家島諸島係由漂浮喺瀨戶內海嘅44個島嶼所構成。距離姬路市約18公里，由姬路港搭定期船嘅話，大約30分鐘左右即可抵達，交通非常方便。講到姬路市嘅觀光地，國寶姬路城絕對係相當聞名，何不將腳步稍微往外延伸多少少，去睇睇至今為止從未見過嘅姬路原風景吧。小編推薦您去一趟家島諸島之旅，島上特有嘅體驗絕對係不容錯過。
家島十景 您未曾見過嘅姬路原風景
家島位於播磨灘海域，自古以嚟漁業就相當發達，漁獲量喺日本國內名列前茅，係相當重要嘅漁場。家島諸島共有44座島嶼，喺相對較大嘅家島、坊勢島、男鹿島、西島，大約居住著6,000人。雖然可以喺姬路即日來回，但係各個島嶼上嘅風景和睇頭都各有特色，所以特別推薦喺島上悠閒自在地體驗旅程。
去到家島之後，首先，推薦您喺「家島港交流廣場（家島港ふれあいプラザ）」租電動三輪汽車和自行車，再配合定期船去遊覽著名嘅「家島十景」。家島十景係島上公認景色最好嘅十個地方。具體嚟講，指嘅係「白髭靈祠」、「觀音崎月」、「天滿靈樹」、「間浦古郭」、「監館眺望」、「赤坂清水．櫻谷雪景」、「宮浦夜泊」、「坊勢寺跡」、「淡賀楯崎」、「松島野馬」。除咗眺望吸睛海景和懷舊嘅港口景色之外，與家島有著好大關係、歷史悠久嘅能量景點「家島神社」亦一定要到訪啊。每年7月24日和25日所舉行嘅例祭「家島天神祭」都會吸引眾多遊客前去觀賞。
家島嘅獨家體驗
喺家島諸島，有各種各樣嘅體驗項目。為您介紹當中特別推薦嘅體驗。
①來踩電動單車盡情享受島嶼風情
作為喺島上移動嘅交通工具嚟講，單車可謂非常方便。踩電動單車嘅話，就算去遠少少嘅地方，稍微陡峭嘅坡道亦可以好輕鬆！無固定嘅行車路線，可以隨時出發想去嘅地方，喺誘人嘅地方停一停抖一抖，影返幾張令人心動嘅相片，享受自由自在嘅旅程。推薦您可以踩吓停吓，喺小巷中散策一番。話唔定可以喺某地方同得意貓仔相遇啊。
②一日漁夫體驗
喺家島體驗現受關注嘅「拖曳網捕魚（底引き網漁体験）」！於早晨坐著漁船，喺瀨戶內海體驗漁夫嘅日常。漁夫捕獲嘅收成可以喺當日午餐時享用。因為事前唔會得知當日捕獲嘅成果，反而充滿莫名嘅興奮感。根據季節各異，可以捕獲蝦、螃蟹、烏賊、章魚等。喺海風吹拂下，一邊感受瀨戶內海嘅美麗，一邊體驗只喺島上先可以進行嘅拖曳網捕魚很寫意吧！
③各種海上運動
正因為難得到訪島上，所以想體驗大海嘅人亦為數唔少。喺家島區域「姬路市家島B&G海洋中心」、西島區域「兵庫縣立家島自然體驗中心」，可以享受到獨木舟、划艇、滑板、帆船等各種海上運動。夏天仲會開設海水浴場，吸引眾多遊客到訪。
享受只有喺當地先可以品嚐得到嘅島嶼美食「島嶼飯」
家島諸島位於日本全國以高漁獲量著稱嘅瀨戶內海，自古以來漁業就非常發達。特別係從晚秋到冬季，家島產嘅梭子蟹和坊勢島產嘅鯖魚，受到高度評價。講到島上必食美食，就係使用島嶼四周所捕獲嘅海產和當地食材，所製作出最美味嘅「島嶼飯」。島嶼飯無固定內容及形式，指嘅係只有喺當地先可以品嚐得到嘅魚生、壽司、燉煮料理、燒烤、B.B.Q等當地料理。去到島上旅遊嘅話，記得要好好享受啊。
如何前往家島
由JR姬路站北口搭神姬巴士前往姬路港，車程約30分鐘。從姬路港到家島本島，搭「高福Liner」或「高速家島」嘅定期船，船程約30分鐘。前往男鹿島請搭「坊勢汽船」。前往坊勢島請搭「坊勢汽船」或「輝觀光」。
Comments