呢篇文章係「免費日本旅行贈獎活動～沖繩之旅～ Fun! Japan 沖繩特別企劃」嘅連載文章。
您已經線上參加咗活動嗎？仲未參加嘅朋友，歡迎至沖繩特輯網頁睇詳情啦！→ Fun! Japan 沖繩特輯
無邊無際透明蔚藍嘅美麗海洋係沖繩嘅標誌同象徵，一個令人嚮往嘅旅遊勝地。喺美麗嘅海中徜徉嘅海洋活動，或者係海上或河上搭船巡航之旅，有各式各樣可自由盡情享受嘅戶外活動。呢次要介紹嘅活動，您會想挑戰邊一個呢？
提到沖繩，梗係浮潛、潛水等海洋活動啦！
沖繩版「青之洞窟」係一生絕對要睇一次嘅神秘空間
我哋推薦只需要簡單設備就可以潛入海底嘅浮潛。真榮田岬嘅青之洞窟係一個適合初學者嘅熱門景點。喺呢個咁夢幻嘅氣氛入面，邊個都會覺得無比感動。最適合海洋活動嘅熱門季節係氣溫、水溫較高嘅5～10月。冬天就係少咗強烈嘅陽光，水溫為21〜22℃左右，而由於海水透明度較高，呢段期間亦被喻為一年入面最靚嘅季節。
等我哋一齊窺探海底世界啦！
照片提供:Rikka Dokka
喺當地著名而擁有高海水透明度嘅Kerama群島（或Kerama Blue）潛水，呢度唔單止有海葵魚等好多熱帶魚，仲會有機會見倒海龜添。您可以盡情享受一次美麗嘅海底旅程。
■青之洞窟浮潛
開放期間：全年
所要時間：約2.5小時
費用：3500日圓以上
■沖繩本島海灘潛水體驗
開放期間：全年
所要時間：半日
費用：10,000日圓以上（未含稅）※包含指導員、器材租借及保險
■沖繩本島Fun潛水
開放時間：全年
所要時間：半日
費用：10,000日圓以上（未含稅）※包含指導員、2罐氧氣瓶、配重帶及保險
盡情享受水上搭船巡航之旅
喺海上嘅特等席欣賞日落！
■日落巡航
開放期間：全年
所要時間：1小時45分
講到冬天，有不能錯過嘅賞鯨！
講起賞鯨，喺2〜3月份嘅鯨魚遇見率有成98％以上，令人驚奇！其實一整年當中，喺沖繩可以遇到鯨魚嘅頻率亦比其他海域來得高。仲有機會遇到好似上圖一樣，露出尾鰭跟眾人問好、打招呼嘅場景。此外，有賞鯨團亦提供保證退款服務，如果出海後睇唔倒鯨魚嘅話將會全額退款，記得參加前做資料搜集啦！
■賞鯨
開放期間：2017/12/23～2018/4/8
所要時間：約3小時45分
費用：4,200日圓以上 ※全額退款只限於2〜3月期間
悠閒漫遊嘅紅樹林獨木舟之旅
照片提供: Rikka Dokka
亞熱帶獨特嘅紅樹林圍繞嘅河川上，坐上獨木舟緩慢地前進。呢度比起大海，由於受嘅海浪影響較細，所以就算係初學者亦可以安心乘坐。夏天需要防曬、冬天需要防寒對策，因此如果可以帶件防風外套或雨衣、防水長褲，咁就最好不過啦。
開放期間：全年
所要時間：約2小時
費用：5,000日圓以上
地點：國頭郡東村・慶佐次川（Kesashi-gawa）、西海岸・比謝川（Bisha-gawa）等地
睇完以上嘅介紹，大家覺得點呢？沖繩帶比人夏天嘅印象，但其實好多活動係一整年都可以玩得好盡興嫁！您又會想參加邊一樣活動呢？歡迎您喺右邊嘅留言欄位置寫低您想參加嘅活動！
Comments