每個人心中一定深藏著一部宮崎駿電影！適逢《千與千尋》播映20週年，吉卜力官方工作室較早前於Twitter上正式回應粉絲對於作品嘅種種疑問，例如《千與千尋》會否有後續故事、白龍嘅真實年齡等等。如果你都係宮崎駿電影粉絲，咁以下Q&A就屬必睇！
吉卜力官方解答《千與千尋》1. 千尋仲有後續故事嗎？
傳聞當時《千與千尋》結局之後仲有個後續故事，但只有部份電影院上映，對此工作室正式回應：「純屬傳聞，並非事實。」！順帶一提，最初設定中宮崎駿原本想將故事起點設定於千尋家裡，令角色們一齊從屋企進入湯屋世界，不過後來呢個決定就被廢止。
吉卜力官方解答《千與千尋》2. 千尋名字由來
工作室表示當時宮崎駿有個10歲左右嘅朋友，因此就將朋友作為參考對象，並為角色取名為千尋。
吉卜力官方解答《千與千尋》3. 須見玲係人類定係動物？
身為千尋前輩嘅須見玲外表雖似人類，但其實湯屋工作人員男性都係青蛙，而女性則為鼻涕蟲，因此須見玲真身係一隻鼻涕蟲。（震驚！）
吉卜力官方解答《千與千尋》4. 湯屋世界處於邊個年代？
有粉絲詢問湯屋具體係邊一個年代，工作室回答為「以幕府末期到明治時代初期流行嘅類西洋風格建築物」為靈感，此外官方更開玩笑地表示，實際上湯屋更貼近吉卜力工作室本身，如果想要喺到工作，就必須到達最上層與製片人鈴木敏夫講 : 「請畀工作我！」（笑）
吉卜力官方解答《千與千尋》5. 點解叫做無臉男？無臉男係神明嗎？
有粉絲詢問無臉男誕生由來，對此工作室回應當初開會時宮崎駿曾表示：「千尋、湯婆婆同無臉男呢3個角色代表『內心一面』，人都有好與壞，無臉男就係作為『無法被定義好壞』而存在嘅角色。」
無臉男係神明嗎？澡堂向每位神明開放，但點解無臉男卻被禁止進入呢？對此吉卜力工作室表示：「無臉男並非神明，但宮崎駿講過：『每個人心中都有一個無臉男。』」
吉卜力官方解答《千與千尋》6. 點解坊寶寶咁大個？
坊寶寶係一個「已經長大卻仍然似個細路」嘅象徵。從電影中觀眾可以睇見湯婆婆仍將坊寶寶當作兒童般呵護，簡單嚟講就係個「裙腳仔」！？
吉卜力官方解答《千與千尋》7. 湯婆婆使出《龍珠》招式
粉絲提問到戲中一個片段，湯婆婆驅逐客人時點解會使用類似《龍珠》嘅招式呢？工作室表示當初於分鏡表上的確有提到《龍珠》風格，並且宮崎駿亦的確表示過湯婆婆係一個「可以飛於空中嘅婦人」 ，乍然一聽係咪同《龍珠》裡會出現嘅角色有幾分相似呢～
吉卜力官方解答《千與千尋》8. 千尋實際過咗幾耐先返到原本世界？
製片人鈴木敏夫解束原作係一套「 三日談 」作品，即千尋於湯屋世界裡共度過3日時光，但根據最後一家三口回到車內嘅畫面中，可以發現車上堆積灰塵，因此可以推斷湯屋世界與現實世界有唔一樣嘅時間流速，不能一概而論。
吉卜力官方解答《千與千尋》9. 白龍真實年齡
有好多粉絲睇完《千與千尋》後都對白龍念念不忘，因此相當好奇身為河神嘅佢究竟實際年齡係幾歲？工作室表示白龍外表約12歲左右，真實年齡不詳，經常會出現時忽冷忽熱嘅表現，而宮崎駿也曾說過：「千尋就似同梗管理階層談戀愛。」
吉卜力官方解答《神隱少女》10. 千尋同白龍仲會再相遇嗎？
千尋同白龍嘅結局一直係影迷未解之謎，對此官方終於作出正式回應：「白龍係千尋原居住地嘅河川河神，如果千尋去造訪𠴱條河的話，或者⋯⋯」（或者會相見？！）
吉卜力官方解答《千與千尋》11. 工作室對於千與千尋嘅感情
有粉絲提問，《千與千尋》唔單只係粉絲們童年回憶，亦係陪伴吉卜力工作室員工走過20週年嘅一部作品，工作室方或者員工對此會有特別紀念活動嗎？吉卜力工作室回應：「工作室唔會做所謂嘅『週年紀念』，不回首過去，專注於眼前事，就係宮崎駿與鈴木老師嘅想法。」
睇完以上吉卜力官方解答《千與千尋》，各位粉絲係咪仲有其他疑問呢？其實吉卜力官方Twitter上仲有好多其他關於《千與千尋》嘅解疑，歡迎粉絲朋友們慢慢睇個飽！
Source：JP_GHIBLI@Twitter
© 妞新聞 www.niusnews.com
Comments