大家好，我係Memmy！
唔知大家有無聽過非物質文化遺產（Intangible Cultural Heritage，又稱無形文化遺產）呢？
非物質文化遺產係由聯合國教科文組織（UNESCO）所設立，致在保護無實體形態嘅文化遺產，令淵源悠久嘅歷史能夠繼續延續下去。
舉個例，非常受歡迎嘅法國美食就係非物質文化遺產之一。
舉個例，非常受歡迎嘅法國美食就係非物質文化遺產之一。
不過您又知唔知「和食」（Washoku，意即日式料理）其實都獲聯合國教科文組織列為非物質文化遺產呢？
※此處「和食」係指日本傳統飲食文化。
我認為遊客去到日本嘅必食日式料理之一，就係所謂嘅「一汁三菜」（ichiju-sansai，意即三餸一湯）。概念嘅主要目的，就係為咗令到大家可以食到營養均衡又健康嘅食物。
一汁三菜以蔬菜為主角，因此可以話係不單有預防肥胖之效，亦有助您有更健康、長壽生活嘅低卡料理。
而日式料理嘅另外一個特點就在於，料理食材中通常都會用到該季節最當造嘅食材嚟製作料理，既可讓享用餐點嘅人體會出四季風情，亦唔會因為每日都食同樣料理而感到厭倦𠻹。
下圖就係「一汁三菜」其中一例，當中包括飯、湯及三道小菜。
緊接世界各地掀起健康又好食嘅低卡料理風潮後，日式料理近年亦開始風靡全球。大家不但對「能夠喺料理中體驗到四季風情」呢件事情非常感到興趣，亦對日式料理精緻擺盤以及多款料理方式充滿好奇，上述兩點亦都係點解而家有好多日本餐廳都喺海外開設分店嘅原因之一。
除咗吸引眼球嘅「日式料理」外，好多日本餐廳迷仲有列舉其他日本餐廳受歡迎嘅地方，包括：
「日本餐廳環境乾淨」、「店員服務優秀」、「裝潢美觀」以及「去高檔日本餐廳消費可以象徵自己地位」等等。
日本嘅人氣料理包括壽司、章魚燒（たこ焼き）、日式燒雞串（焼き鳥）、烏冬（うどん）、天婦羅（てんぷら）及拉麵等。
您住嘅地方附近都有日本餐廳嗎？
如果有嘅話，請您一定要親自去體驗一下「日式料理」嘅深奧之處啊！
Comments