好多想要去日本玩嘅遊客可能都會擔心自己唔識點樣乘搭當地公共交通工具。為咗解決大家嘅困擾，筆者AL今次就會喺呢篇文章內一步一步教大家點樣搭日本地鐵！
有別於一般火車，地鐵係喺地底運行嘅交通工具。因此搭地鐵最重要嘅第一步，就係要搵出地鐵站入口。下圖就係東京Metro地鐵站入口嘅標誌。
要尋找入口嘅遊客，可以使用手機內置地圖程式、參考街上地圖，又或尋求路人協助。
要乘搭地鐵前，您必須清楚知道自己應該搭邊條路線先可以抵達目的地。
想知道自己應該搭邊條線嘅話，您可以用手機下載地鐵應用程式，又或去地鐵官方網站下載路線圖。
下面分別為東京、大阪及名古屋嘅路線圖下載網址。
東京 Tokyo
大阪 Osaka
名古屋 Nagoya
3) 按照指示牌抵達車站入閘口
指示牌上一般都會顯示您嘅身處位置同乘搭嘅線路尚餘之距離，等您可以預估自己仲需要幾多時間先可以行到閘口。如果覺得路線名難記，您亦可以改為記顏色，因為地鐵每條路線都已標上唔同顏色作區別。
4) 尋找售票機或售票窗口
如果要購買車飛或為儲值卡充值，您必須先尋找售票機或售票口。通常售票機都會位處閘口附近，搵唔到嘅話只要跟著指示行就啱喇！
5) 睇睇自己應付幾多車資
喺買車飛或充值之前，請先望一下票價表，確認到達目的地需要畀幾多車資。
6) 購買車飛
您可以選擇購買紙製車飛，又或為儲值卡充值。
自動售票機通常都有提供英文介面，只需按螢幕右上角「英文」（English）字樣即可。
7) 通過入閘機
如果您使用儲值卡，則只需喺閘門感應器上拍一下卡即可。
下面呢張就係日本最常見嘅儲值卡「西瓜卡」（Suica）。
使用紙製車票嘅話，就請將車票插入閘門入票口，而且千萬記得要拎返作出閘之用。您會發現驗票機會喺您張車飛打一個細窿。
8) 前往月台
請記得先確認要去幾號月台，以免搭錯反方向列車。例如今天筆者想要去銀座，就必須要去1號月台。
9) 上車
10) 留意車內報站資訊
您應該時不時留意車內報站資訊，以免唔小心坐過站。站名唔單只會顯示於螢幕上，車內亦會有提示廣播。
11) 確認自己要去邊個出口
落車後請望一下寫有出口資訊嘅站牌，確認自己應該由邊個出口出站，確保自己可以最短距離及時間抵達目的地。
12) 通過閘口並離開車站
如果您使用紙製車票，就必須於出閘時再度將車飛放入票口。除非您係使用定期券等特殊車飛，不然機器係唔會將車飛退返畀你嘅。
使用儲值卡嘅遊客，則只需要於離開時再拍一次卡即可。
另外仲有一個要同大家分享嘅小資訊，就係好多日本地鐵站其實都有提供免費無線網路㗎！
您哋覺得呢篇搭車指南如何呢？
希望您喺睇完呢篇文章後，可以喺日本有一次愉快鐵路旅程啦！
Comments