妝品上追求極致，但我而家已經將化妝品數量減少咗好多，而且自認仲做得唔錯𠻹！而家我只需要潤手霜、唇膏/胭脂同粉底，例如我好鍾意韓國品牌IOPE推出嘅氣墊粉底，朝早只要簡單地喺臉上拍幾下，就可以即刻變得有清新好臉色；另外，資生堂MAJOLICA MAJORCA推出嘅凝光寶石（Melty Gem），就可以同時做唇膏同胭脂咁，多用途化妝品，我會用同一隻手指將佢抹喺嘴唇上，然後再輕拍於顴骨位置上，咁就可以快速又簡單咁上妝。
日本嘅冬天又凍又乾，洗碗時雙手經常都會乾到痛，所以我總會隨身必備有香味嘅潤手霜。潤手霜唔單只能夠保持雙手滋潤，佢散發出嘅香味亦可以有助舒壓、減緩疲勞呢！
兒童用品都係必備之一！
我自己都唔確定點解會帶呢啲嘢，但我總係會帶啲玩具嚟哄小朋友。「小朋友喺公眾場合表現良好」係一件好重要嘅事，尤其係搭緊公共交通工具嘅時候。我個人並唔傾向畀小孩使用高科技產品，反而鍾意同佢哋一齊玩摺紙或貼紙。重要係呢啲物品都可以喺100yen店買得到，最重要係我屋企小朋友非常鍾意！
以上非常簡單地介紹咗我手袋內嘅物品，希望您會鍾意啦！
Comments