無論你係唔係歷史達人，旅行嘅時候總有機會去探索當地嘅歷史。大部分人可能傾向去拜訪佛教寺廟或神社，或者走馬看花，都唔太會去探究日本城堡嘅意義。所以今日我哋就列出咗日本10大名城嚟同你分享！
大家去日本旅行時，可能大多數都會首先諗起五光十色嘅城市景色、櫻花同溫泉等等，而唔係即刻聯想到日本係一個充滿好多城堡嘅國家。
其實日本國內各地遍佈多座莊嚴建築，雖然您可能會注意到有一部分因為真跡已經不復見，所以而家睇到嘅城跡都係由後人重修而成。但無論係真跡定係復刻版，日本嘅城堡絕對會係旅遊時嘅主要景點之一，所以千祈唔好忘記將古城加落您嘅行程當中喇！
以下係FUN! JAPAN編輯部推薦嘅日本必去10大名城。快啲睇吓有無邊個喺您下次目的地嘅附近啦！
1) 大阪城 Osaka Castle
樓高八層嘅大阪城毫無疑問係日本最出名嘅城堡之一。同樣地，同其他好多日本城堡一樣，古城周圍被風景秀麗嘅城壕圍繞。如果你去到大阪旅遊，推薦你一定要去呢度參觀！特別係喺4、5月期間，櫻花盛開伴隨城內櫻花散落滿地，絕對值回票價！
2) 岡山城 Okayama Castle
遊客喺岡山可以搵到唔少城堡遺跡，而今次介紹嘅就係建立於1597年嘅岡山城。對於第一次去岡山城嘅遊客嚟講，可能會對獨特黑色外牆感到驚訝，亦因此岡山城亦被稱為「烏城」或「金烏城」。另外一大必睇建築特色，仲有裝飾喺屋簷上嘅復刻版黃金金魚雕刻。岡山城對遊客嚟講交通十分方便，城內亦會不定時舉辦展覽解釋岡山城近年嘅演變歷史𠻹。
3) 二條城 Nijo Castle
建立於西元1603年，從江戶時代流傳落嚟嘅京都二條城遺址喺古代曾一度係皇宮及德川家康嘅居所，現時則係被聯合國教科文組織獲選為世界遺產之一。二條城之所以咁特別，係因為古城屬於係云云日本城堡中，大部分城身仍然維持著以前風貌嘅城堡。亦因為佢喺過去嘅封建時代就一直流傳落嚟，所以嚟到呢度可以充分品味佢嘅傳統建築特色。
4) 犬山城 Inuyama Castle
建於江戶時代，座落於愛知縣犬山市嘅犬山城係日本最古老且仍未被重建嘅城堡之一。嚟到犬山城，遊客可以一覽犬山市全市以及一級河川「木曾川」嘅景色，記得一定要去城頂將靚景盡收眼底！城裡亦設有史料館，為遊客解說當地歷史及文化。
5) 名古屋城 Nagoya Castle
名古屋城係另一座同樣自江戶時代就流傳落嚟嘅城堡，座落於日本中部地區嘅名古屋中心地區。名古屋城於西元1520年代開始興建，並於17世紀進行修建工程。二次世界大戰期間，城堡曾化身為軍事重地，同時亦係拘禁戰犯嘅收容所。
6) 首里城 Shuri Castle
首里城因位於沖繩，且交通比起其他城堡較為唔方便，所以可能係日本名城中比較少人知道。沖繩本身嘅獨特風格，令首里城嘅建築風格上有別於一般所見嘅日本風格，外觀類似雄偉寺廟而並非傳統嘅城堡。首里城過去曾經係琉球王室嘅皇宮，並於西元1945年被徹底破壞，然後於1992年被修復。可惜嘅係，喺2019年10月31日一場巨型火災中，首里城主殿、南殿同北殿通通被燒毁，相信需要年日先可以修復好。
7) 會津若松城 Aizuwakamatsu Castle
位於福島嘅會津若松城，別名為「鶴之城」。會津若松城建立於西元1384年，於1868年一度被破壞後又被復建。因為經歷過戊辰戰爭，並見證日本封建時代終結以及明治時代開始，因此城堡喺日本歷史中極具意義。順帶一提，會津若松城喺當時亦曾被武士所佔領。並用於保護德川幕府。
8) 姬路城 Himeji Castle
位於兵庫縣嘅姬路城被譽為「日本最具代表性」嘅城堡建築，從由83棟建築物所構成嘅複雜結構便可略知一二。姬路城於二次世界大戰期間，曾僥倖避過多次炸彈轟擊，顯示出非凡存在價值。姬路城建於西元1333年，現時已被聯合國教科文組織認定係世界遺產之一。
9) 松山城 Matsuyama Castle
松山城由戰國武將加藤嘉明於1603年建造，係四國地區內享負盛名嘅城堡之一。城堡於1784年曾受雷擊所損，其後於1820年被重建。另外亦由於喺二次世界大戰期間遭受過美軍強烈轟擊，松山城直至最近仍然持續進行各部分重建工程。城堡海拔高132米，所以從城內眺望出去嘅景色非常驚艷！
10) 松本城 Matsumoto Castle
松本城屬於日本名城及日本指定文化財之一。由於座落於長野縣，所以從東京出發交通尚算方便。城堡周圍景色十分優雅宜人，整個區域隨處可見小河與山丘。本城建於16世紀，雖然目前所見到嘅松本城已經經歷過多次重建工程，但護城河周圍嘅秀麗景色同其複雜嘅城內結構仍然係唔少遊客慕名而來嘅兩大賣點！
Comments