和歌山市導覽

提到和歌山市，相信好多遊客都會馬上聯想到位於串本町嘅海濱小鎮白濱町沙灘以及獲列入聯合國教科文組織世界遺產嘅高野山。事實上，和歌山市係一個平靜且景色秀麗嘅小鎮，如果唔去探索一番就真係非常可惜！

從大阪乘搭JR阪和線或南海本線到和歌山市只需1小時，分別可由難波（1390日圓）或天王寺（830日圓）出發。

從京都車站乘搭黑潮號列車可以直達和歌山市。車程共90分鐘，車票3660日圓。

<旅遊小地>

和歌山城東邊中央郵局有提供外幣匯兌以及ATM，亦可以喺任何一間7-11便利店使用國際ATM提款。

主火車站設有可以寄存行李嘅儲物櫃，遊客資訊中心就位處車站正前方。

<觀光景點>

紀三井寺

雖然多數旅遊書都會推薦和歌山城，但我覺得和歌山市最吸引人嘅，反而係紀三井寺。

要到紀三井寺非常簡單，遊客只需乘搭JR紀勢本線到紀三井寺站即可到達；難嘅其實係遊客要爬231級樓梯，先可以到達三井寺！

紀三井寺最初建於770年，主堂幾乎係1000年後嘅1764年先宣告建造完成。除咗主堂之外，寺內仲有佛塔、木頭與石頭雕像以及最重要嘅日本最大木製佛像。

金漆佛像總高約16米，遊客可以爬上佛殿觀景台飽覽和歌山市風景。

和歌山城 

和歌山城莊嚴地矗立於海拔高49米嘅虎臥山山頂。古城建於1585年，由於喺第二次世界大戰期間受損，現時嘅城堡大部分都係1958年重建而成，只得岡口門與石牆係原本殘留下來之物。秋天時紅葉會圍繞城堡盛放，令庭園更顯絢爛繽紛。

和歌山城從早上9點開放至下午5：30，最終入場時間為5點。成人票價410日圓，兒童票價200日圓。新年期間以外全年開放。

遊客可以從主火車站徒步前往或乘搭0號巴士到公園前站。

和歌山縣立近代美術館

藝術愛好者一定會愛上位於和歌山城南邊嘅近代美術館。美術館通常會展出傳統日式繪畫、油畫、雕塑以及明治時期版畫等作品，又會定期更換展覽內容。館藏不單包含當地藝術家作品，亦有西方藝術家以及畢卡索畫作混雜其中。

除了星期一休館之外，和歌山縣立近代美術館開放時間為早上9:30至17:00。入場費為340日圓。

和歌山遊艇城

遊艇城位於和歌山市南部，城內主要有兩個景點：出售美味新鮮魚貨嘅黑潮市場以及以歐洲都市風建造而成嘅遊樂園歐羅巴港。遊樂園門票大約為2700日圓。

遊客可以從主火車站外面嘅巴士站乘搭22、42、43或121號巴士到遊艇城。

淡嶋神社

淡嶋神社因祭壇上層層疊疊嘅人偶而聞名，傳說其中一個人偶嘅頭髮會特別長。神社為保佑女性婦科之神嘅所在地，通常遊客都會到此祈求懷胎順利。

遊客可以從和歌山市站乘搭加太線到淡嶋神社。

<特別假日與慶典>

3月3日──淡嶋神社

雛祭──女兒節當日，人偶會被放入海中乘浪沖走。

7月（7月底）──和歌山碼頭

8月（第一個星期六）──和歌山城

9月26日，上午10點──日前宮神社與國懸神宮

大約有2600年歷史嘅傳統活動日前宮祭

11月（11月底）──和歌山城

賞楓最佳時機

瑞克旅館

地址：640-8111和歌山県和歌山市新通5丁目6番地

http://www.guesthouserico.com/

和歌山天然溫泉多米高級酒店

地址：640-8331和歌山県和歌山市美園町3-36

http://www.hotespa.net/dormyinn/en/index.html

和歌山港酒店

地址：641-0014和歌山県和歌山市毛見1517番地

https://www.marinacity.com/hotel/english/