日本中國地區係指由瀨戶內海的山陽地區及日本海的山陰地區，喺呢度坐觀光列車鐵道遊，可以一邊移動一邊欣賞風光明媚的海景。今次FUN! JAPAN編輯部就整理出日本中國地區五大必搭觀光列車，大家一定要bookmark保存，下次去日本時就可以即刻預約去玩~
1. etSETOra觀光列車（JR西日本）— 欣賞廣島／瀨戶內海風景
搭呢架觀光列車，可以盡情飽覽美麗的瀨戶內海島波景色。列車名稱係廣島方言「えっと（et）」，代表「好多（たくさん）」，再加上瀨戶的發音「SETO（せと）」，意思係可以於呢架列車上享受好多瀨戶內海的優點好處。由廣島站到尾道站嘅去程路線，經由吳線海線沿海行走，可以眺望蔚藍的瀨戶內海；而回程就由尾道站至宮島口站，行內陸山線。一來一回之間可以欣賞到山與海唔同美景，盡享瀨戶內海的無窮魅力。
列車基本情報
- 行駛區間：（去程）廣島→尾道、（回程）尾道→宮島口
- 行駛日：整年的週一、週五、週六、週日以及公眾假期 1日1班
- 時間：（單程）約2小時16分～3小時
- 票價：（去程最貴票價）成人2,520日圓、兒童1,760日圓/（回程最貴票價）成人3,680日圓、兒童2,690日圓
- 官網：https://www.setouchi-palette.jp/en/train/etSETOra
2. 「Marumaru no Hanashi（○○のはなし）」列車（JR西日本）—充滿山口縣地道歷史、美食
「Marumaru no Hanashi（○○のはなし）」呢架特別觀光列車，係沿海岸線行走，可以眺望一流嘅日本海海景。車廂設計概念係連接西洋與日本嘅大海，所以１號車廂設計成和風主題，而2號車廂則是西洋主題，車廂的外觀與內裝都好特別，獨具特色。路線行經荻（HA）、長門（NA）、下關（SHI），呢啲山口縣內嘅地方，於幕府末期歷史有重要嘅地位，又有新鮮海味以及地道日本酒等好多唔好嘅「故事(はなし)」，呢架車就可以一次過滿足哂所有願望，讓乘客可以親自感受一下歷史文化，同埋地區嘅地道故事。另外，仲可以預約訂購特製鐵路便當。
列車基本情報
- 行駛區間：山口縣 新下關－東荻
- 行駛日：整年的六日及公眾假期 1日1班
- 時間：單程約3小時
- 票價：成人 乘車券最貴票價1,980日圓＋指定席券530日圓/ 兒童乘車券最貴票價990日圓＋指定席券260日圓
- 官網：https://www.westjr.co.jp/global/tc/train/marumaru_no_hanashi/
3. DL山口號／SL山口號（JR西日本）—復古蒸汽火車
每年由3月開始行駛的SL山口號，由於正進行檢修蒸汽牽引機，2021年3月將會由柴油機車頭牽引的觀光列車「DL山口號」期間限定登場，代替SL提供載客服務，行駛於山口縣新山口站至島根縣津和野站之間。
現時好少見到嘅柴油車頭，今次係期間限定登場，千祈唔好錯過佢帶來嘅強大動力，乘客可以趁呢個難得機會親自體驗一下柴油火車！車廂座位仲設置咗對向式座位同枱，充滿懷舊復古風情，可以一邊浸染於懷舊情懷中，一邊飽覽車窗外優美景色，度過一段難忙嘅時光旅程。另外，車廂內仲會售賣多款地道手信，可以喺旅程中揀啲來做紀念啊。
列車基本情報
- 行駛區間：山口縣新山口－島根縣津和野
- 行駛日：（2021年3月至9月期間中，35日行駛）
- 3月 20日、21日、27日、28日
- 4月 3日、4日、10日、11日、29日、30日
- 5月 1日、2日、3日、4日、5日
- 7月 17日、18日、22日、23日、24日、25日、31日
- 8月 1日、7日、8日、9日、14日、15日、21日、22日、28日、29日
- 9月 18日、19日、20日
- 時間：（單程）約2小時10分鐘
- 料金：最貴票價 成人1,700日圓、兒童840日圓
- 官網：https://www.c571.jp/render/index.html
4. 天地（あめつち）觀光列車（JR西日本）—深入探索日本風情與文化
山陰地區擁有豐富天然資源同自然景色，而且據說相信係日本嘅神社、日本酒、歌舞伎、相撲等日本文化標誌嘅起源之地，傳說中有無數日本神話由呢度誕生。呢啲日本神話、文化嘅要素稱為「NATIVE JAPANESE」，全部都濃縮一齊，設計出呢架「天地（AMETUCHI あめつち）」觀光列車，為乘客精心規劃出一段喺山陰先體驗到嘅旅程，探索更多既古老又嶄新嘅日本。
車廂內設計用咗好多木頭紋路質感嘅裝潢板材，而牆身同地板顏色就呈現山陰嘅翠綠群山以及蔚藍海岸，仲擺設咗好多山陰當地嘅工藝作品作裝飾。喺可以眺望日本海嘅區間，列車會緩慢行駛，畀乘客可以盡情欣賞山陰嘅美景。車內亦提供當地製造嘅商品同飲品等。事先預約仲可以品嚐到山陰嘅地道美食唷。
列車基本情報
- 行駛區間：鳥取縣鳥取市－島根縣出雲市
- 行駛日：主要為週六、週日、週一以及公眾假期
- 時間：去程約3 小時30分鐘、回程約3小時50分鐘
- 料金：成人最貴4,630日圓、兒童3,310日圓
- 官網：https://www.westjr.co.jp/global/tc/train/ametuchi/
5. 奧出雲大蛇號（JR西日本）—通往出雲神話的鐵道
奧出雲大蛇號奔馳於出雲神話的舞台，是穿梭奧出雲山林的人氣熱門路線。座位、地板都以木材製造，車廂和車站建築都充滿懷舊氣氛，加上舊式的折返行車軌，行經隧道時仲有精心準備的燈飾重現古代神話等，非常值得搭乘。平日觀光列色已經非常優美，到春天以及紅葉季節時，就更添色彩。車內有售賣著名鐵路便當以及各式甜點，可以體驗當地的特色美味。
列車基本情報
- 行駛區間：島根縣出雲市站—木次站—廣島縣備後落合站
- 行駛日：2021年4月18日～2021年月11月23日期間的週五、六日、公眾假期（黃金週、暑假、紅葉季期間的平日亦每日行駛）。1日1班來回
- 時間：單程約2小時30分鐘
- 票價：成人乘車券最貴1,980日圓＋指定席費用530日圓/兒童乘車券最貴1,980日圓＋指定席費用260日圓
- 參考網頁：https://www.japan.travel/tw/spot/2316/
照片提供：JR西日本
Comments