想要享受沖繩豪華美景，開車兜風不失為一個好方法！藍色大海包圍住嘅海中道路美景、浪漫嘅夕陽西下、鮮為人知嘅美麗海灘、一路開車兜風前往觀景台，您會揀邊一個呢？以下介紹嘅三個地點您會想去邊個呢？歡迎您喺右邊欄位留言比我哋！
古宇利大橋 + WARUMI海峽
連結古宇利島及屋我地島全長1,960米嘅古宇利大橋。就似係奔馳喺翡翠綠海上一樣咁令人興奮又暢快！ 橋嘅前面有美麗嘅海灘同精品手信店！
鄰近「美麗海水族館」嘅「備瀨福木林道」亦係一個知名嘅治療景點。落車漫步喺多達兩萬棵福木中，享受森林浴好好舒壓。
連接沖繩本島及屋我地島嘅WARUMI大橋上，可以一望WARUMI海峽。WARUMI大橋高37米，係瞭望欣賞絕美景色嘅好地方。開車兜風由「美麗海水族館」到WARUMI大橋及古宇利大橋嘅觀光客相當多，係熱門嘅兜風行程。
場所：沖繩本島北部・本部半島
海中道路 + 勝連城跡
連結濱比嘉島、伊計島等4個島，長達5公里嘅海上橋樑係可一覽沖繩海域美景嘅知名兜風勝地。
登錄於世界文化遺產嘅勝連城，為15世紀沖繩英雄阿麻和利嘅城居。阿麻和利透過海外貿易為沖繩來繁榮。登上此城最高處，往下俯瞰就係一片閃光耀眼嘅藍色大海。
地點：沖繩本島東部・宇流麻市
真榮田岬 + 月亮海灘 + 萬座毛
西海岸係沖繩嘅渡假區代表。「真榮田岬」面向藍色嘅西海岸，以青之洞窟聞名，沿住海景嘅長長樓梯亦令人印象深刻。二月到四月時，可以由觀景台上觀看北上而來嘅鯨魚。喺恩納休息站買現炸嘅沖繩傳統油炸甜品「沙翁」(蛋球)嚟食啦！
「恩納村」渡假區入面嘅非住宿旅客亦可以付費入去「月亮海灘」遊玩，佢係被日本環境省認定為「海水浴場前100名」嘅天然美麗沙灘。令人好想喺沙質細膩嘅海灘上渡過悠閒時光。
喺沖繩「恩納村」附近嘅海岸有一個懸崖峭壁「萬座毛」。呢個巨大岩石位於碧藍嘅海面上，特別之處就係望落去似「大象鼻子」。呢度亦係知名嘅睇日落地點。
地點：沖繩本島西部・恩納村
NIRAI橋・KANAI橋 + 齋場御嶽
面向住大海有一條全長660米高低幅度為80米嘅橋。「NIRAI KANAI」意思係靠海嘅理想村莊。「知念岬」面向住鈷藍色嘅海面，可以遠眺浮喺海面上嘅神之島—「酒高島」。亦千祈唔好錯過「NIRAI KANAI」橋附近隧道上嘅展望台，果度可以睇倒與別不同嘅景色。
「齋場御嶽」代表沖繩嘅神聖地，為世界文化遺產之一，至今仍然受到好好嘅保護。
地點：沖繩本島南部・南城市知念
喜屋武岬 + 和平紀念公園
「喜屋武岬」係既懸崖陡峭延綿又有天藍色海景嘅壯麗地方。特徵為深藍色嘅海洋，可以享受倒同沖繩其他海洋顏色有別嘅美麗。
和平紀念公園所在地為沖繩戰爭嘅戰場。紀念塔、博物館等設施嘅林立表達對珍惜和平嘅渴求，叫人不禁為世界和平祈禱。
地點：本島南部・糸滿市
邊戶岬
「邊戶岬」位於沖繩本島最北端，有海浪接連躍上懸崖嘅天然美景。呢度可以觀賞倒壯麗嘅自然景色及沖繩海岸國家紀念碑嘅周邊景觀。陽光燦爛嘅晴天時仲可以睇倒「與論島」呢！
地點：沖繩本島北部・國頭村
睇完以上介紹嘅三個地方，您最想去邊度呢？歡迎您喺右方欄位留言比我哋！
Comments