包括「日本三大煙花大會」之一嘅長岡祭煙花大會在內，眾多吸睛嘅煙花盛會盡在新潟縣！當中，除咗有夏季舉辦嘅煙花大會，亦會有冬季舉辦嘅煙花大會等多個精彩活動！以下落嚟，小編將為大家介紹新潟縣內舉辦嘅煙花大會資訊，不妨先Bookmark定，為你未來嘅新潟煙花大會之旅做好準備吧！
※本文根據各煙花大會往年舉辦時期，或最近舉辦嘅相關資訊所撰寫。
※由於天氣等原因可能會中止或延期，最新資訊請從官方網站確認。
※文中圖片為過去所舉辦嘅煙花大會之照片。
新潟煙花大會①長岡祭煙花大會
新潟縣被分為上越、中越和下越3個主要地區。長岡市位於中越地區，係一座廣闊嘅城市，橫跨日本海沿岸地區和積雪深厚嘅山區之間。
每年8月2和3日，喺信濃川沿岸穿越長岡市嘅地方都會舉行長岡祭煙花大會。兩日內共發放約2萬發煙花，每年吸引約100萬人次嘅大型煙花大會。長岡祭煙花大會與秋田嘅大曲之煙花、茨城嘅土浦全國煙花競技大會並列為「日本三大煙花大會」。當中原因包括該煙花大會自1879年開始舉辦嘅悠久歷史，以及煙花表演嘅華麗程度等，具有持續吸引著人們嘅魅力，而被列入為「日本三大煙花大會」之一。
長岡祭煙花大會嘅亮點莫過於其眾多具有強烈衝擊力嘅煙花匯演。除咗可以欣賞得到於空中形成直徑達650米嘅巨大球狀煙花「正三尺玉」、仲有闊度約2公里嘅「復興祈願煙花 火鳳凰」等奪目煙花，其廣闊且壯觀嘅煙花場面，令人讚嘆不已。
從可近距離觀賞煙花嘅信濃川沿岸區域，已經改為採取事前預約制度嘅付費觀賞席。由於網路申請期間有限，想要前往嘅讀者們記得要提前申請喔（僅提供日文服務）。2023年嘅觀賞席僅提供收費入場嘅觀賞席，並已結束售票。
https://nagaokamatsuri.com/beginner/ticket/
長岡祭煙花大會
- 舉辦場所：新潟縣長岡市長生橋下流 信濃川河川岸周邊
- 舉辦時期：每年8月2日~3日
- 舉辦時間：19:20~21:10左右
- 交通方式：從JR長岡站徒步約30分鐘
- 官方網站：https://nagaokamatsuri.com/en/
新潟煙花大會②祇園柏崎祭 海之大煙花大會
柏崎市位於中越地區，面臨日本海，而「祇園柏崎祭 海之大煙花大會」被視為當地嘅夏之風物詩。該煙花大會於每年7月26日舉辦，喺一個半小時內會綻放約1萬6千發煙花，場面相當震撼，亦係當地嘅一大盛事。因此，不僅當地居民，亦吸引唔少非本地嘅遊客特意前往參與。
呢場煙花大會嘅特點正如其名「海之大煙花大會」，於日本海上展開，呈現一連串充滿活力嘅煙花匯演。除咗會於長達1,500米嘅堤防上，同時點燃100發煙花震撼人心之外，當中最令人注目嘅係「海中空Star Mine」（海中空スターマイン），將煙花投放到海中，並於最佳時機綻放，望落就好似於水平線上盛開嘅花卉般璀燦奪目，可以從中感受得到熟練嘅煙花師傅，所展示嘅專業技術喔。
祇園柏崎祭 海之大煙花大會亦設有收費觀覽席，基本上需要事先預約。收費觀覽席周邊和中央海灘周邊屬免費區域，但因為大會當日朝早時間就可以去霸位，所以如果你喺臨開始前先去到現場嘅話，就可能霸唔到睇煙花嘅靚位喔。2023年嘅收費觀覽席經已結束銷售。
祇園柏崎祭 海之大煙花大會
- 舉辦地點：新潟縣柏崎市西港町中央海岸一帶
- 舉辦時期：每年7月26日
- 舉辦時間：約從19:30~21:10左右
- 交通方式：從JR柏崎站步行約25分鐘
- 官方網站：https://www.city.kashiwazaki.lg.jp/kashiwazakihanabi/index.html
新潟煙花大會③湯澤雪煙花
位於新潟縣嘅湯澤町係一個享負盛名嘅溫泉鄉，尤其以越後湯澤溫泉最為聞名。該地區積雪量豐富，擁有眾多滑雪場，冬季吸引唔少喜愛溫泉和滑雪嘅遊客前往，熱鬧非凡。
「湯澤雪煙花」係湯澤町冬季獨有嘅活動。通常會於12至3月期間喺湯澤町內嘅滑雪場內舉行嘅煙花匯演。當中舉辦場地包括GALA湯沢滑雪場、湯澤高原滑雪場、苗場滑雪場等人氣滑雪場喔。雪地上嘅夜空綻放著燦爛嘅煙花景致，既浪漫又壯觀。
由於每個滑雪場所實施嘅內容和日期時間各不相同，如果想參觀嘅話，建議先詢問各個滑雪場以做了解詳情。
湯澤雪煙花
- 舉辦地點：新潟縣柏崎市西港町中央海岸一帶
- 舉辦時間：通常於12月至3月之間
- 舉辦時間：視滑雪場而定
- 交通方式：視滑雪場而定
Comments