相信各位經過幾個小時飛機航程抵達日本後，一落地就可能會發覺迎面吹來嘅空氣相當乾燥……的而且確，飛機旅途會對肌膚構成壓力，但您又知唔知跨境時區都會令自己生理時鐘重置呢？
您清楚自己嘅肌膚狀況嗎？
咦？即係咩意思呢？搭飛機旅行會對肌膚造成破損、帶來額外壓力，而呢啲所講嘅壓力，其實就係乾燥、出油。
如果您感到肌膚乾燥，咁就非常有可能係機內冷氣所致（可以想像成沙塵暴襲您臉嘅感覺）。同時油份被困於缺水嘅肌膚細胞內，情況就等同於油脂積聚於內，所以無論您喺機艙內係坐寬敞嘅商務位定經濟艙座椅，呢趟旅程其實一直喺到竊取緊您肌膚嘅光彩，而您到埗後嘅首要任務，就係要令肌膚回復光亮。
好彩！日本有齊最新嘅BB cream、CC cream等流行彩妝品牌，只要您花時間去藥妝店尋寶，就可以輕鬆買到最好嘅彩妝保養用品。但問題又嚟喇－到底呢幾個英文字母有咩差異呢？
而家就等我哋嚟探索箇中秘密啦！
呢啲用字母命名嘅化妝品究竟係何方神聖呢？
BB cream以及CC cream兩者都係改變現代化妝嘅劃時代產品，內裡皆具有對肌膚有益嘅保濕防曬成分，並且能夠保護皮膚免受太陽光直射傷害（以上都係無法喺傳統化妝品上搵到嘅優點）。另外，您仲會發現呢類一小支包裝嘅商品，每項都具有如維他命或抗氧化劑等嘅保護肌膚嘅成分，而且唔會喺皮膚上結塊、形成嚇人外表。而最重要嘅當然就係，BB cream同CC cream都唔會對肌膚造成壓力！
或者新手喺選擇BB cream或CC cream時都會不知所措，我哋深明要喺兩者當中做選擇何其困難嘅一件事，因此喺走入日本藥妝店前，您必須要事先知道以下幾點：
BB cream或CC cream等名稱並唔係唯一區分！
美容霜（Beauty Balm）或傷痕保養霜（Blemish Balm），簡稱BB cream
BB cream係一種改良版保濕潤膚霜，具有修復、舒緩、潤色與打亮等女性特愛嘅功效，因此亦成為BB cream作為女士必備化妝品原因之一。與歐美品牌相比，日本BB cream一般提供更高覆蓋效能與一致薄厚度，仲會附帶亮白效果𠻹。
BB cream
- 適合於日間使用。
- 具有保護肌膚之基礎成分，含有抗氧化劑以及維他命。
- 適合當作潤膚、防曬霜使用，並具有淺色粉底與底妝功效。
- 妝感淡薄且自然。
- 含有高濃度二氧化鈦或氧化鋅成分，防曬效果明顯。
- 比CC cream略為厚重，遮瑕感較重。
有何預期效果（適合使用BB cream之對象）
- 礦物成分基底
- 適合膚色較深或乾性肌膚
- 能夠掩飾細紋、局部瑕疵、遮蓋毛孔、皺紋
- 修飾效果略為厚重
- 有如一層帶水分保護膜
購物小技巧
要防曬的話，選擇含有防曬係數 SPF15或更高防曬係數之產品；要活化肌膚，選擇且含有菸鹼醯胺（niacinamide）之產品；要保濕，選擇含甘油成分（glycerin）之產品。
修飾膚色（Color Control Cream）或補正潤色（Color-Correcting Cream），簡稱CC cream
CC霜能修飾色素沉澱，或蒼白、泛紅等輕微肌膚問題。簡單嚟講，CC cream係一種當您想覆蓋不勻膚色時所使用嘅產品，因為內裡含有等黃、粉或紫等感光反射成分。需知道利用反光粒子成分當化妝品已非新消息，好多美容師或彩妝專家多年來都一直使用反光粒子成分，以解決泛紅、眼部下方青紫色暗沉等膚色不均問題㗎喇！
CC cream
- 適合於日間使用。
- 提供亮白肌膚效果。
- 能夠遮蓋簡單肌膚問題，如膚色不均或泛紅。
- 含抗老化成分。
- 具防曬、保濕與輕盈粉底於一體。
- 能簡單修飾肌膚，甚至更不提供任何遮蓋肌膚成分。
- 理想簡易遮瑕應用妙方。
有何預期效果（適合使用CC cream之對象）
- 更加潤飾與打亮的遮護。
- 適合混合性或油性肌膚。
- 提供更均勻膚色。
- 營造透明感肌膚。
- 遮蔽輕微膚色不均或色素沉澱等問題。
購物小技巧
要防曬的話，選擇防曬係數 SPF15或高防曬係數之產品；要修復、潤澤肌膚的話，選擇且含有維他命B或E等成分之產品；要遮蓋局部細紋的話，選擇含鹼醯胺（niacinamide）之產品。
您係咪覺得呢篇文章好趣呢？ Sharing is caring！請透過Facebook分享，等其他女性朋友都可以一齊釐清BB cream同CC cream嘅分別啦！
*成分可能因商品品牌、製造商而有差異。
Comments