福岡係日本美食之都，想要「餐餐有食神」嘅您，去福岡就包保唔會出錯！提起福岡名產，唔知大家會諗起乜嘢呢？小編第一個諗到嘅，就係「明太子」！肥肥嫩嫩嘅明太子，無論係配白飯或整成意大利粉，都超受大人細路歡迎～
「やまや（YAMAYA）」係福岡地區名店，去過福岡嘅讀者朋友一定對佢唔陌生。YAMAYA唔單只有販售明太子商品嘅專門店，仲有牛腸煲、明太子料理、燒肉、天婦羅、日式定食…等餐飲品牌，版圖甚至延伸至海外，喺香港都可以搵到足跡～
小編今日要嚟介紹嘅，就係YAMAYA旗下人氣商品「明太子蛋黃醬」、「日式高湯包」以及「柚子風味明太子乾」！小編將會用佢哋嚟試整幾道簡單料理，想要喺屋企輕鬆品嚐道地日本味道嘅您，仲唔快啲bookmark低呢篇文章～？
【YAMAYA日式高湯包】料多、味美、少油！還原度100%日式蔬菜豚汁
日本連鎖定食店經常都會見到「豚汁（とんじる）」，中文即「豬肉味噌湯」。只要準備一煲日式高湯、味噌，再加入豬肉片、紅蘿蔔、白蘿蔔、蒟蒻、牛蒡絲等配料，就可以在家做出還原度100%豚汁。
整法十分簡單—準備一煲800cc水，放入一包YAMAYA日式高湯包，煮滾後以中火煮約1～2分鐘，然後將豬肉片、紅蘿蔔、白蘿蔔、蒟蒻切成一口大小，牛蒡切絲備用。
將紅蘿蔔、白蘿蔔、蒟蒻、牛蒡絲放入高湯裡滾煮，下一步再加入切好豬肉片。豬肉片建議選帶有少少油花嘅部位，有助增添風味。熄火後依據個人口味放入味噌、鹽巴等調味料，起鍋後再撒少少蔥花。有肉又有菜，簡單、健康嘅少油料理就大功告成！
同場加映：YAMAYA日式高湯包追加貼士
除咗用滾水煮2分鐘取出高湯之外，將高湯包、水放入雪櫃雪幾個鐘，亦可以整出完美日式高湯。出門返工前擺入雪櫃，放工後馬上就可以用嚟煮麵、煮湯、煮火鍋、煮關東煮，係唔係超級方便呢？
YAMAYA日式高湯包選用各地精選昆布、鰹節、沙丁魚節、原木栽培香菇、枯鯖節、烤飛魚等6種食材，將包裝袋剪開後，裡面高湯粉就可以直接拎嚟煮料理！例如可以拌炒、醃漬蔬菜，或加入蛋液做成玉子燒，令您餐桌每日充滿變化。
【YAMAYA明太子蛋黃醬】5分鐘上枱！明太子蛋沙律
YAMAYA明太子蛋黃醬係絕對必買人氣商品。小編今次用佢嚟整明太子風味蛋沙律，發現味道超邪惡！（開心share）
首先準備好水煮蛋，然後放入料理兜內將水煮蛋壓碎。壓碎程度視個人口味調整，小編鍾意留低少少口感，所以蛋白無壓得特別碎，偏好綿密口感的話記得多壓幾下～
視個人口味加入YAMAYA明太子蛋黃醬，亦可以順便灑少少鹽，再攪一攪就OK！有別於一般蛋沙律，加咗YAMAYA明太子蛋黃醬嘅沙律既可以食得到明太子顆粒感，明太子香味亦會喺口中化開，小編決定放棄治療，完全無視卡路里大啖大啖食！
做好嘅蛋沙律仲可以用嚟搽多士或麵包，配搭一杯香醇咖啡、沙律、水果，chill爆早餐就係咁簡單～
同場加映：YAMAYA明太子蛋黃醬追加貼士
YAMAYA明太子蛋黃醬可以用嚟整涼拌、料理，或當作其他食材蘸醬都一樣得！小編個人就偏愛拎佢嚟蘸日式唐揚炸雞，或淋上蔬菜沙津直接食！（懶）。據聞唔少日本人整玉子燒時都會加少少蛋黃醬，可以令口感更加豐富喔。
YAMAYA明太子蛋黃醬軟管設計方便擠壓，管口地方仲特別設計成星型，細徵處盡顯心思～
【YAMAYA風乾明太子】柚子風味明太子乾
如果您平時鍾意喺屋企小酌一番，YAMAYA柚子風味明太子乾絕對會係您最佳伴酒菜！明太子乾使用精選鱈魚卵，並添加日本清酒、九州產柚子、北海道羅臼昆布、自製辣椒粉，風乾後宛如烏魚子般，將所有美味全部凝縮埋一齊，直接食用、炒菜、炒飯都一樣啱使！
而小編就私心當中添加咗柚子，令味道更清爽、更有層次～
如果您對YAMAYA商品感興趣，不妨去FUN! JAPAN Select Shop購買喔～
Comments