揀同自己膚色相襯嘅秋天色系嚟穿搭啦！

[-Tokyo Girls' Style-] Vol.7

造型師兼網站設計師嘅Nozzo為你獻上東京時下最流行嘅穿搭。呢次係以「個人色彩」嚟進行穿搭。你知唔知自己適合咩顏色呢？根據自己嘅膚色、髮色同眼睛嘅顏色，就可以搵到適合自己嘅顏色㗎喇！想知點搵到適合自己嘅顏色？咁就快啲嚟睇吓呢篇Nozzo介紹秋天色系穿搭嘅文章，一齊探究吓啦！

今年秋天非常流行嘅格仔花紋！格仔花紋褲、格仔花紋大衣、格仔花紋裙，只要係格仔花紋就會立即被搶購一空。今年秋天嘅話，配上深綠色會更顯質感，俾人一種好帥氣嘅感覺。由藻綠色嘅淺色綠，到偏黃色嘅黃綠色，或者係我哋呢次搭配嘅深綠色等各種綠色，越瞭解屬於自己嘅個人色彩就更加能夠搵到適合自己嘅綠色啦！

個人色彩係以可以引發出一個人嘅特質同個性做為理論。將最可以顯現出特質嘅顏色以春夏秋冬四季做為劃分，從中選擇再加建議。

呢個係從美國傳到日本嘅思維方式。以Nozzo嚟舉例，佢嘅個人顏色係“夏天”色系，適合啲帶青色嘅嘅藍色。所以，呢次穿搭嘅綠色羊毛衫帶啲偏藍色，而且較唔帶黃色嘅藍綠色。

相對地，適合帶黃色嘅黃色系列嘅人，透過上圖嘅顏色圖表，即使係揀綠色都可以從中挑選出更適合自己嘅綠色。

要了解屬於自己嘅個人色彩，雖然需要透過鑑定先知道。但通過鑑定嚟搵出適合自己嘅顏色，除咗可以藉此挑戰以往想嘗試但一直唔敢嘗試嘅顏色，都可以從中結合時尚流行大膽穿搭。所以好建議大家嚟鑑定屬於自己嘅個人色彩㗎。

呢個係以酒紅色開襟外套做為搭配，立即打造出散發女人味嘅穿搭。

紅色可細分為義大利番茄紅、玫瑰花瓣嘅玫瑰紅、草莓果實嘅深紅色、酒紅色多種有特色嘅紅色。近幾年紅色唇膏大流行，搵到適合自己嘅紅色，一旦擦上就可以顯出好氣色。

上完妝之後發現自己適合紅色嘅人一定係大有人在。係嘅，你諗得無錯，適合紅色嘅你，紅色就係你嘅個人顏色。Nozzo嘅話好適合酒紅色。想走淑女風時會揀呢個令人情緒高昂嘅紅色，咁樣都會覺得有趣而且可以更積極使用個人色彩嚟搭配。

飾品配件方面，可以用人工毛絨包同黑色絨面高踭鞋嚟同整體做搭配，顯現出季節感。

咁樣嘅穿搭風格，無論係返工定係去約會都適用，唔會有時間地點場合上嘅限制。係無得輸嘅全方位穿搭術呢！

呢次嘅穿搭介紹你覺得點呢？了解適合自己嘅風格，就更加能夠打造出完美穿搭。基於呢個目的，嘗試了解個人色彩都好有意思呢~