您需要知道嘅日本茶道大小事

日本茶道

雖然古時只有男性能夠接觸茶道，但時至今日已演變成每個人都可以自由參與。假如您有機會親身體驗，就千祈唔好錯失機會。聽講有啲人參加茶道時會好緊張，但其實會緊張都好正常，因為茶道確實有啲令人難以置信嘅禮儀同規矩！

究竟乜嘢係日本茶道呢？過程係點樣？參加茶道會時應該做啲咩呢？
我哋將會喺本文為您介紹關於日本茶道嘅一切…

喺邊度舉行？

日本茶道通常會於傳統茶屋內嘅特別茶室內舉行。您可以想像個環境係一間擁有華美設計嘅茶室，仲有好靚嘅插花同埋石頭造景嘅庭園，亦有日本人會夏天時喺庭園舉辦茶會。理論上，茶會可以喺任何地方舉辦，但主流做法就通常會揀鋪咗塌塌米嘅茶室，方便每位來賓都可以安坐，享受一刻美好時光。

茶道係點嚟？

茶道源於「禪」嘅興起，同時被視作為一種放鬆身心嘅方式。據講，茶道亦係因為咁而聲名遠播，「茶道」至今依然係唔少民眾尋求心靈慰藉嘅一種渠道。就好似瑜伽班咁大家會一齊參加，茶道聚會上參加者們都係會一齊冥想。

茶道會用咩茶？

茶道可以分成多個流派，而唔同流派嘅選茶品種又會唔同，但最普遍、最受歡迎嘅就係抹茶同煎茶。

關於抹茶

由於抹茶種於陰涼處，所以擁有順滑口感，同埋好鮮明標誌嘅鮮綠色。抹茶葉被採收後，會先曬乾，然後將經過去除葉梗或葉脈等較硬部份嘅過程後，就會被製作成細粉狀。

茶碗

唔少客人都會對「茶碗」喺茶道過程中嘅重要性感到驚訝。通常茶碗設計都要配合當日茶道會場嘅氣氛去選擇。唔會用馬克杯或一般茶杯，茶道中客人係需要手執叫「茶碗」嘅容器嚟飲茶。特別係夏天時，為咗要令讓碗內嘅茶涼得比較快，就特別會揀一啲細小而淺嘅茶碗，咁樣可以冷茶快啲變涼，相信喺炎炎夏日之下，每個人都希望吧？另一個唔用馬克杯或一般茶杯嘅原因，就係因為儀式中需要攪拌茶粉，用普通茶唔方便參加者磨製茶粉，所以就唔喺採用之列。

茶具

茶道中不可缺少嘅茶具有二，其一係用嚟杓茶嘅茶杓，另一樣就係攪拌時會使用到嘅工具。

茶點

雖然稱為「茶道」，但過程中除咗飲茶，都有嘢食！而啲「食物」通常係一啲小點心之類。抹茶嘅略帶微苦澀嘅味道就廣為人知，所以日本人都習慣品嚐抹茶時會配搭一啲甜味嘅日式點心或和菓子，為苦澀味添上甜味，令味覺碰撞融合。迷你糰子或銅鑼燒都係可以搭配甜點一例。

點樣參加茶道？

正式邀請

參加茶道前，通常會收到主辦人發出嘅正式邀請。茶道開始之前，傳統上會先請你洗淨雙手，代表淨化心靈、清除煩惱或負面情緒，提醒您跟住落嚟嘅時間，要專注喺茶道儀式上。

茶道儀式

主持茶道嘅主人，會先將需要用到嘅茶具拎出嚟洗乾淨。呢個係茶道儀式嘅正式開場，必須遵循特殊方式同順序嚟準備茶具。所有動作嘅進行過程中，都唔可以隨意講話，目的係為咗令來賓之間嘅心靈更接近，讓大家沉靜心靈，準備進入茶道世界。

當茶具清洗好，然後抹茶都準備好後，茶道主人就會用杓子將抹茶粉舀入茶碗中，再加熱水。抹茶粉先會因為熱水沖泡而變得濃稠，然後茶道主人就會再加入更多熱水，讓抹茶濃度變得更加適中。

主人跟住會為一位客人奉上一碗茶，呢位客人會接住茶碗，然後啜飲一口茶，再擦拭茶碗緣口，再傳畀下一位客人。直到所有客人喝完後，最後一位客人就需要將茶碗交返畀主人，同埋要講多謝。

結束後主人會清洗喺過程中用過嘅器皿，包括杓子，竹筅，茶碗，呢個亦係茶道嘅延續，雖然聽起嚟並唔係茶道嘅一部份，但客人通常都會睇住茶具清洗過程，顯示佢地對今次茶道會嘅尊重。

就係咁樣，就完成茶道嘅程序。當結束後，客人就可以各自離開。但如果有點心或者輕食供應，就可能會喺茶道結束後才提供。