藍色背景、白瓶牛奶招牌…去日本如同出銅鑼灣般香港人，一定唔會對LAWSON呢間便利商店感到陌生！
其實LAWSON喺日本，仲有一間綠色招牌嘅「LAWSON STORE 100」100yen店，店內販賣眾多商品一律標頭100日圓不特只，「LAWSON STORE 100」更堪稱一間小型超級市場，豐富商品種類絕名與大型超市匹敵，同時又兼具便利店方便性，再加上親民貼地均一100yen售價，一次過滿足3個願望！
而提到LAWSON，就不得不提看家甜品！有別於UCHI CAFE系列，LAWSON STORE 100亦有推出獨家甜品系列，適逢最近日本入秋氣息正濃，因此FUN! JAPAN編輯部今次就決定同大家分享LAWSON STORE 100於2021年10月推出嘅多款全新甜品～
※以下商品除特別註明外，售價一律為100日圓（含稅108日圓）。
「LAWSON STORE 100」10月6日（三）全新發售！
提子乾蘋果撻（淡淡肉桂香）
咪睇少定價僅區區100yen（含稅108yen）相當親民，但用料絕不欺場！酥脆口感撻皮配上添加蘋果、冧酒醃漬嘅提子乾製作啂蛋糕，口感紮實，散發淡淡肉桂香，水果與肉桂雙重享受，相當適合用作3點下午茶蛇王！
「LAWSON STORE 100」10月13日（三）全新發售！
① VL 番薯忌廉雙餡麵包
日本嘅秋天又點會少得番薯呢！甜甜番薯餡遇上鮮忌廉，就係最經典又好食嘅味道！
② VL 栗子鮮忌廉丹麥麵包（甘栗餡）
一提到秋天，除咗上文提到嘅番薯，栗子亦定必榜上有名。丹麥麵包裡面包著滿滿香甜濃郁甘栗餡，仲有入口即溶栗子鮮忌廉，每咬一啖，栗子香氣就喺口中擴散，超～幸～福～
③ VL 南瓜批
日本秋天出產嘅南瓜出名鬆軟香甜，而選用南瓜製作嘅甜品、麵包當然諂係食過返尋味！南瓜批選用惠比壽南瓜製作南瓜鮮忌廉，酥脆批皮加上內餡香甜南瓜鮮忌廉，完美演繹何謂天衣無縫最佳拍檔，不禁令人讚嘆努力生存到秋天真好（誇張）。
④ 番薯大福（番薯餡）2個裝
圓碌碌大福唔單只內餡係番薯，就令外觀色澤亦「忠於原著」，紫薯控睇見仲點忍得口！
「LAWSON STORE 100」10月20日（三）全新發售！
① 滿滿秋意花式布甸
秋天香甜蘋果醬再配搭栗子忌廉，打造花式布甸。再配上一杯溫暖紅茶一齊享用，要喺屋企high tea完全不是夢！售價為178日圓（含稅192日圓）。
② 朱古力夾心朱古力蜜瓜包
酥脆密瓜包內混入一粒粒朱古力碎，中間再夾上一整塊朱古力與朱古力忌廉，最邪恐嘅係朱古力塊竟然比密瓜包仲要大！售價為145日圓（含稅157日圓） 。
③ 冰涼醬油糰子
一口大小糰子以五粒包裝登場，Ｑ彈口感配上黏稠醬油醬汁，簡直就係完美絕配。（甜品凍食更好美！）
④ 紅豆奶油酥皮批
酥脆批皮內餡夾著甜而不膩、充滿香氣嘅紅豆餡，再加上濃郁忌廉，甜中帶鹹啱啱好！售價為135日圓（含稅146日圓）。
「LAWSON STORE 100」 10月27日（三）全新發售！
① 好大一盒Mont Blanc
鬆軟海綿蛋糕上鋪著一層屁廉ｍousse，表層再加上和栗忌貳，甜度適中、入口順滑，鍾意食Mont Blanc嘅人保證大滿足。售價為298日圓（含稅322日圓）。
② VL 朱古力醬＆鮮忌廉鬆軟長條麵包
鬆軟可口長條白麵包，中間擠上朱古力忌廉與鮮忌廉，再撒上朱古力粒粒，最適合飯後甜品！（總有千千萬萬個藉口食甜品…）
③ VL 朱古力酥片麵包
長條麵包中間夾著鮮忌廉，上頭再淋上朱古力霜後撒上朱古力酥片，口感層次豐富。仲諗減肥？梗係食完先減啦！
Comments