※本篇文章為
2015年4月刊登之版本※
大家好，我係Vanessa！
今日要介紹一個可以令大家去日本旅行時更加方便、簡單嘅小秘訣。如果您想讓您嘅日本之行變得更輕鬆，咁就請您一定要買張西瓜卡（スイカ/Suica）傍身喇！
乜嘢係西瓜卡（Suica）呢？
佢實情就係一張可以令您更輕鬆搭電車、巴士，又或喺便利店消費嘅儲值卡，非常方便㗎！
上圖為東京站自動售票機。
通常售票機都會分成綠色（左邊）與黑色（右邊）兩種，若要購買西瓜卡嘅話，就必須使用黑色售票機。
呢部就係黑色自動售票機。
可以按右上角切換成英文。
畫面切換成英文後，請按藍色方框「購買全新西瓜卡」（Purchase new Suica）。
跟住再按「我的西瓜卡」（My Suica）。
「我的西瓜卡」（My Suica）跟「西瓜卡」（Suica）喺選項上基本無太大分別，但選「我的西瓜卡」嘅話，卡面上就會印有您嘅大名，就算整唔見西瓜卡都可以重新申請。
輸入您嘅個人資料，包括全名、性別、出生年月日、電話號碼後，您嘅全名就會被印喺卡面上。
確認資料無問題後請按OK。
接落嚟就需要選擇儲值額。要留意，製作新卡時會被收取按金500日圓。
雖然一張新卡要500日圓，但可以用一世，而且無論幾時去日本旅行，都可以用呢張西瓜卡周遊全國，其實係非常划算。
舉個例，我選擇咗儲值1,000日圓，就代表我實際於卡內儲值500日圓（扣除卡片本身按金500日圓）。
將1,000日yen鈔票插入去之後...
您嘅西瓜卡就製作完成喇！:)
呢張就係專屬於您嘅西瓜卡 :)
嚟日本旅遊時請一定要購買西瓜卡，一卡在手唔單只可以令您旅程變得更順暢、方便，亦有助您留下更深刻回憶！
Comments