日本旅行時，如果想一個旅程去勻東京、大阪等多個縣市嘅觀光景點，其中一種比新幹線更平更抵玩嘅交通工具就係高速巴士。當中，小編大力推薦由夜晚至清晨時分運行嘅「夜行巴士」。皆因夜行巴士嘅最大魅力之一，莫過於喺你瞓覺時移動，有效利用旅行嘅時間與節省住宿旅費。有見及此，小編今次會重點介紹遊日旅客好大機會乘搭來往東京～大阪嘅夜行巴士路線、乘坐方法、注意事項等資訊。
日本的「夜行巴士」係？
夜行巴士係一種從傍晚到夜間出發，並於隔日清晨到達目的地嘅巴士路線。一般情況下，行駛距離約50公里以上。另外，一般夜行巴士嘅座位配置係3行或4行。由於巴士路線使用高速公路作長距離行駛，考慮到乘客們長時間乘坐巴士嘅舒適性，巴士座椅的椅背角度可自行調節，即使長時間乘坐都唔怕會坐得唔舒服！當中，根據唔同嘅巴士公司和車輛型號，所提供嘅設備和服務，例如廁所、免費Wi-Fi、插座等各不相同。有一點要提提大家，夜行巴士票價係每日變動，而且票價會根據不同時期，變動幅度亦會有所改變，大家記得確認好票價再出發喔。
夜行巴士的優點、缺點係？
當喺同一旅程中需要跨越不同縣市時，乘搭夜間巴士亦係其中一個代步工具嘅選擇。以下落嚟，小編將會介紹有關夜行巴士嘅優點和缺點。
夜行巴士優點①：以低廉價格移動至目的地
夜行巴士嘅魅力之一，在於可以用低廉價格進行目的地之間嘅移動。例如，以乘搭新幹線從東京到大阪嘅單程票價為例，一般時期嘅普通車指定席起價約14,000日圓。相比之下，夜間巴士嘅單程票價大約只需數千日圓左右。淡季時期，東京到大阪嘅票價甚至可能只需約2,000日圓。另外，由於利用夜間時間進行移動，仲可以順便慳埋住宿費用。順帶一提，淡季通常係指1月至2月（年初假期除外）、乘客相對較少嘅時期、平日（假日前一日除外）。相反，旺季係指日本年末年始假期、黃金週、八月中嘅盂蘭盆節等假期。而一般時期係指不包含於以上淡、旺季兩者之間嘅時期。
夜間巴士優點②：提供多個落車地點任你揀
夜間巴士嘅優點之一，係提供多個停車地點，乘客可以選擇方便自己落車嘅車站。例如，如果目的地係大阪，可以選擇喺梅田、難波、日本環球影城（USJ）等地落車。由於夜行巴士設有行李儲存空間，所以唔使拎住行李去轉車搭新幹線、機場轉車或轉機等。
夜間巴士缺點①移動時間比較長
其中一個缺點係根據不同目的地，搭車所需時間會變長。以東京新宿～福岡博多嘅路線為例，需要乘坐超過14個小時以上，係一趟長途車程。而東京～大阪嘅路線，乘搭新幹線約3～4小時，夜間巴士則需要約7～10小時。車程中，由於無法隨意站立或改變姿勢，因此建議選擇舒適嘅車輛，並於休息時間郁動一下身體等等，要注意嘅小事項會比較多喔。
夜間巴士缺點②票價會出現大幅變動的情況
雖然屬於較為廉價嘅交通方式，但喺日本年末年始假期、黃金週、盂蘭盆節等繁忙期間，夜行巴士票價亦會出現大幅變動嘅情況，有時候甚至會比淡季時期貴成倍。建議選擇平日或有折扣嘅日子乘搭夜行巴士。
行走東京～大阪之間的夜行巴士公司３選
有多間夜行巴士公司提供行走東京～大阪之間嘅服務，今次小編將介紹其中三間特別具有吸引力嘅公司，除咗提供較多班次、亦相當保護乘客私隱、以及擁有舒適嘅候車空間等優點，同時亦會介紹各公司嘅代表性夜行巴士系列。雖然根據不同座位，價格亦會有所不同。呢三間公司嘅4行式座位車輛喺淡季時大約係3,500～4,000日圓左右，一般時期約為4,000～4,500日圓左右，旺季則約為9,000～10,000日圓左右，票價亦會因是否配備廁所而有所差異。
行走東京～大阪之間夜行巴士公司推薦①：WILLER EXPRESS
「WILLER EXPRESS」係一間每日提供23條路線、417班次嘅夜行巴士營運公司，以先進技術、熱情款待嘅服務精神，為乘客提供便於移動嘅服務。公司致力於追求舒適性，開發並設計獨特嘅座椅和車輛，並不斷引入新款車輛。另外，亦有提供英文、中文繁體字、越南文等5種語言嘅預訂網站。
| Relax（リラックス） | Prime（プライム） | Comodo（コモド） | Reborn（リボーン） | |
| 上車地點（部分例子） | 巴士總站 東京八重洲（バスターミナル東京八重洲） | 東京車站鍛治橋停車場 | 新宿高速巴士總站（バスタ新宿） | 巴士總站 東京八重洲（バスターミナル東京八重洲） |
| 落車地點（部分例子） | 日本環球影城 | WBT大阪梅田 | WBT大阪梅田 | WBT大阪梅田 |
| 特點・設備 |
|
|
|
|
| 基本費用 | 5,500日圓 | 6,000日圓 | 7,600日圓 | 11,000日圓 |
※基本車資根據行程而有所變動。
行走東京～大阪之間夜行巴士推薦②：西日本JR巴士
「西日本JR巴士」行走東京～大阪之間嘅夜行巴士分為3種類型：「Dream Relier」、「Gran Dream」和「青春Eco Dream」，所有車型皆配備廁所。從廉價座位到豪華座位應有盡有，當中最豪華嘅座位係「Dream Relier」嘅「Precious Class」，設有可以伸展腿部並翻身嘅舒適座椅。「Dream Relier」和「Grand Dream」上，只要拉上窗簾即可享有私人空間。車上設置帶有空氣清新機功能嘅空調系統，令乘客可以享受到一趟乾淨舒適嘅巴士旅程。
青春Eco Dream | Gran Dream （グランドリーム号） | Dream Relier （ドリームルリエ号） | |
| 上車地點（部分例子）： | 東京站八重洲南口 | 新宿高速巴士總站（バスタ新宿）（新宿站） | 東京站八重洲南口 |
| 落車地點（部分例子）： | 日本環球影城 | 日本環球影城 | 大阪站 JR高速巴士總站 |
| 特點・設備 |
|
|
|
| 基本費用 ※可享有各種折扣優惠 | 4,000～9,700日圓 | 6,000～11,000日圓 | Advanced Class：10,000～13,500日圓 |
行走東京～大阪之間夜行巴士推薦③：VIP LINER
「VIP LINER」嘅魅力之一係喺東京、大阪、難波等主要城市設有候車空間「VIP休息室」（VIPラウンジ）。乘容可以喺夜晚上車前或者朝早落車後，一邊嘆免費飲品一邊悠閒地休息。每個VIP休息室嘅免費使用時段都唔同，建議事前查好先去！另一個特點係會有「全部乘客齊齊完全躺下」嘅熄燈時間廣播。由於所有乘客都同一時間將座位躺平，咁到時就唔需要顧慮後面嘅人，想點躺就點躺啦。
Aqua Star | VIP Liner 102號 （102便） | Grancia First （グランシアファースト） | |
| 上車地點（部分例子） | 新宿高速巴士總站（バスタ新宿） | 巴士總站 東京八重洲（バスターミナル東京八重洲） | 東京VIP Lounge（東京VIPラウンジ） |
| 落車地點（部分例子） | 日本環球影城Ⓡ | 大阪VIP休息室（大阪VIPラウンジ） | VIP villa難波（VIPヴィラなんば） |
| 特點・設備 |
|
|
|
| 基本費用 | 4,500日圓～ | 6300日圓～ | 7,300日圓～ |
夜行巴士車票喺邊度可以買到？
如果想搭夜行巴士，咁就即刻入手買車票吧！小編以下落嚟會介紹買車票嘅方式。
喺售票窗口購買夜行巴士車票的話
如果買車票時有問題想問，身處東京嘅話可以去東京站、新宿站買，而身處大阪嘅話可以去梅田站等有工作人員駐守嘅售票窗口預訂同購買車票。
喺網上購買夜行巴士車票時的話
夜行巴士車票唔止可以喺各個巴士公司嘅官方網站上預訂同購買，而且亦有部分網站可以一次過搜尋多間巴士公司與路線嘅選項。例如「JAPAN BUS LINES」、「高速巴士.com」等網站，且支援英文同中文，非常貼心，唔識日文嘅日本遊客都可以安心使用。
預訂至乘搭流程可分為3個步驟。
- 步驟1：根據目的地和行程搜尋有空位嘅巴士，選擇想要乘搭嘅巴士班次，再選擇日期和價格。
- 步驟2：輸入人數、座位選擇等必要資訊，以及選擇付款方式。
- 步驟3：喺確認畫面上確認預訂內容，輸入信用卡資訊，點擊購買按鈕即完成預訂。
乘搭夜行巴士除咗可以用實惠嘅價錢來一趟長途之旅，由於巴士係喺夜晚行駛，仲可以順便慳埋住宿費用。再者，可以喺巴士上休息嘅話，可以更有效地利用在地時間進行觀光活動。因此，小編建議大家喺選擇夜行巴士時，要考慮埋乘坐嘅舒適度喔！
新幹線關連文章
Comments