日本Starbucks每到春天就會推出櫻花主題系列商品，依販售期間及主題分成第一彈及第二彈。第一彈已於2月17日開賣，第二彈則會於2月22日搶先喺日本Starbucks官網開售，再到2月24日起於一般門市開始補貨。各位「星巴克信徒」及「櫻花控」，一於嚟睇吓今次櫻花商品有無您嘅心水啦！
櫻花系列商品第一彈：「Sakura Breath」
採用粉紅與淡藍色調設計，睇上嚟就好似櫻花喺藍天下綻放，希望大家都能感受到滿滿清爽春日氣息！除咗隨行杯及馬克杯之外，今年亦推出櫻花圖案風呂敷以及超可愛嘅迷你杯禮物套裝等，用嚟送禮的話包保您印象分拎滿分！
- 販賣期間：2021年2月17日~售完為止
櫻花系列商品第二彈：「Spring Bloom」
除咗綻放主角「櫻花」之外，第二彈全系列商品都充滿著百花綻放嘅春季爛漫氛圍，配搭春季盛開花朵，希望大家能夠喺群花綻放與春光明媚嘅季節中，感受到春天嘅喜悅與悸動。
- 販賣期間：2021年2月22日~售完為止
無論係第一彈定係第二彈嘅商品都十分浪漫唯美，淨係睇圖片就已經令大家忍唔住大叫「Shut up and take my money!」！櫻花杯商品之外，限定飲品與星巴克卡都同步上市，雖然大家今年無辦法親自飛嚟搶購，只好搵在日親朋好友幫手代購…（FUN! JAPAN開代購團的話，唔知大家又有無興趣呢？）
Comments