有別於大城市電車路線，於北海道雄偉土地奔馳嘅道地鐵道路線，不單會帶您遊覽地道特別景色，而且仲能夠同時欣賞鐵道之旅先有嘅獨家睇頭—特色電車外觀！以下，FUN! JAPAN編輯部要同大家介紹北海道5大精選觀光列車，下次去北海道旅行時，您識得點揀啦～？
1. 鐵道迷指定必訪名車！SL冬季濕原號
SL冬季濕原號係一列會一邊鳴著汽笛、一邊於冬天釧路濕原上奔馳嘅觀光列車。從車窗望出去，您可以見到雪白美景，運氣好的話或者仲會遇上蝦夷鹿或丹頂鶴嘅身影！而車內，乘客則可以與身穿復古風制服嘅車掌合照，品嚐僅限車內販售嘅便當或挑選限定商品做手信。最特別嘅係，您仲可以喺車上購買魷魚，並於車內設置嘅暖爐上自己燒魷魚呢！
列車資訊
- 行駛區間：釧路站⇔釧路濕原站⇔標茶站
- 行駛期間：1月下旬週末、2月每週四～日
- 票價：
- 成人單程1290日圓＋指定席費用840日圓
- ※小童（6歲至12歳）半價、未滿6歳幼兒與嬰兒免費
- ※全車劃一指定席，必須乘車前須預約
2. 鄂霍次克海流冰就近在咫尺！流冰物語號
「流冰物語號」僅於冬季期間行駛於鄂霍次克海沿岸。觀光列車於鄂霍次克海沿岸奔馳時，乘客可透過車窗到流冰覆蓋整片大海嘅壯觀景色。此外，沿線北濱站更設有瞭望台，從瞭望台上都可以近距離欣賞到流冰～
列車資訊
- 行駛區間：網走站⇔知床斜里站
- 行駛期間：1月下旬～2月下旬，每天來回2班
- 票價：成人單程970日圓
- ※小童（6歲至12歳）半價、未滿6歳幼兒與嬰兒免費
- ※全車為自由席
3. 將美瑛山丘及薰衣草花海一網打盡！富良野・美瑛慢車號
「富良野・美瑛慢車號」係一列僅限初夏至秋季期間，於富良野線上行駛嘅期間限定小火車。車內設有木製板凳及開放式大型車窗，受惠於「富良野・美瑛慢車號」行駛路線上滿佈四季變遷北海道代表性風景，因此乘客安坐車內就能眺望雄偉美瑛山丘風景、夏季盛開薰衣草田、大雪山脈等北海道大自然景觀！
列車資訊
- 行駛區間：旭川站⇔美瑛站⇔薰衣草花田站⇔富良野站
- 行駛期間：7月中旬至9月下旬期間內逢週末及公眾假期
- 票價：富良野站～旭川站／單程1,290日圓+指定座530日圓
- 小童（6歲至12歳）半價、未滿6歳幼兒與嬰兒免費
- ※指定席車票可於乘車前1個月前起購買
4. 特急「富良野薰衣草特快」
臨時觀光特急列車「富良野薰衣草特快」行駛於札幌～富良野，唔需要轉車、僅約2小時即可輕鬆來回兩地。列車會配合薰衣草開花時期及富良野、美瑛夏天旅遊旺季行駛，特別係觀光高峰期嘅7月更係超受歡迎！順帶一提，車上亦會販售期間限定・車上限定嘅特產、手信等等。
列車資訊
- 行駛區間：札幌⇔富良野
- 行駛期間：7月中旬至9月下旬期間內逢週末及公眾假期，每天來回1班
- 票價：札幌～富良野／單程 成人2,860日圓+特急自由席1,860日圓、特急指定席2,390日圓
- ※小童（6歲至12歳）半價、未滿6歳幼兒與嬰兒免費
5. 親近北海道釧路濕原！釧路濕原慢車號
於北海道東邊大片釧路濕原上緩慢行駛嘅「釧路濕原慢車號」，係一列會深入一般車輛無法進入嘅區域、近距離欣賞釧路濕原景色嘅人氣觀光列車。「釧路濕原慢車號」僅於春季至秋季運航，從釧路出發，一路帶領乘客抵達可欣賞到小型湖沼群、塘路湖嘅「塘路站」。車程全程大約為1小時，運氣好的話，您甚至可以從車窗見到野生動物身影呢。
列車資訊
- 行駛區間：釧路⇔塘路
- 行駛期間：4月至10期間內逢週末及公眾假期，每天來回3班
- 票價：單程成人640日圓+指定席530日圓
- ※小童（6歲至12歳）半價、未滿6歳幼兒與嬰兒免費
- ※指定席車票可於乘車前1個月前起購買
更多有關JR北海道觀光列車的資訊，可上JR北海道官網查詢
網址：https://www.jrhokkaido.co.jp/global/chinese/travel/tour-train/index.html
※受新型冠狀病毒（COVID-19）疫情影響，有關部分觀光列車最新行駛情況，請以各鐵道公司官方網站為準。
Comments