正所謂「夏天為大地帶來...」,天氣越嚟越炎熱,想消暑的話相信唔少人都會選擇食吓雪糕!日本無印良品就喺今年4月,推出4種全新雪糕商品,一開賣就造成搶購風潮,而6月繼續乘勝出擊再推出3種新口味,誓必再次掀起一股囤貨熱潮!可惜嘅係,雪糕無得搵代購,只好期待香港無印良品都會跟住入貨啦~
包裝維持一貫「無印良品風」
一系列商品全部維持無印良品一貫簡約風,招牌標籤設計再配搭各種口味代表顏色,整體望上去相當清爽,買定幾個擺喺屋企雪櫃即刻當堂充滿日系風!
冰品與冰沙由鮮味食材製成
4月率先推出嘅全新雪糕總共有4種口味,包括牛奶、焙茶、草莓、芒果,每種口味都係用貨真價實嘅水果等製作而成,將食材本身美味發揮極致。而已喺6月推出嘅3種新口味則為酒粕、乳酪、奇異果口味。每款商品售價皆為290日圓。
牛奶口味冰品與「Café&Meal MUJI」所販售嘅霜淇淋相同,採用栃木縣那須地區牧場牛奶製作而成。
焙茶口味則充分展現出焙茶香氣,再配搭牛奶柔和甜味。
冰沙口感草莓口味將草莓泥與草莓塊完美融合,就好似食梗真士多啤梨咁!
芒果口味採用「芒果之王」阿方索芒果醬,唔單只香味夠晒厲害,連味道都格外芬芳甜蜜。與草莓口味相同,芒果口味屬於不含牛奶嘅冰沙類甜品。
酒粕口味使用新潟縣產酒粕,各位除咗可以品嚐到濃醇牛奶之外,仲能夠微微感受到日本酒香氣以及酒粕顆粒感喔。
乳酪口味帶有微酸口感,以挑選富含濃濃奶香與酸味十足嘅乳酪而製成。
奇異果口味選用紐西蘭產綠色奇異果,係另一款能夠品嘗到奇異果種子口感以及酸味甜味嘅冰沙型甜品喔。
Comments