【食譜影片】重現日本鄉土料理系列⑥宮城縣：「毛豆泥麻糬」

唔知你有無聽過一款使用毛豆泥所製作，日文名稱為「Zunda Mochi」（ずんだ餅），中文叫做「毛豆泥麻糬」嘅日本點心呢？相信唔少去過東北旅行嘅人都有品嚐過「毛豆泥麻糬」嘅好滋味。今次呢個「重現日本鄉土料理系列」會介紹被農林水產省選為宮城縣鄉土料理百選嘅「毛豆泥麻糬」食譜之餘，仲會喺糯米粉（又稱為白玉粉）中加入絹豆腐，分享「毛豆泥麻糬」健康又好味嘅製作方法。

日本鄉土料理係？

鄉土料理係指活用各地區嘅當地特產，結合當地風土民情所烹煮出來，並經過長年累月於該區廣泛地傳承下來嘅當地特色料理。唔單止係日本人嘅靈魂食物，亦係日本旅行必食嘅人氣美食。

「毛豆泥麻糬」嘅起源&歷史

據聞「毛豆泥麻糬」名稱係因日文中「Zunda」（ずんだ）與搗碎毛豆嘅「豆打」（ずだ）發音相似，因此取其諧音被命名為「毛豆泥麻糬」。亦有另一種講法係因為仙台藩伊達政宗公嘅陣地中，以太刀搗碎毛豆為其起源，由昔日「陣太刀」嘅發音演變成現今「Zunda」（ずんだ）嘅名稱。

「毛豆泥麻糬」原本係以宮城、山形等地為主喺東北盂蘭盆節期間品嚐嘅料理，現時演變成仙台名產，喺手信舖、特產與甜品店等一年四季都有販售。

毛豆泥麻糬」特徴

「毛豆泥麻糬」係將營養豐富嘅毛豆搗碎後與日式年糕結合而成嘅料理。淡綠色外觀除咗擁有清凉可愛嘅感覺，亦因為喺夏天製作嘅原故，所以一般以凍食為主。由於毛豆被磨成糊狀，唔單止易入口仲好易消化，難怪會成為炎炎夏日中嘅人氣美食。

咬一啖啱啱整好嘅「毛豆泥麻糬」，會馬上感受到一股豆香喺口中擴散，滋味無窮！

「毛豆泥麻糬」材料 15個

• 毛豆(連殻) 200g ※使用雪藏毛豆嘅話，要先解凍。
• 黍砂糖40g
• 鹽 1茶匙

白玉糰子：

• 糯米粉 150g 
• 絹豆腐 180g 

附上「芋煮」嘅製作影片

1. 從毛豆殻中取出毛豆放入研缽，加入砂糖和鹽，用研棒邊敲打搗碎邊混合。
   
2. 將糯米粉與豆腐放入碗中，然後用手揉至呈耳垂般觸感後，搓揉成一口大小，稍微接壓一下中央位置。
3. 熱水沸騰後放入②，浮起後再煮1~2分鐘，然後用冰水冷卻。
4. 於③淋上②即大功告成。