當大家提到日本時，最令人覺得有神話色彩嘅，相信要數出好多英雄人物嘅「日本武士」吧！
您可能會數得出好多名將武士，但您又係咪真正了解日本武士呢？為咗幫大家更深入了解佢哋，今次FUN! JAPAN編輯部就整理出一啲有關日本武士嘅有趣知識同大家分享，例如盔甲、教育等，睇完包保您對武士會有更深入了解！
1. 武士刀其實唔係源於日本？
武士刀似乎係世界享負盛名嘅日本武器之首，但呢啲被稱為「刀」（Katana, かたな）嘅武士刀，其實唔係起源於日本，而係古代時由韓國同中國傳入。自從日本武士開始騎馬作戰之後，刀先由原本嘅「彎刀」，逐漸發展成而家印象中嘅武士刀—直刀。
2. 日本武士嘅數量可能比你想像中多得多！
日本武士成日喺電影或者小說裡面，被描繪成一小群隱匿行蹤嘅戰士咁，但其實古代武士人數相當多。事實上，根據官方資料顯示，日本武士嘅數量曾經一度佔總人口嘅10%。即係每10個人就有1個人係武士！喺現代嘅話，即係幾乎每兩三家人就有一個武士咁滯！
3. 武士並唔係士兵咁簡單！
大家好容易誤會以為武士只係負責打仗，但其實大多數武士都接受過高階教育。武士喺日本嘅地位崇高，唔單止識字比率高，亦會接受數學等科目嘅教育。另外，武士亦要學習書法、詩詞，同埋日本茶道等。最令人驚訝嘅係，武士甚至仲會學埋花道等藝術！係咪同武功高強嘅武士印象差好遠呢？
4. 武士唔一定係日本人？
好多人睇過湯告魯斯（Tom Cruise）主演嘅《最後武士》（The Last Samurai）後，都會吐嘈話點解將洋人變成日本武士，但其實古代真係有外國人武士嘅存在。武士並無限定只可以係日本人，亦會有來自外國嘅人以武士身份參加戰爭，而且會被賦予擁有日本名嘅武士刀。例如幾位著名嘅西方武士入面，就包括冒險家、海軍軍官同軍火商存在。
5. 武士嘅武器並唔只武士刀？
喺通俗文化中，武士與武士刀有住密不可分嘅關係，但其實以前有好長嘅一段時間，武士甚至唔會攜帶武士刀。武士多年來嚟都用弓箭為武器，到咗後期先改用武士刀。武士更換武器嘅其中一個原因，係因為戰爭方式展變成好多騎馬戰，用武士刀會比用弓箭方便。
6. 女性武士同樣存在！
好多人都以為只有男性可以做武士，但其實女性武士自古就一直存在！女性武士被稱為「女武藝者」，最早喺16世紀開始就被記載喺史料中，據傳係某啲戰役中，甚至可以有成三分之一嘅武士係女性呢！
7. 武士會為自己嘅武士刀命名！
武士會為自己嘅武士刀命名，因為武士刀被認為係神聖之物，所以值得配上合適名稱。
8. 武士係和平主義者？
好多人覺得武士就係鍾意打交，而且畀人一種難以管束嘅形象，但呢個印象同事實差千百里遠。事實上武士屬於貴族階級，當被捲入糾紛時，武士刀係逼到最後一步先會使用嘅最後手段。其中一個原因，係武士刀被視為神聖武器之一，唔係戰場上都唔會輕易使用！
9. 美軍都有著武士盔甲？
某程度上，美軍可以話係日本武士盔甲嘅用家。武士盔甲非常輕便，而且機動性好好，製作方式通常係用絲繩或皮繩將一片片上過漆嘅盔甲片綁埋一齊。比起同時代其他地方嘅盔甲，例如西方騎士所著嘅重盔甲，武士盔甲可以話係走在時代尖端。美軍因此將武士盔甲加以改良，成為軍服。好多人都未必知，現代軍隊會著嘅防彈背心，其實就係由武士盔甲演變而來。
10. 武士刀係武士靈魂嘅一部分！
武士刀被視為係武士精神嘅延續，所以可以稱得上係武士靈魂嘅一部分。以往唔係武士嘅人係禁止攜帶武士刀，嚴重者犯規的話，更會被處以死刑呢！
Comments