FUN!JAPAN專訪東京在住嘅女大學生Kasumi
FUN! JAPAN（以下簡稱FJ）：Hi！Kasumi 妳好，先同大家打個招呼吖！
Kasumi（以下簡稱K）：Hi，大家好。FJ：聽講妳而家喺東京讀緊大學，妳嘅大學生活最近如何呢？
K：大學生活真係非常開心。由於我希望學到更多關於英文嘅知識，所以我目前正努力進修英文文學。而我最享受嘅大學生活，就係同一班好姐妹們行街！我哋上晝上完堂之後，就會去澀谷食晏或下午茶，澀谷真係全東京最正嘅地方呀。
FJ：聽起來幾開心喎！但妳下晝唔使上堂咩？
K：由我大二開始，我就只揀我有興趣嘅課堂。因為我出年就要去美國讀大學，所以而家我想將時間多花喺朋友身上。
Kasumi最鐘意用嘅APP大公開！
FJ：哇！要出國讀書，妳一定係個叻女喇。言歸正傳，可以畀我哋睇睇你最鍾意嘅手機APP嗎？
K：當然可以，基本上我手機內面大部分都係各種影相APP。例如SNOW、B612、BeautyPlus、Instagram、仲有…
自拍網美照B612
FJ：等等，可以一個一個講嗎…
K：妳知道SNOW嗎？SNOW仲開發咗另外一個叫「B612」嘅APP，佢都一樣係一個自拍軟體。自拍後妳可以喺張相上畫任何嘢，將自己化身成小貓、小狗、兔仔等可愛動物。而家已經超過三億個用戶喇，而且用戶之間亦可以輕鬆交流大家各自影嘅相𠻹。FJ：呢個APP有支援英文、印尼文、馬來文、泰文、中文以及越南文版本喎。當然亦有日文版，所以 Fun! Japan 嘅讀者喺操作上都唔會遇到困難吧。
K：無錯，係咪真係好好用呢！咁妳哋嘅讀者又鍾意修圖嘛？
絕對不可缺少嘅修美圖神APP BeautyPlus
FJ：我諗都算嘅，可以話畀我哋知妳最鍾意嘅修圖APP又係邊個APP嗎？
K：“BeautyPlus”對我嚟講係最正嘅APP。佢可以令我嘅皮膚睇起嚟更光滑、眼睛更有神、牙齒更白，而且仲有好多濾鏡同特效可以用。用起嚟就似係專業Photoshop一樣。我男朋友成日都話我啲相「執過」，但我仲係用得好開心，因為修圖後可以讓我更有自信。FJ：聽起來又好似幾得意咁。聽講“BeautyPlus”亦一樣支援多國語言，例如印尼文、泰文、中文、越南文同埋英文！天啊，咁正，Fun! Japan 嘅讀者都一定會鍾意用啫。
K：咁妳哋嘅讀者又鍾唔鍾意網購呢？
日本好好買 網購必備APP
FJ：可能無日本咁盛行？但相信好多人都鍾意！點解咁問呢？K：雖然我啱啱介紹妳用嘅APP大部分都係修圖APP，但我都有用梗超過十種APP嚟購物，例如Amazon、Rakuten 樂天、ZOZOTOWN、BUYMA等，我可以順便介紹埋畀大家嗎？
FJ：噢！雖然好感激妳願意介紹，但我哋嘅讀者大部分都居住喺海外，可能無法直接利用日本國內嘅網購APP吧？或者之後第二個post再請妳幫忙啦！
K：好吧，真係可惜呢…雖然我成日都會去澀谷同新宿嘅潮店物色新款，但我都唔會直接喺舖頭買。我會先搵定鍾意嘅款，之後返屋企上網搵同樣款式先再網購。日本真係有好多好用嘅購物網站呢。
FJ：我哋都期待下次有機會可以聽到妳更多分享，今天感謝妳接受我哋採訪！
睇完以上內容，唔知您鍾唔鍾意我哋今日分享嘅內容呢？如果您對網購APP有興趣嘅話，歡迎您留言話畀我哋知！反應好嘅話我哋會再寫相關嘅post㗎！
Comments