經常留意日本資訊嘅人，相信都會知道日本嘅福袋文化吧！日本各大商家都會趁新年期間推出福袋，讓消費者能夠用相對划算嘅價錢，就可以一口氣買到多種商品，於新年氣氛中滿載而歸！今年，FUN! JAPAN編輯部有小編幸運抽中每年都「爭崩頭」嘅日本星巴克福袋，因此決定要為大家介紹內裡乾坤，馬上跟著我哋一齊嚟開箱睇睇今年嘅到底係「福」定「伏」啦！
排隊都買唔到嘅日本星巴克福袋 將「福氣」直送屋企
原先，日本星巴克係採取排隊方式購買。從2018年開始，品牌將排隊購買方式取消、改為網路抽籤，買家需要先上網登記，抽中購買資格嘅人先可以畀錢購買，然後再等指定時間前往自己選取嘅分店取貨。由於唔再需要排隊搶購，競爭者相對增加，因此每年中獎機率其實係超低，感覺抽中星巴克福袋就同六合彩一樣！然而，2021年福袋因為疫情關係，畀錢之後更全面改以郵寄送達，新年伊始就直接將「福氣」送到您屋企！
福袋係「福」定「伏」？開箱文自有分曉！
2021年福袋售價為含稅7,500日圓。每年福袋概念都係將日本傳統以星巴克風格呈現，年年都帶為唔少人帶嚟「福氣」。而今年嘅福「袋」，就被設計成大容量又好用嘅款式，平常出門都可以揹，而且布料一部分更係使用咖啡豆兌換卡等環保棉料製成！
至於福袋內裡到底裝咗啲乜呢？小編抽到嘅有環保午餐袋、2個保溫杯、可愛綠色達摩福熊、咖啡豆1包、飲料兌換券，以及今年嘅新花樣—「咖啡豆兌換卡」，等各位可以喺店舗揀自己鍾意嘅咖啡豆！
結論：係「福」定係「伏」？？
小編自己就覺得係「大福」喇～
Comments