「瀨戶內地區」係指面向日本西部中心位置嘅廣島縣同四國北部等沿海地區嘅合稱。由於瀨戶內地區非常廣闊，所以無論你喺邊個地區出發，都一樣咁方便。例如，如果想喺大阪出發嘅話，可以坐新幹線到岡山站或廣島站再展開旅程。講起瀨戶內地區，唔知你會諗起咩呢？大步危小步危嘅絕景？被譽為「最後清流」嘅四萬十川？定係超彈牙嘅烏冬同炙燒鰹魚等美食？擁有豐富自然環境與天然資源嘅瀨戶內地區，無論係美食、美景、抑或係好玩又精彩嘅活動都相當豐富，魅力絕對係數之不盡。
為咗令遊客可以感受重遊日本嘅樂趣，日本國家旅遊局(JNTO)嘅「新日本 心體驗」網站入面有日本各地區嘅旅遊推薦路線。如果想玩轉香川、德島同高知三個縣，就唔可以錯過今次，我哋所推介嘅路線啦！
「瀨戶內地區」4日3夜推薦行程
| Day 1 | 岡山站 ⇒父母之濱 ⇒ 琴平溫泉 |
Day 2 | 金刀比羅宮⇒ 手作烏冬【中野烏冬學校】 ⇒祖谷溫泉 |
Day 3 | 秘景奧祖谷的士包車之旅 ⇒ 高知城 ⇒ 稻草燒鰹魚【弘人市場】 |
Day 4 | 仁淀川SUP ⇒高知縣立牧野植物園 ⇒ 皿鉢料理 |
Day 4 其他路線 | 四萬十川SUP&獨木舟⇒ 皿鉢料理 |
品嚐烏冬及鰹魚的美食之旅
https://www.japan.travel/hk/hk/japan-activities/setouchi/itineraries-5/
香川縣
父母之濱：拍攝天空之鏡相片
位於香川縣嘅「父母之濱」，可以欣賞天空反射喺淺灘上、既夢幻又美好嘅「天空之鏡」絕景！父母之濱係一個約有一公里長嘅海灘，水清沙幼，加上又被選為「日本夕陽100選」地點之一，所以每到暑假都吸引好多遊客嚟打卡兼睇日落。
要影靚靚呃Like相嘅最佳條件係要無風同退潮，出發前記住留意退潮時間與天氣，兼提早喺日落前30分鐘嚟到喇！
父母之濱
- 地址：香川縣高松市濱之町1-20
- 交通：從高松機場乘搭巴士約1小時15分鐘到達丸龜站，換乘JR予讚線約20分鐘，抵達詫間站後乘搭11號仁尾線巴士約25分鐘，到父母之濱巴士站後落車前往
香川縣父母之濱 日版天空之鏡
https://www.japan.travel/hk/hk/japan-activities/activities/142/
金刀比羅宮：登上1368級石梯參拜
「金刀比羅宮」供奉守護海上安全嘅神明，自古以嚟就係當地居民以及漁民信仰嘅中心。直至今時今日，仍然有唔少日本人將「金刀比羅宮」視為一生人必訪一次嘅神社。
呢度最出名嘅係長達1368級嘅石梯，要去到奧社參拜，真係少啲體力都唔得！行完全程就好似做咗場運動咁會非常滿足！當然，去到第785級嘅御本宮參拜完折返都一樣無問題。
參道兩邊仲有好多手信舖同餐廳，非常熱鬧。上午參拜完就喺度食個午餐，補充體力再繼續行程啦！
金刀比羅宮
- 地址：香川縣仲多度郡琴平町892-1
- 交通：從JR琴平站乘搭的士約10分鐘
- 官網：http://www.konpira.or.jp/
金刀比羅宮
https://www.japan.travel/hk/spot/218/
中野烏冬學校：自己手打嘅烏冬份外好味
嚟到有「烏冬縣」之稱嘅香川縣，除咗可以食最出名嘅烏冬，仲可以試吓自己親手整𠻹！「中野烏冬學校」有提供大約一個鐘嘅課堂，首先攪勻老師預先準備好嘅材料，再搓成麵糰，然後就是重頭戲用腳踩麵糰，最後切成條狀嘅烏冬。
踩麵糰嘅時候，老師會播放音樂，大家就一路跳舞一路用腳踩麵糰，成個過程非常好玩！
上完堂，大家當然可以食返自己出盡力整嘅烏冬啦！無論成品如何，相信自製烏冬嘅口感同味道都一定係最難忘！
中野烏冬學校
- 地址：香川縣仲多度郡琴平町796（金刀比羅宮參道）
- 交通：從JR琴平站乘搭的士約10分鐘
吃最正宗的香川縣讚岐烏冬
https://www.japan.travel/hk/hk/japan-activities/activities/139/
琴平溫泉：鄰近金刀比羅宮嘅推介旅館
琴平溫泉係代表香川縣嘅溫泉勝地，亦係「日本溫泉100選」之一。呢度主要有兩大吸引人之處，一係可以享受到對肌肉痛、關節痛同恢復體力有功效嘅3種唔同泉質溫泉，放鬆身心；二係溫泉街同金刀比羅宮距離非常近，相當適合用嚟做觀光據點。今次我入住嘅「琴平溫泉琴參閣」擁有多個大浴池，如入住飛天館嘅話，仲可以邊享受展望露天大風呂邊欣賞壯麗景色𠻹！
琴平溫泉 琴參閣
- 地址：香川縣仲多度郡琴平町685-11
- 交通：從琴平站徒步5分鐘
- 官網：https://www.kotosankaku.jp/
德島縣
秘景奧祖谷的士包車之旅：探索日本三大秘境
德島縣嘅祖谷地區被封為日本三大秘境之一，呢一帶被多個山峰包圍，形成咗V字型嘅特殊山谷地形。國家重要傳統建築群保護地區之一嘅「落合聚落」，聽講喺一千年之前已經有居民沿住斜坡起屋生活。呢度成日被山煙雲霧包圍，氣氛既寧靜又神秘，簡直就好似天空之城一樣嘅世外桃園。
平氏一族喺約1000年前為咗逃避皇族追捕，用樹藤編織出「二重藤蔓橋」。雖然非常有「原始感」令人腳震震，不過，過橋時抬頭可以望見溪谷美景，低頭則可以欣賞腳下清澈嘅河流，絕對係不可錯過嘅美景。
另外，呢度仲有一個「住」滿幾百個稻草人嘅「名頃稻草人村」。裡面嘅稻草人全部由一位村民一手一腳製作，佢為稻草人著上其他村民嘅舊衫，並擺出唔同嘅姿勢，非常有特色，好值得到此一遊！想要用一個上午時間，就去勻晒呢幾個秘境中嘅秘境？最推薦使用當地嘅觀光的士包車服務。唔止方便，經驗豐富嘅的士司機仲會為大家介紹奧祖谷嘅魅力𠻹！
- 地址：德島縣三好市西祖谷山村德善西
- 交通方式：於JR土讚線大歩危站集合後乘搭的士前往
秘探四國德島絕景 深入奧祖谷
https://www.japan.travel/hk/hk/japan-activities/activities/131/
祖谷溫泉：喺大步危峽嘆露天溫泉
祖谷溫泉區有多間溫泉旅館，絕大部分溫泉泉質都富含礦物質，有美肌作用，浸完保證皮膚會變得滑溜溜。入住吉野川旁邊「大步危峽觀光溫泉酒店」嘅話，你可以喺露天風呂內一邊浸浴一邊欣賞大歩危峽景觀，同時聆聽河川流水聲，浸完保證皮膚同心情都會變靚！
峽谷之湯宿 大歩危峽MANNAKA
- 地址：德島縣三好市山城町西宇1644-1
- 交通：從大歩危站乘搭接送巴士約5分鐘
- 官網：https://www.mannaka.co.jp/hotel/hotel.html
高知縣
四萬十川：喺日本三大清流之一體驗SUP同獨木舟
高知縣嘅「四萬十川」除咗係「日本三大清流」，亦有「日本最後之清流」嘅美譽。四萬十川最吸引人嘅地方，除咗有好似山水畫一樣咁迷人嘅景色，仲有流域內47座無欄杆嘅「沉下橋」。
想要好好咁遊覽四萬十川有兩個主要方法，一係坐傳統特色「屋形船」，二係進行立槳衝浪SUP或者獨木舟等水上活動。當中獨木舟體驗既簡單又唔需要花太長時間，非常適合初學者或者親子遊嘅朋友參加。四萬十川水質佳又透明度高，被周圍翠綠嘅群山包圍，呢個咁具魅力嘅景色，一定唔可以錯過！
四萬十川
- 地址：高知縣四萬十市三里1841
- 交通：從土佐黑潮鐵道（土佐くろしお鉄道）中村站，乘搭的士約20分鐘
四萬十川 日本最後清流
https://www.japan.travel/hk/hk/japan-activities/activities/320/
仁淀川：喺擁有清澄水色嘅清流上成為SUP達人
高知縣內河川水質優良，當中被稱為「奇蹟的清流」嘅「仁淀川」，更獲日本國土交通省選為日本水質最佳嘅河川。從高知市內搭火車只需要個半鐘就能抵達，將住宿安排喺市內嘅朋友，呢度就係可以即日來回到訪嘅最佳觀光景點。
想要親身體驗被稱為「仁淀藍」嘅湛藍澄澈水色，最推薦參加當地嘅立槳衝浪SUP體驗。正式開始之前大家會有充足時間可以練習，就算係初學者都好快上到手，唔需要太緊張。到達順流嘅河段，您甚至唔需要划槳，SUP板都能夠隨水流平穩前進。呢個時候不妨直接瞓喺板上，感受陽光、微風同水聲鳥聲嘅協奏，絕對會令你忘卻平日煩悶！
仁淀川
- 地址：高知縣高岡郡日高村下分2658
- 交通：從JR土讚線小村神社前站徒步約15分鐘
仁淀川 日本第一清流
https://www.japan.travel/hk/hk/japan-activities/activities/319/
高知市内：高知城、播磨屋橋…歷史景點滿載
從郊外返回高知市內，一樣有好多地方可以去！又名「鷹城」嘅高知城於江戶時代修築而成，係日本現存12天守之一。由於佢嘅本丸御殿建築保存完好，所以非常有歷史價值，好值得參觀。另外從高知城徒步約15分鐘就可以到達嘅朱紅「播磨屋橋」，亦係高知市嘅地標，加上附近有多間商舖，大家觀光完順便可以購買與鰹魚相關嘅產品，或各種特色零食嚟做手信！
高知城
- 住所：高知縣高知市丸之内一丁目2-1
- 交通：從JR高知站轉乘土佐電交通電車或路線巴士，於「高知城前」落車徒步5分鐘
播磨屋橋
- 住所：高知縣高知市播磨屋町1丁目
- 交通：從JR高知站徒步約10分鐘
桂濱：坂本龍馬嘅故鄉
高知係為日本鞠躬盡瘁嘅歷史英雄人物「坂本龍馬」嘅故鄉。而佢生前最愛嘅地方「桂濱」，擁有一大片白沙青松，係中秋節期間最適合賞月嘅「名月場所」，亦係最能代表高知縣嘅旅遊景點。
喺呢度除咗欣賞藍天碧海景色之外，仲可以到遙望太平洋嘅龍馬像、風景一絕嘅龍王岬展望台同埋海津見神社打卡，記得唔好錯過喇！
桂濱・海津見神社
- 地址：高知縣高知市浦戶9
- 交通：從高知巴士總站乘搭土佐電交通S3號路線巴士前往，約30分鐘
高知縣立牧野植物園：被3000種以上嘅植物好好治癒
起喺五台山上嘅「高知縣立牧野植物園」，分成溫室、藥用植物園同花園展望台等等多個區域。
除咗高知縣內本地品種，仲有來自世界各地嘅奇珍異種同創辦人牧野先生發現嘅特有品種植物，總數多達3000幾種。大家喺任何季節，任何天氣嚟到，都一定可以盡興而歸！
高知縣立牧野植物園
- 地址：高知縣高知市五台山4200-6
- 交通：從JR高知站乘搭「MY遊巴士」前往約30分鐘
弘人市場：品嘗超美味稻草燒鰹魚！
高知縣是遠近馳名的鰹魚王國，而「稻草炙烤鰹魚（鰹魚半敲燒）」就是縣內一種非常傳統又道地的料理方式。據說稻草燃燒時，溫度瞬間高達上千度，這種炙烤方式不僅能去除魚腥味，維持鰹魚外熟內生的口感，還能為鰹魚增添淡淡的草香味，去油解膩，讓魚肉吃起來又香又嫩！
要食最正宗嘅稻草燒鰹魚，可以嚟高知市內嘅「弘人市場」。呢度唔止係旅遊勝地，亦係當地人覓食嘅地點，氣氛十分之熱鬧。除咗鰹魚之外，高知嘅名物屋台餃子及各種下酒小菜都應有盡有，種類五花八門，總有一款啱你胃口！
弘人市場
- 地址：高知縣高知市帶屋町2-3-1
- 交通：從JR高知站徒步約15分鐘
皿鉢料理：高知大堆頭鄉土料理，大份到嚇你一跳
來到高知，可以試試看當地的「皿鉢料理」！皿鉢料理並非特定一種食物的名稱，而是嚟到高知，可以試吓當地特色「皿鉢料理」！皿鉢料理唔係特定某一種食物嘅名稱，而係高知人喺大時大節或者家族聚餐時，將各種刺身、壽司、炸物同鄉土料理放喺一個巨型碟入面嘅做法。皿鉢料理唔單止賣相相當豪華，仲用咗各類當地新鮮食材，例如四萬十川同仁淀川嘅河魚，或者土佐和牛嚟整，好味又夠特別！
「新日本 心體驗」，會為大家介紹日本各地具吸引力嘅當地活動。如果你
都想可以快啲再去日本玩，就留意以下官網嘅資訊啦！
品嚐烏冬及鰹魚的美食之旅
https://www.japan.travel/hk/hk/japan-activities/setouchi/itineraries-5/
新日本 心體驗
Comments