宅在家就可以品嚐到日本直送嘅特產好滋味！萌到不行嘅「熊本熊禮盒」(零食篇)

熊本熊感謝大家熱烈支持、經已全數售罄。

下次會推出邊個都道府縣禮盒呢？敬請期待♪

熊本係好山好水嘅美食寶庫，有唔少零食都係用大自然食材製成，好味又健康。今次，FUN! JAPAN編輯部嚴選6款熊本縣人氣嘅招牌零食，再附上熊本熊環保購物袋，打造出一款「熊本熊禮盒」，等大家就算喺香港宅在家中，都可以享受到日本直送嘅商品！裡面有咩零食？要點樣先可以拎走呢款禮盒？等小編逐一話你知♪

熊本熊得意又趣緻嘅萌氣令佢一直人氣高企！你都係迷倒於熊本熊嘅萌氣之下？即刻為你介紹熊本熊＆熊本縣嘅豐富商品！KEEP住你嘅金睛火眼繼續睇落去，齊齊追捕熊蹤喇！

今次FUN! JAPAN準備嘅熊本產品禮盒，禮盒內產品總價相當於4,000日圓以上，但只要花費3,000日圓就可以帶返屋企，而且無需支付國際運費，係您絕不能錯過嘅高CP超值禮盒！

黑糖甜甜圈棒 300日圓
芥末蓮藕（袋裝） 648日圓
純手工烤仙貝 280日圓
麻雀的蛋（小點心）302日圓
抹茶玄米茶 756日圓
芝麻太鼓（熊本熊） 799日圓
熊本熊環保購物袋 980日圓

禮盒產品總價為4,065日圓。※以上為含稅之參考價格

即刻齊齊逐樣睇，禮盒內嘅產品內容喇！

平價又好食！「黑糖冬甩棒」

「黑糖冬甩棒」（黒糖ドーナツ棒）係熊本當地縣民熱愛30年以上嘅零食，由嚴選嘅食材下，所製成嘅好味道，喺日本獲獎無數。「黑糖冬甩棒」咬落會有一股甜而不膩嘅柔順甜味，喺嘴裡慢慢散開，與此同時，不妨加多杯咖啡、茶或者牛奶更添美味。

擁有400年以上歷史嘅鄉土料理「芥末蓮藕」

「芥末蓮藕」（からし蓮根）係熊本代表性嘅鄉土料理之一，使用上等食材，通過繁複製作工序而成嘅美味商品。恰到好處嘅辣度與酥脆嘅口感係「芥末蓮藕」嘅特徵，令你食完一塊忍唔住想食多幾塊。與其薯片食不停，不如試吓呢款口感有少少似薯片嘅「芥末蓮藕」，感覺比較健康又可享受非一般嘅好滋味。雖然外表睇落普普通通唔多起眼，但擁有令人驚艷嘅好味道！

從內萌到去外！熊本熊「純手工烤仙貝」

呢包「純手工烤仙貝」（純手焼きせんべい）唔只包裝上印有大大個熊本熊圖案，打開包裝，連裡面嘅仙貝上都印有熊本熊圖案非常盞鬼。「純手工烤仙貝」仲係獨立包裝，想同親朋好友們開心SHARE都好方便，就連小朋友都一定鍾意啊。仙貝咬落口感酥脆又易入口，可謂商品一大魅力。

古早風味嘅零食「麻雀之蛋」

呢款名為「麻雀之蛋」（すずめのたまご）嘅零食，其實並非真係用麻雀嘅蛋去製造。而係將花生裹上麵粉跟米粉燒製，並用上醬油調味而成嘅零食。上市至今超過60年，係熊本縣民眾經已習慣嘅好味道。古早風味嘅「麻雀之蛋」，裝喺呆萌嘅熊本熊包裝袋裡面好睇又好食！份量適中而且係獨立包裝，用嚟做下午茶點心或者送禮都相當合適。

日式健康飲品好易入口嘅「抹茶玄米茶」

「抹茶玄米茶」顧名思義就係喺玄米茶裡面加入抹茶。玄米茶嘅特徵係清爽又順口。另一方面，抹茶係相當健康嘅飲品。將兩者合而為一就成為清爽又順口嘅健康飲品，包裝罐上嘅熊本熊模樣相當吸睛，得意到令人視線無法離開。

芝麻風味與大豆口感好神奇！令人越食越想食嘅「芝麻太鼓」

號稱每塊有成約4000粒芝麻嘅「芝麻太鼓」（胡麻太鼓），絕對係一款用芝麻札實地製作而成嘅零食，可以充分享受到濃厚嘅芝麻風味當中嘅獨特口感。滿滿嘅芝麻製作下，讓「芝麻太鼓」帶有甜味十分滋味，而且非常容易入口。無論係白芝麻定係黑芝麻，兩款「芝麻太鼓」都非常好味道，歡迎同小編分享你鍾意黑芝麻定白芝麻♪
另外，呢款禮盒裡面嘅「芝麻太鼓」係與人氣熊本熊嘅合作商品。